السلام عليكم ورحمة الله وبركاته
شحالكم بنات عساكم بخير
انا مب عارفه من وين ابدأ المشكلة ... بس ان شاء الله تفهمووون علي وتشيرون علي ....
ببدا من اول شي ...
انا ساكنة في بيت ويا امي وابوي واخواني ... وعدال بيتنا بيت يدتي .. يدتي ساكنه مع ولدها وبناتها هنتين يعني خالاتي .. وبينا بس جدار .... جدتي عندها ثلاث اولاد متزوجين .... الاول والثاني من خوالي متزوجين وعايشين حياه طبيعيه ... بس خالي الثالث متزوج وحده كان هوه مختارنها يوم كان عمرها 16 سنة ... وتزوجها بعد ماهدد اهلي ان بينتحر ... والحرمه اللي كان يباها عمرها 23 او 26 ... المهم تزوجها ومرت الايام .. في بدايات دخولها العايله محد تقبلها وبعدين شوي شوي صارت منا وفينا ويابت منه اعيال وكلهن بنات ....لين ما جا اليووووم واكتشفنا انها تخون خالي وكان الدليل موجود ... كلمنا خالي وراويناه الدليل ... شل عنها العيال ويا يسكن بيت يدتي هوه وبناته .. وكان معصب عليها ... وبناتها طلعوا اشياء فظيعه عن امهم يوم كانوا موجودين عندنا .. قلنا ماعليه بنستر عليها وحتى عن اعيالها مابنحرمها .... لكن مره من المره بنات خالي قالوا حق ابوهم ودنا عند امنا نبي نزووورها ... المهم هوه سار بيت ام مرته اللي خانته ... كان واقف برع في السياره ... وطلع اخو الحرمه وقاله تفضل اشرب شاي لين مايخلصن بناتك من عند امهم .. خالي ماطاع يدش ... والمهم انه شرب شي من ايد اخو البنت .. شاي او ماي .. هاللي سمعناه ....اليوم الثاني كان منقلب ويبغي يرجع مرته اللي خانته ... ويبغي يرجع بيته .. قلنا له اوكي حياتك وانت حر سوو اللي تباه ...شل اعياله وسار ...لكن المشكله مرته شلت في قلبها علينا عشان نحن خبرنا خالي بالدليل وتكيد لنا .... و سمعنا من ناس انها تتعامل بالسحر ... وتبرت يدتي من خالي لانه خلاص كان ييلس يشوف مرته في البيت والرياييل يدخلون ويطلعوون من الباب الثاني ... على مرته وعلى بناته ... يعني مثل غشاوه عليه او مثل متخبل ... حاولنا نفك عنه السحر ... قال لنا الريال اللي حاولنا يعالجه قال .. السحر بينفك اذا مرته ماتت او اللي سوت له ماتت ..
اوكي موضوع خالي انتهى ومثل ماقلت ان مرت خالي تكيد لنا الحين بشكل فظيع ...
المهم اييون الخطاطيب حق خالاتي تخرب عليهم ... ونفس الشي على خوالي الثانييين ... تخرب عليهم عشان مايتزوجون ...
صحيح انها معرووووفه باخلاقها الدنية بس المشكله ان اللي في الفريج نفس مستواها ومصادقه اغلب العوايل ........ يعني من تصبح لين ماتمسي وهيه في بيوووت الناس واذا هيه في بيتها ... تيلس ادخل واطلع رياييل .... هذا اللي نسمعه من ناس
المهم قبل كم شهر خالتي تزووووجت وتطلقت ... بس تدرووون من كم سنه مخطوووبه ؟؟؟
من ست سنوات .... واخر شي تزوجت غصب ... وقبل لاتتزوج .... يت عند امي بشكاره قديمه ... قالت .. انا بقول لكم شي بس لاتعصبون عليه ... قالت لها امي قولي لاتخافين طبعا امي هيه اخت خالتي اللي تزوجت ... قالت الخدامه ان مرت خالي الخاينة .. شايله صوره وشي من لبس خالتي .. يوم كانوا قم يدتي مسافرين وكانوا مخلين المفاتيح عندها يتحسبون ان مرت خالي امينه ....وان الخدامه شافتها بس هددت الخدامه اذا رمست بتتسفر ..... وبعد ست سنوات خبرتنا ...
