المقارنه بين السلفات (حريم الاخوان)

«®°·.¸.•°°·.¸¸.•°°·.¸.•°®»حبيباتي اول مره اكتب مشكله لي في منتدى والله يشهد اني ما عديتكم الا خواتي اللي ما جابتهم امي وصلت مرحله طفح الكيل

لما بدو اهل زوجي يدورون عروس لولدهم بدو يدورون وحده بمواصفاه قريبه من مواصفاتي بالاضافه للي يبيه الولد

وحتى في يوم الملكه بدوا يقارنون المعازيم اللي من طرفنا وربي جاني كلام ان خالتي الله يطول في عمرها كانت تدور على وحده مثلي زي ماتقول مالقت وربي ما ادح نفسي بس بشهاده الجميع اني جميله من داخلي ونفسيتي حلوه ومن الشكل الخارجي حلوه وانيقه محبوبه من الجميع لكن الناس ما تخلي احد في حاله

وفي ليله الزواج لما دخلت العروس اسمع الهمس بين الحريم اني انا في نظرهم احسن واحلى لاتحسبون ان هالشي يسعدني لا بس المقارنه من اول يوم كثييييره

وصارت مواقف كثيره على طول اسمع من هالكلام ولما نروح لحفله و عند ناس اول مره يحسبون انا العروس انا لي عشر سنوات متزوجه وعندي اطفال لكن ماشاء الله لاقوه الابالله موباين علي

وهذا مسبب لي مشاكل كثير مع الناس والله تعبت على طول المقارنه حتى سلفتي احسها تكرهني بسبب المقارنه ودائما تسمعني كلام بس اطنش

لكن وصلت مرحله زهقت من نفسي اهل زوجي بالعكس مبسوطين مني كثير ويحبوني ويحبون عيالي لكن سلفتي تكره عيالي عشان انا امهم

قولو لي هل الجمال نقمه على صاحبه ليش الناس مالها شغل الا المقارنه بين السلفات هذي احلى وهذي اطول هذي تعرف تلبس وهذيك لاهل الناس تافهه لهادرجه

الله يخليكم يمكن بعضكم يشوف المشكله تافهه بس خلاص وين ماروح احس حمل ثقيل ممكن تعطوني حلول من جد محتاجتكم الله يرضى عليكم دنيا واخره ارررررجوكم ساعدوني نفسيتي مررررررره تعبانه بديت اتحاشى الناس«®°·.¸.•°°·.¸¸.•°°·.¸.•°®»