عقده نفسية من الرجال

هممم طيب اختي ايش المشكله الي مخليتك تكرهين الرجال...؟

اختي... كيف قصدج تكرهين الرياييل... خوف ولا كره؟! في فرق

بكرة بتحبينهم موووت

لاعقده ولا شي تعوذي من ابليس حبيبتي

هذه وساوس الشيطان وخوفج من الزواج والحياه الزوجيه

اخواتي
اشكركم على المرور
وانا بصفة عامة مااحب اتعامل معى الرجال
ولا قد صار لي موقف معاهم ابدا
ويمكن ثلاثة اشياء اجتمعت
خوف +خجل=كره
يعني نفسيا ماقدرت اهئ نفسي؛للزواج
واتمنى من الاخوات الافادة
وشكـــــــــــــــــــــــــــــــرا للجميع،،،،،،،،

[grade="00008B FF6347 008000 4B0082"]حبيتبي لاازم تتعودين عليهم لان هاي سنه الحياه ...[/grade]

السلام علييكم

شوفي اختي .. في بنات اهني وجهوا لج سؤال و هو هل انتي خايفه او كارهه؟

وانتي ماعرفتي ترديين عل سؤال بس قلتي انج ماعمرج احتكيتي فيهم فب اي ظرف من الظروف اوكي هذي نقطة فهمناها

عدم الاحتكاك يمكن يولد نوع من الخوف و هذا يعطيج الشعور انج ماتبين قربهم لانج ماتعودتي على قربهم من الاصل .. هذي النقطه يمكن تفهمت حالتج فيها

و الخجل عد اوكي فديتج شي بديهي و طبيعي وحده ماحتكت براييل و فجاه تلاقي نفسها منفرده مع ريال بروحها ايب خجل و خوف و ارتباك و معظم البنات اكدي واجهوا هل نوع من الاحساس ...

بس انا صراحة مافهمت سبب تصميمج على كلمة كره و خلصة يوم قلتي خوف+ خجل= كره

شوفي اولا الخوف مايب كره بس يممن يولد عقده و الخجل ابد مايتفق مع الكره ... انتي الي فيييج فدييتج خوف من التجربه و مسببلج هل تفكيير عقدة نفسييية .. و خوف من انه هل لحظة تيي .. عزيزتي انتي ماتكرهيين الريايل بل انتي تنفرين منهم بسبب الخوف و العقدة الي ولدتيها لنفسج ...

انا ماقولج هل وضع طبيعي مع كل البنات ووصلت لها مرحلة .... مرحلة الي انتي تسمينها كره بس في اعتقادي انتي ماعرفتي تعبرين صح ... معظم البنات يصولن لهل مرحلة الي هي مرحلة الخوف ... يعني لا شعوريا اكيد تجربه يديده حياة يديده شخص مجهول .. علاقة غير؟ روتين غيير لا بد شي بيكون في توتر و خوف ... و بس اول ما تتعودين على هل شي ولا تجربينه بيروح هل خوف و بيصير لج روتيين يديد تتعودين علييه ..

واايد قصص فدييتج سمعت عنها عن بنات مايواطنون الريايل و في مدة شهرين الوحدة يوم تكلم خطيبها تميل له و عقب لا تلاقينها هي الي مو راضيه تهده هههههههه

فدييتج الوضع الي انتي فيه طبيعي و لا تحسسين نفسج انج تكريهينهم لانه هذا مو صحيح انتي بس تخافين تدشين تجربه يديه انتي ماعمرج جربتيها ....

بس صلي استخاره و توكلي على الله و راح تتذكرين كلامي

تمنياتي لج بالتوفيق

وعليكم السلام ورحمة الله وبركاته

غاليتي الحبيبة تغاريد*

أولا ألف مبرووووووك على خبر إرتباطك

بزوج المستقبل .. عسى ربي يوفقك ويسعدك ..

وتكون رحلة حياة سعيدة ورائعة ..

بصراحة كنت مثلك تماما .. أكره شئ عندي في الوجود

سيرة الرجال .. لدرجة إن فكرة الزواج كانت مرفوضة

تماما .. ولا أسمح لأحد أن يناقشني فيها ..

ولما تقدم فارس الأحلام رفضته في البداية من غير

أي سبب .. لكن الوالد رحمة الله عليه أحرجني بنظراته

وسألني وش اللي معيب الرجال عشان ترفضينه ؟؟؟

وربي من غير شعور قلت موافقة فقط إرضاء لوالدي

وبعدها بأسبوعين توفي والدي رحمة الله عليه ..

عانيت في البداية لصعوبة التعامل .. وزوجي بالفعل

تحملني .. وأبشرك الحين الأمور تغيرت والمحبة

يالغالية تجي مع العشرة والوقت ..

وأتمنى من قلبي أن لاتضيعي أجمل لحظات حياتك

بسبب هذا التفكير السلبي .. كما ضيعتها وتندمت عليها ..

كتبت تجربتي لتتعظي منها .. ولتدركي أن سوء تقديرنا

للأمور يأتي بنتيجة ليست في صالحنا دائما ..

حبيبتي

إنظري للآتي بنظرة تفاؤل .. وإنزعي عن تفكيرك

مسألة الكرة .. لإنك في يوما ما ستقولين فعلاأخواتي

كانوا على حق..

أتمنى لك الخير حيث كان وأن يجللك ربي بالتوفيق

ويظللك بحياة كريمة في ظل من تحبين ..

أختك ذكريات

باجر بتعودين وبتعاملين وبتضحكين على روحج

عاااادي اختي بنت عموتي كانت شراتج بس من تزوجت تغيرت وتعالي شوفيها الحين ما تخلي ريلها دقايق
انتي جربي وبعدين احكمي:)