المهم خالتي تطلقت بعد ثمان ايام من الزواج .. لانها كانت تقول بس اشوفه ريلي كنه سبال ماطيقة ... ويدتي وخالتي الثانيه وخوالي الشباب كلهم على عيونهم مثل غشاوه .. لان انا و امي نقول لهم هالموضوع مب طبيعي اكيد في شي يقولون لا مافي شي مايصدقووووون ... ويعقون العيب على الريال اللي تزوج خالتي
وطلاق خالتي سبب لنا مشاكل
يعني الحين امي وانا على خلاف ويا امها وخواتها واخوانها
وضاميني انا مع امي
انا امي مع الحق وتحاول تنصحهم ان في شي مب طبيعي بس هم مايصدقون ويقولون لها انتي دايره ويا اهل الريال اللي طلقوا اختج
بس هم مب طايعين يفهموووون
يدتي انا من النوع العصبي وايد ونفس الشي خالاتي ...
المهم ست شهووور وفي قطاعه بينا وبينهم .. صح هيه يدتي وام امي ... بس انا مب مهتمه .. صحيح احن لها .... بس هيه ماتعتبرني انا ولا امي مثل بناتها ... لان بعد طلاق خالتي .. قامت يدتي ترمس وتقول اني انا ابغي حد من اخوان ريل خالتي اللي طلقها .. وانا والله العظيم مافي بالي هالشي وكلهم مخطوبين وبيتزوجون اخوان ريل خالتي اللي طقها
بس قلت كيف اهون عليها انا مثل بنتها كيف تتكلم عني جذي ....
المهم انا احترمها لانه حرمه كبيره واقول كل شي عند الله مايضيع ... حاسه انهم هم مب طبيعييين
لكن امي انا تصيح الليل والنهار على امها حتى انها مرضت تحن على امها اللي هيه يدتي وكل ماتسير تبى تحبها على راسها خوالي يمنعون امي ....
المهم الله العالم بالحال وان شاء الله كل شي عند الله مايضيع
بس الحين قبل ثلاث اسابيع وانا عايشه في كوابيس فظيعه
دايما احلم ان في واحد من الجن شكله بشع بشكل فظيع يراقب بيتنا وبيت يدتي ... بكشافات ... وكان يدور بنت لابسة ابيض وشعرها احمر على اساس انها هيه بنته وكانت تشرد منه وتقول الله يخليكم دسوووني عنه ..... وايي بيتنا ويدق الباب وافتح انا الباب واكلمه واقوله ماعندنا هالبنت اللي انت ادورها ويرجع مكانه ويراقبنا مره ثانيه ... عاد انا اقعد من الكابوووس وحالتي حاله
كل شي نسيته ومتوكلين على الله في كل شي
لكن البارحة الساعه تسع ونص بالليل امي كانت يالسه في الصاله تخيط وانا في غرفتي وتسمع حد يدق الباب .. امي قامت وفتحت الباب .. ماشافت حد ... والباب من زجاج مخفي ... يعني امي قالت حتى ماسمعت خطوات شخص يمشي ... قلنا ماعليه مشينا الموضوع
لكن ابوي كان يطالع التلفزيووون الساعه 3 الفجر في الصاله ... وسمع حد يدق الباب .. قام فتح الباب ماحصل حد ..
يعني قلنا حد بيي الساعه تسع ونص .. لكن ثلاث الفجر !!!!!!!!!!!!!!!!!!!!!!!!!!!!!!!!!!
المهم اليوم الصبح امي شافت البشكار وقالت له عن الموضوع وهوه يشتغل بيتنا وبيت يدتي ... الا يقول حتى بيت ماما كبير يعني اللي هيه يدتي يسمعون حد يدق الباب عليهم ويسيروون خالاتي يفتحون الباب مايحصلووون حد !!!!!!!!!!!!!!!!!!!!!!!!!!!!!!!!!!!!!!!!
