....ولدت ولادة مبكرة....

مرحباُ نور ينور قمر اول شى الف حمدلله على سلامتك 00

والف مبروك بالمولود خليفه انشاء الله بيطلع بسلامه من الحضانه 00
وبتحطينه في حضنك انتي وزوجك وبتفرحون فيه00

يااااااااااااااااااااااااااااااااارب يطلع بسلامه يااااااااااارب00

وانا راح ادعيله في صلاتي00

حبيبتي ابيك اطنيني على خليفه اوكيه00

الحنونه

الله يسلمج
والله يبارك فيج

مشكوورة الغالية
اشكرج على دعائج ووقفتج معاي

الله يسلمك اختي نور

كنت تعبانه وااايد زاد السائل الاميني حول الجنين

ورحت الجامعه يوم الجمعه مع ان الدكتورة عطتني اجازة بس كان عندي امتحانات
في الليل شفت ملابسي الداخلية وانتوا بكرامه مبلوله
قلت لا يمكن اوسوس
وهاذي يمكن افرازات
توضيت وصليت الفير
ونمت نشيت الساعه عشر
ورحت الحمام اول ما جلست على المراحض
نزل ماي
اهنيه خفت
قمت ولبست عباتي واتصلت حق دكتورتي وقالت لي سيري المستشفى يتاكدون اذا هذا ماي الجنين والا افرازت
سرت الجيمي وقالوا لي ماي جنين وكانوا يبون ينوموني في المستشفى
وقعت بطلع على مسؤليتي واتصلت حق ريلي يا لي من بوظبي ووداني مستشفى الكورنيش
وهناك قالت لي ما تطلعين من المستشفى الا بعد ثلاث شهور وكانت عندي تقلصات

تميت عندهم العصر زادت التقلصات وودوني غرفة الولادة

وولدت ثاني يوم الاحد 19\3\2006 الساعه8


الله يشفي ولدي ويقومه بالسلامه وافرح بشوفته

الحمدلله على السلامه والله يقوم ولدش بالسلامه بس عندي سؤال انتي ولدتي طبيعي والله قيصري؟

الحمدلله على سلامتج أختي .. مبروك عليكم خليفة يتربى بعزكم ..
والله يشفيه واتشوفينه وتفرحين بشوفته يالغالية .. توكلي على الله وادعي له ..
واحنا قلوبنا معاج حبيبتي ..
..
طمنينا على خليفة ..

الله يقومه بالسلامة يارب والله أنا أعرف وحدة جي ولدت بالسادس بس مو بسبة الماي بسبة نزيف وسوولها قيصرية وتم ولدها في الشيشة ليما دخل السابع وطلعته هي خافت تشله لأن كان كيلو وشئ بس الدكاترة طمنوها وقالولها أهم شئ ما يختلط بالمرضى والحين ماشاءالله كبر وعمره 12 سنة بس ماشاءالله ذكي مرة وضعيفون .......

سندس 84
الله يسلمج

لا ولدت طبيعي الحمدلله

كنت خايفة من يسوون لي عملية

عرووس اغسطس

الله يسلمج
والله يبارك فيج
ويقومج بالسلامه

أم رواض
مشكورة حبيبتي


انا ولدي يوم يبته وزنه 820 جرام

بس عنده مرض في العظام
تكلس العظام
ممنوع يشلونه او يحركونه في المستشفى إلا نادرا للضرورة

يارب تشفيه واشوفه يركض ويلعب

طيب أختي اسمحيلي على فضولي ..
بس انتي ما سويتي من قبل تلفزيون وتاكدتي من سلامة البيبي وسلامتج ؟؟
يعني الماي في الرحم كيف يزيد شنهو السبب ؟؟
..

الف الحمدلله على سلامتج
والله يقوم ولدج بالسلامه انشالله

انا اقول اختفيتي مره وحده في رابطة يوليو وكانوا البنات يسألون عنج وعن باقي البنات اللي قطعوا !!!

الحمد لله على سلامتك
وان شاء الله يقوم خليفه بالسلامه وتحضنيه وتدلعيه وتشوفيه
يوم ورا يوم يكبر .. الله يفرحك بشفائه قريبا
دمتي بخير

يارب يشفيه وتفرحين فيه ان شالله

الحمدلله على السلامه

الحمدلله على سلامتج أختي .. مبروك عليكم خليفة يتربى بعزكم ..
والله يشفيه واتشوفينه وتفرحين بشوفته يالغالية .. توكلي على الله وادعي له ..
واحنا قلوبنا معاج حبيبتي ..
..
طمنينا على خليفة ..

الف الحمدلله على سلامتك أختي
والله يحفظ ولدك ويقومه لك بالسلامة،،،وكلنا قوبنا معاك وندعي لك وللولد

الحمد لله على السلامة

ما على الولد شر ان شا الله

الله يبلغك فيه وتشوفيه معرس وتفرحي فيه

الحمدلله على سلامتج وان شاء الله تشوفين خليفة بأحسن حال يارب يتربى في عزكم ان شاء الله و ما علييه شر

اهم شيء الحمد الله على سلامتك يا الغاليه

والله يطمنك على ولدك .......وان شاء الله تشوفينه وتحضنينه .....

بس عليك بالدعاء كثيرا وخاصه في جوف الليل ....ترى دعوة المظطر مستجابه باذنه ...

الله يفرج همك و يشافي ولدك ,

يااااااااااااااااااااااااااااااارب