بنات الكويت ساعدوني رجاءً ... تايهه وما أعرف أحد أثق فيه إلا أنتو

الدكتورة فوزية القطان

ومستشفى الهادي

السلام عليكم ورحمة الله وبركاته

مستشفى دار الشفاء الجديد في حولي خدمتهم وايد زينة ... الطاقم الطبي الدكاترة و الممرضات زينين ... ما اعرف اسم دكتورة معينة انشالله البنات يساعدونج

رب يسهل عليج و تقومين بالسلامة

اختي انتي بتولدين في خاص ولا حكومه
بصراحه لو تولدين بخاص أحسن بوااااااااااااااااااااااايد
ومن ناحية مستشفى قريب بحولي
دار الشفا أقرب شي
واذا تبين بالسالميه
المواساة
بس أسماء دكاتره سووووووووووري ما أعرف

عندج الدكتوره فوزية القطان رووعه في تعاملها

والمستشفى مستشفى الهادي

والله يسهل عليج :)

والله شوفي اختي بصراحه عندج عنايه مستشفى الراشد وايد روعه وبالنسبه للدكتوره خاصه مااعرف والله بس وايد دكاتره زينين

[align=right]نوضة ، مشكورة يا قمر إذا كنت تعرفين رقمها يا ريت ترسلينه على الخاص وأنا راح أدور عليه بعد

مدام كوري ، مشكورة عمري دار الشفاء سمعت عنه وراح أحاول أزوره وأشوف بعيني

غادة اليم أشكرك وبعد مستشفى المواساة سمعت عنه

أم حمودي شجعتيني للدكتورة فوزية ويا عيوني لو تعرفين رقمها ترسلينه على الخاص لو سمحتي

زهرة ربيع مشكورة حياتي

بصراحة ما صدقت ألاقي ردود بهالسرعة والله فرحتوني وحسيت انه فعلاً ممكن اعتمد عليكم خواتي
الله يسهللكم أموركم وينولكم الي ببالكم يا رب

الدكتورة فوزية القطان بميدان حولي

وإذا على المستشفى الهادي للطبيعي ودار الشفى للقيصري ليش ستاف التخدير ممتاز أحسن من الهادي


والله يسهل عليج إنشاءالله

عزيزتي طبعا الأخوات ما قصروا وعطوج المستشفيات المميزه بالكويت وانا اوافقهم بعد بمستشفى دار الشفا الجديد بحولي رعايتهم انشالله ممتازه وولادتي باذن الله عندهم
لكن بصراحه بالنسبه للدكتوره فوزيه القطان فأنا شخصيا مجربتها منذ كنت بالشهر الثاني من الحمل
طبعا ببدايه حملي قالولي عن الدكتوره ناهده العلي وفوزيه القطان واحترت رحت عند د. فوزيه القطان وهناك عند الاستقبال قلتلهم ابي افتح ملف حوامل ولمن درو اني جديده قامو بسرعه البرق وافتحولي الملف ( طبعا علشان يضمنوني عندهم )
المهم كل شهر اراجع عند الدكتوره ما تسويلي شي غير السونار وكلما أسألها سؤال تتضايق وتتذمر مالها خلق احد يسأل وتكلمني باسلوب خايس كأني مغصوبه عليها وتخيلي هذا اول حمل لي ولا عندي احد يفهمني او ينصحني واصلا زوجي من البدايه وداني عند دكتوره خاصه علشان يكون الاهتمام اكبر مايمكن واضمن النصايح عندها والمحضورات وطلع للأسف ماتساعد من هالنواحي بس اللي قادره عليه تسويلج سونار واذا بتسألين ترفع خشمها واتنافخ
وزوجي كان معاي بغرفه السونار وكل مايسألها عن شي ( عن الجنين او شنو احسن مستشفى او عن طريقه الطلق الصناعي او اذا نبي منها نصيحه او أي شي يخطر على بالج كحامل اول مره ماترد عليج الا بالغصب )
الحين انا وزوجي خذينه منها موقف صارم وقرر يوديني عند د. ناهده العلي وتخيلي ماباقي على ولادتي الا شهرين قلتله خل نتحملها ميخالف قالي لأ مستعد افتحلج ملف جديد عن د. ناهده واسويلج فحوصات عندها من أول وجديد ولا نروح حق فوزيه وفعلا لمن سألت عنها لمجربيها وااايد ذموهاوامدحولي ناهده وقالولي خبرج عتييج د. فوزيه ماعادت مثل ماكانت لمن زاد الطلب عليها تغلت وطلع لها ريش
وانشالله مراجعتي وودلاتي راح تكون على يد الدكتوره ناهده لاني سمعت فيها الطبيبه والأم والأخت انسانه محترمه ومايهمها الفلوس مثل فوزيه بل يهمها سلامتج وسلامه البيبي ودايما راح تعطيج نصايحها كأم بدون ماتسألينها ( اذا بتتأكدين سألي أي وحده عندها راح تقولج
عالعموم اسفه طولت عليج ( لكن ماعلى الرسول الا البلاغ ) وبالنهايه القرار بايدج
انشالله قريب اييبلج تليفون د. ناهده العلي

مستشفى دار الشفا 802555

الدكتورة هدى الناصر الزكري
بحولي (مجمع سنام)
بصراحه الدكتورة ما شاء الله روووعه
و هي تولد بمستشفى دار الشفاء حولي

انا من مصر وطبعا مش هقدر افيدك
بس حبيت ادعيلك
يارب تقومى بالسلامه

[align=right]Doony يا عيوني مشكورة على الرد وانت بعد تشجعين الدكتورة فوزية وان شاء الله خير

[align=right]ليلى رمضان
أشكرك حبيبتي وان كان كلامك مزبوط هذا شي يضايق كتير لأنه أنا كمان أول بيبي وبدي مين يساعدني ويكون مهتم فيي 100%
إذا عندك تلفون الدكتورة ناهدة ارسليه لو سمحتي على الخاص
هو إيش رقم الاستعلامات بالكويت :o
ممكن أسألهم عن الرقم صح؟

ولا طولتي علي ولا شي بالعكس كلامك دل على اهتمامك يخليكي لأبنك وزوجك


Manara مشكورة حبيبتي أشوفها بعد يمكن أرتاح عندها

safofaeg تسلمين يا عمري كلك ذوق

اختي انا اول حمل لي يعني مثلج واراجع بمستشفى دار الشفاء الجديد اللي بحولي وعندهم بالمستشفى الدكتورة لاكشمي وايد زينة