بنات شو تتوقعون ..؟؟
وشو اسوي عشان امي ترتاح وماتحن على امها اللي هيه يدتي ؟؟
امي تقول الجنه تحت اقدام الامهات تقول اخاف اتعاقب ... بس امي غصبن عنها اذا خوالي يمنعونها .. شو الحل ...؟ مع اني امي اكبر وحده فيهم وخوالي صغار مب كبار
شو الحل يا بنات .... احس بيتنا كنه زلزااال كله مشاكل ؟؟؟
واسمحووولي بنات طولت عليكم ومادري انا شكلي كتبت وايد ان شاء الله فهمتوا السالفه كلها
في انتظار ردودكم
بعد الكوابيس... مجهول يدق باب بيتنا .. ماعرف شو الحل ؟؟
م
31-03-2006 | 02:05 PM
م
31-03-2006 | 02:17 PM
على الاقل يا بنات دعواتكم لي وان شاء الله في ميزان حسناتكم
ص
31-03-2006 | 02:25 PM
فديتج يا مياسه والله مشكله مب هينه
ومب عارفه شقول
مافيه غير انكم اتخلون القرآن شغال في بيتكم 24 ساعه مايبند
واتحصنون عمركم
والله يفرج عليج وعلى امج يارب
ويفككم من حرمة خالج هاذي ام البلاوي والمشاكل
ومب عارفه شقول
مافيه غير انكم اتخلون القرآن شغال في بيتكم 24 ساعه مايبند
واتحصنون عمركم
والله يفرج عليج وعلى امج يارب
ويفككم من حرمة خالج هاذي ام البلاوي والمشاكل
م
31-03-2006 | 02:32 PM
صلصوحه:
فديتج يا مياسه والله مشكله مب هينه
ومب عارفه شقول
مافيه غير انكم اتخلون القرآن شغال في بيتكم 24 ساعه مايبند
واتحصنون عمركم
والله يفرج عليج وعلى امج يارب
ويفككم من حرمة خالج هاذي ام البلاوي والمشاكل
فداج الاش عزيزتي ... بس لاتنسيني من الدعاء .. واشكرج على مرورج حبوبه
ح
31-03-2006 | 02:34 PM
غاليتي و الله ما أعرف شو أقول ولكن بنصحج بعدت أمور حاولي تطبقينها وتخلين الكل يطبقها (أمج خالاتج بنات خوالج يدتج ....)
وهالامور نصحني بها شيخ
- المحافظة على الصلوات فى أوقاتها ، وفى جماعة ما أمكنك .
- المواظبة على أذكار الصباح والمساء والأذكار الأخرى مثل أذكار الدخول والخروج واللبس والخلع والطعام والشراب ودخول الحمام...
وكثرة الاستغفار والصلاة على النبى صلى الله عليه وسلم وقول( لا حول ولا قوة إلا بالله العلى العظيم ،وحسبنا الله ونعم الوكيل).
ـ قراءة سورة البقرة كاملة يوميا أو استماعها مع تغميض العينين أثناء الاستماع .
ـ عدم استماع الأغانى وعدم التدخين وسائر المعاصى .
جاء في مسند أحمد وصحيح مسلم والترمذي والنسائي من حديث سهيل بن أبي صالح عن أبيه عن أبي هريرة رضي الله عنه أن رسول الله صلى الله عليه وسلم قال "لا تجعلوا بيوتكم قبورا فإن البيت الذي تقرأ فيه سورة البقرة لا يدخله الشيطان" وقال الترمذي حسن صحيح وقال أبو عبيد القاسم بن سلام حدثني ابن أبي مريم عن ابن لهيعة عن يزيد بن أبي حبيب عن سنان بن سعد عن أنس بن مالك قال: قال رسول الله صلى الله عليه وسلم "إن الشيطان يخرج من البيت إذا سمع سورة البقرة تقرأ فيه"
وعن سهل بن سعد قال: قال رسول الله صلى الله عليه وسلم "إن لكل شيء سناما وإن سنام القرآن البقرة وإن من قرأها في بيته ليلة لم يدخله الشيطان ثلاث ليال ومن قرأها في بيته نهارا لم يدخله شيطان ثلاثة أيام" رواه أبو القاسم الطبراني وأبو حاتم وابن حبان في صحيحه
وعنْ عبدِ اللَّهِ بنِ خُبَيْب بضَمِّ الْخَاءِ المُعْجَمَةِ رضي اللَّه عَنْهُ قال : قال لي رَسُولُ اللَّهِ صَلّى اللهُ عَلَيْهِ وسَلَّم : « اقْرأْ : قُلْ هوَ اللَّه أَحَدٌ ، والمعوِّذَتَيْن حِينَ تُمْسِي وَحِينَ تُصبِحُ ، ثَلاثَ مَرَّاتٍ تَكْفِيكَ مِنْ كلِّ شَيْءٍ » . رواهُ أَبو داود والترمذي وقال : حديثٌ حسن صحيح .
وعنْ عُثْمَانَ بْنِ عَفَانَ رضيَ اللَّه عنهُ قالَ : قالَ رَسولُ اللَّه صَلّى اللهُ عَلَيْهِ وسَلَّم : « مَا مِنْ عَبْدٍ يَقُولُ في صَبَاحِ كلِّ يَوْمٍ ومَسَاءٍ كلِّ لَيْلَةٍ : بِسْمِ اللَّهِ الَّذِي لاَ يَضُرُّ مَع اسْمِهِ شيء في الأرضِ ولا في السماءِ وَهُوَ السَّمِيعُ الْعلِيمُ ، ثلاثَ مَرَّاتٍ ، إِلاَّ لَمْ يَضُرَّهُ شَيءٌ » رواه أبو داود ، والتِّرمذي وقال : حديث حسن صحيح .
والله يحفظكم من كل شر
وطمنيني عليج أختي
أختج/
حبر وورق
وهالامور نصحني بها شيخ
- المحافظة على الصلوات فى أوقاتها ، وفى جماعة ما أمكنك .
- المواظبة على أذكار الصباح والمساء والأذكار الأخرى مثل أذكار الدخول والخروج واللبس والخلع والطعام والشراب ودخول الحمام...
وكثرة الاستغفار والصلاة على النبى صلى الله عليه وسلم وقول( لا حول ولا قوة إلا بالله العلى العظيم ،وحسبنا الله ونعم الوكيل).
ـ قراءة سورة البقرة كاملة يوميا أو استماعها مع تغميض العينين أثناء الاستماع .
ـ عدم استماع الأغانى وعدم التدخين وسائر المعاصى .
جاء في مسند أحمد وصحيح مسلم والترمذي والنسائي من حديث سهيل بن أبي صالح عن أبيه عن أبي هريرة رضي الله عنه أن رسول الله صلى الله عليه وسلم قال "لا تجعلوا بيوتكم قبورا فإن البيت الذي تقرأ فيه سورة البقرة لا يدخله الشيطان" وقال الترمذي حسن صحيح وقال أبو عبيد القاسم بن سلام حدثني ابن أبي مريم عن ابن لهيعة عن يزيد بن أبي حبيب عن سنان بن سعد عن أنس بن مالك قال: قال رسول الله صلى الله عليه وسلم "إن الشيطان يخرج من البيت إذا سمع سورة البقرة تقرأ فيه"
وعن سهل بن سعد قال: قال رسول الله صلى الله عليه وسلم "إن لكل شيء سناما وإن سنام القرآن البقرة وإن من قرأها في بيته ليلة لم يدخله الشيطان ثلاث ليال ومن قرأها في بيته نهارا لم يدخله شيطان ثلاثة أيام" رواه أبو القاسم الطبراني وأبو حاتم وابن حبان في صحيحه
وعنْ عبدِ اللَّهِ بنِ خُبَيْب بضَمِّ الْخَاءِ المُعْجَمَةِ رضي اللَّه عَنْهُ قال : قال لي رَسُولُ اللَّهِ صَلّى اللهُ عَلَيْهِ وسَلَّم : « اقْرأْ : قُلْ هوَ اللَّه أَحَدٌ ، والمعوِّذَتَيْن حِينَ تُمْسِي وَحِينَ تُصبِحُ ، ثَلاثَ مَرَّاتٍ تَكْفِيكَ مِنْ كلِّ شَيْءٍ » . رواهُ أَبو داود والترمذي وقال : حديثٌ حسن صحيح .
وعنْ عُثْمَانَ بْنِ عَفَانَ رضيَ اللَّه عنهُ قالَ : قالَ رَسولُ اللَّه صَلّى اللهُ عَلَيْهِ وسَلَّم : « مَا مِنْ عَبْدٍ يَقُولُ في صَبَاحِ كلِّ يَوْمٍ ومَسَاءٍ كلِّ لَيْلَةٍ : بِسْمِ اللَّهِ الَّذِي لاَ يَضُرُّ مَع اسْمِهِ شيء في الأرضِ ولا في السماءِ وَهُوَ السَّمِيعُ الْعلِيمُ ، ثلاثَ مَرَّاتٍ ، إِلاَّ لَمْ يَضُرَّهُ شَيءٌ » رواه أبو داود ، والتِّرمذي وقال : حديث حسن صحيح .
والله يحفظكم من كل شر
وطمنيني عليج أختي
أختج/
حبر وورق
L
31-03-2006 | 02:35 PM
الله يعينكم
وانا بعد اقولج مثل ماقالت اختي صلصوحه شغلو قران في البيت كل يوم وخصوصا صورة البقره
والله يفرج عليج وعلى امج يارب
وانا بعد اقولج مثل ماقالت اختي صلصوحه شغلو قران في البيت كل يوم وخصوصا صورة البقره
والله يفرج عليج وعلى امج يارب
ا
31-03-2006 | 02:40 PM
[grade="00008B FF6347 008000 4B0082"]مياسه فديتج لي رجعه ان شاء الله .....[/grade]
م
31-03-2006 | 02:40 PM
حبر وورق:
غاليتي و الله ما أعرف شو أقول ولكن بنصحج بعدت أمور حاولي تطبقينها وتخلين الكل يطبقها (أمج خالاتج بنات خوالج يدتج ....)
وهالامور نصحني بها شيخ
- المحافظة على الصلوات فى أوقاتها ، وفى جماعة ما أمكنك .
- المواظبة على أذكار الصباح والمساء والأذكار الأخرى مثل أذكار الدخول والخروج واللبس والخلع والطعام والشراب ودخول الحمام...
وكثرة الاستغفار والصلاة على النبى صلى الله عليه وسلم وقول( لا حول ولا قوة إلا بالله العلى العظيم ،وحسبنا الله ونعم الوكيل).
ـ قراءة سورة البقرة كاملة يوميا أو استماعها مع تغميض العينين أثناء الاستماع .
ـ عدم استماع الأغانى وعدم التدخين وسائر المعاصى .
جاء في مسند أحمد وصحيح مسلم والترمذي والنسائي من حديث سهيل بن أبي صالح عن أبيه عن أبي هريرة رضي الله عنه أن رسول الله صلى الله عليه وسلم قال "لا تجعلوا بيوتكم قبورا فإن البيت الذي تقرأ فيه سورة البقرة لا يدخله الشيطان" وقال الترمذي حسن صحيح وقال أبو عبيد القاسم بن سلام حدثني ابن أبي مريم عن ابن لهيعة عن يزيد بن أبي حبيب عن سنان بن سعد عن أنس بن مالك قال: قال رسول الله صلى الله عليه وسلم "إن الشيطان يخرج من البيت إذا سمع سورة البقرة تقرأ فيه"
وعن سهل بن سعد قال: قال رسول الله صلى الله عليه وسلم "إن لكل شيء سناما وإن سنام القرآن البقرة وإن من قرأها في بيته ليلة لم يدخله الشيطان ثلاث ليال ومن قرأها في بيته نهارا لم يدخله شيطان ثلاثة أيام" رواه أبو القاسم الطبراني وأبو حاتم وابن حبان في صحيحه
وعنْ عبدِ اللَّهِ بنِ خُبَيْب بضَمِّ الْخَاءِ المُعْجَمَةِ رضي اللَّه عَنْهُ قال : قال لي رَسُولُ اللَّهِ صَلّى اللهُ عَلَيْهِ وسَلَّم : « اقْرأْ : قُلْ هوَ اللَّه أَحَدٌ ، والمعوِّذَتَيْن حِينَ تُمْسِي وَحِينَ تُصبِحُ ، ثَلاثَ مَرَّاتٍ تَكْفِيكَ مِنْ كلِّ شَيْءٍ » . رواهُ أَبو داود والترمذي وقال : حديثٌ حسن صحيح .
وعنْ عُثْمَانَ بْنِ عَفَانَ رضيَ اللَّه عنهُ قالَ : قالَ رَسولُ اللَّه صَلّى اللهُ عَلَيْهِ وسَلَّم : « مَا مِنْ عَبْدٍ يَقُولُ في صَبَاحِ كلِّ يَوْمٍ ومَسَاءٍ كلِّ لَيْلَةٍ : بِسْمِ اللَّهِ الَّذِي لاَ يَضُرُّ مَع اسْمِهِ شيء في الأرضِ ولا في السماءِ وَهُوَ السَّمِيعُ الْعلِيمُ ، ثلاثَ مَرَّاتٍ ، إِلاَّ لَمْ يَضُرَّهُ شَيءٌ » رواه أبو داود ، والتِّرمذي وقال : حديث حسن صحيح .
والله يحفظكم من كل شر
وطمنيني عليج أختي
أختج/
حبر وورق
عزيزتي اشكرج على هالرد الرائع
وان شاء الله ببشرج
بس المشكله كيف الوصول لخالاتي ويدتي
لكن ان شاء الله يصير صلح
يعطيج العافيه حبوبه
م
31-03-2006 | 02:42 PM
LadyDreams:
الله يعينكم
وانا بعد اقولج مثل ماقالت اختي صلصوحه شغلو قران في البيت كل يوم وخصوصا صورة البقره
والله يفرج عليج وعلى امج يارب
الله يعين الجميع عزيزتي
والله قلبي ماله طاقة على هالسوالف
بس ان شاء الله ماجورين عالصبر
مشكوره عزيزتي
م
31-03-2006 | 02:43 PM
MOON LIGHT:
[grade="00008B FF6347 008000 4B0082"]مياسه فديتج لي رجعه ان شاء الله .....[/grade]
فداج الاش عزيزتي
وفي انتظار ردج
ش
31-03-2006 | 02:45 PM
اختي الله يكون في عونكم ,,, بس احب اقولج ما في بيت مافيه مشاكل مع الأهل ... انا بنصحج بنصيحه ,,, وقولي حق امج عشان ترتاح ,,, حتي لو يدوتج ما تبه اشوف امج .,, خلي امج اتسوي الواجب حتى لو اخوانها رافضين وامها ما تبها ,,, خليها تتصل فيها حتى لو سكرت التليفون في ويها يعني إلي ابه اوصلج اياه ان شاءالله امج ما عليه اي شى اهم شى اتسوي إلى عليها عشان ترتاح واخونها إلي يمنعونها هم لهم العقاب عند رب العالمين ,,, خلي اتحاول واتحاول وما تيأس ,, وطبعا بالدعاء وذكر رب العالمين ,,, والله يهدي النفوس ,, وبالنسبه إلي تسمعونه حطوا قرآن في البيت كل يوم لمده ساعه ,,, وإن شاءالله ما فيه إلا الخير .. انتي حاولي اتهدين الموقف ...
والله معاكم
والله معاكم
م
31-03-2006 | 02:48 PM
شيخة البيت:
اختي الله يكون في عونكم ,,, بس احب اقولج ما في بيت مافيه مشاكل مع الأهل ... انا بنصحج بنصيحه ,,, وقولي حق امج عشان ترتاح ,,, حتي لو يدوتج ما تبه اشوف امج .,, خلي امج اتسوي الواجب حتى لو اخوانها رافضين وامها ما تبها ,,, خليها تتصل فيها حتى لو سكرت التليفون في ويها يعني إلي ابه اوصلج اياه ان شاءالله امج ما عليه اي شى اهم شى اتسوي إلى عليها عشان ترتاح واخونها إلي يمنعونها هم لهم العقاب عند رب العالمين ,,, خلي اتحاول واتحاول وما تيأس ,, وطبعا بالدعاء وذكر رب العالمين ,,, والله يهدي النفوس ,, وبالنسبه إلي تسمعونه حطوا قرآن في البيت كل يوم لمده ساعه ,,, وإن شاءالله ما فيه إلا الخير .. انتي حاولي اتهدين الموقف ...
والله معاكم
مشكووره عزيزتي ماقصرتي
هذا اللي اتسووووية امي
ومهما يسوون فيها هيه ماتزعل تقول صح اخواني بس انا ربيتهم انا مثل امهم مب اختهم
وان شاء الله النصيحة في ميزان حسناتج
ماقصرتي عزيزتي
ل
31-03-2006 | 02:58 PM
والله يا ختية سالفج ووووووووووووايد صعبة يعني حتى لو أريد أدورلج على حل مب عارفة ما أقوال الا الله يعينكم ويسر أمواركم أنشاء الله.................
H
31-03-2006 | 03:00 PM
و الله ما ادري ايش اقولك.. قلبي قبض و انا اقرا قصتك.. و الله اني ما املك غير الدعاء لك
و انصحك بقراءة القران و الاذكار طول الوقت
و انصحك بقراءة القران و الاذكار طول الوقت
ا
31-03-2006 | 03:04 PM
خلي مطوع يقرا القران
قولوا حق المطوع
يمكن تلاقون حل
قولوا حق المطوع
يمكن تلاقون حل
م
31-03-2006 | 03:04 PM
لب لفواد:
والله يا ختية سالفج ووووووووووووايد صعبة يعني حتى لو أريد أدورلج على حل مب عارفة ما أقوال الا الله يعينكم ويسر أمواركم أنشاء الله.................
الموضوع صعب علينا وايد حتى نحن روحنا مب عارفين شو الحل
بس لاتنسيني من دعواتج عزيزتي هذا ابسط حل تقدرين تساعديني فيه
ويعطيج العافيه على المرور
م
31-03-2006 | 03:07 PM
Honeybee:
و الله ما ادري ايش اقولك.. قلبي قبض و انا اقرا قصتك.. و الله اني ما املك غير الدعاء لك
و انصحك بقراءة القران و الاذكار طول الوقت
حتى انا ماعرف شو اقول ولا شواسوي غير الدعااااء والاذكار
حاسه ان الموضوع وايد صعب ...
كل مؤمن مبتلي بشي
لاتنسيني من دعواتج عزيزتي
م
31-03-2006 | 03:09 PM
الغلا حمد:
خلي مطوع يقرا القران
قولوا حق المطوع
يمكن تلاقون حل
هذا اللي انفكر فيه ....
بس شغلنا القرءان في الصاله وكلنا في البيت متوكلين على الله
يعطيج العافيه عزيزتي
ا
31-03-2006 | 03:16 PM
أختي مياسه
انصحج تجيبون مطوع يقرأ في بيتكم وبيت يدتج
ودائماً أقرو سورة البقره والقرآن بأستمرار
ولا تنسون الرقيه الشرعيه والله يفرج عنكم ان شاء الله وييسر أموركم
أختج الصبوره
م
31-03-2006 | 03:28 PM
الصبوره:
أختي مياسه
انصحج تجيبون مطوع يقرأ في بيتكم وبيت يدتج
ودائماً أقرو سورة البقره والقرآن بأستمرار
ولا تنسون الرقيه الشرعيه والله يفرج عنكم ان شاء الله وييسر أموركم
أختج الصبوره
يعطيج العافيه عزيزتي
ولاتنسيني من دعاءج