*&^&عرسي جرب وانا بتخبل*&^&

فديتش من لخبال

ان شاء الله هل الامارات يساعدونش

لو بيدي ما قصرت

الغالية زووووري الدكتور نيوترشن عنده بنامج خاص للترهلات بعد الظعف ... نصيحة من مجربه والله وايد بيعدلج جسمج

بالنسبة لليزك ترا ماعرف عنه

أما الليزر جان تبين اتسوين
أنصحج بالمستشفى الايراني اللي في دبي
أخوي سوا اهناك والحمدلله نجحت العملية وانظره ما شاء الله الحين 6/6
وأعتقد أنه كلفه 5000 درهم


بس غناتي إذا عرسج جريب وايد وايد أنصحج اتسوينه عقب العرس
لأن أخوي احمرت عيونه كم يوم ( بس أقل عن اسبوع )
بس إذا شي وقت سويها الحين



وبالنسبة لباقي الأشياء
اسمحيلي والله ما عندي خلفية .. ماقد استوت مناسبة عدنا

وإن شاء الله بنات البلاد ما بيقصرن


بالتوفيق فديتج وألف مبروووووووووووك مقدما

اختي إذا تبين مكياج أنا أختي اتمكيج وما شاء الله مكياجها واايد حلو بشهادة الناس موب لأنها اختي

وترومين اتسوين عندها بروفا إذا تبين تقتنعين بمكياجها

والراي الأول والأخير لج

إذا بغيتي رقمها قوليلي بطرشلج إياه على الخاص .. ونحنا من دبي

مشكوووووووورين ع مروركم الطيب ويزاكم الله خير

دمدماني الغالية وين الدكتور نيوترشن ممكن تعطيني عنوانه اورقم بس شو برنامج

يعني رياضه وله شو بالضبط لنه انا تعبت من الرياضه من الكريمات ماشي فايده

ومابقي على العرس غير شهرين ابا شي بسرعه لني ابا اخلص شغلي الباجي بعد

هلا الغالية ,, بالنسبة للترهلات ,,
ضروري تشاركين في نادي و تسوين رياضه تشمل جسمك كلها مع حمل اثقال (1كيلو)
و خلال شهر ينشد جسمج باذن الله
الله يسعدك يا رب

فوانيس مشكوووووره ع مرورج الطيب بس فديتج ان صارلي اكثر من شهرين اروح الرياضه ومافي فايده والله وظهري عقديتي

هو اكثر فيه ترهل والله مليييييييت واتريا بعد حد يفيدني اكثر يزاكم خير

اختي الرياضه

وطبعا هي مب سحر علشان تطلع نتايجها بكم يوم

لا يحتاج صبر وصبر

وعن الظهر انا من زمان سويت ريجيم وظهري كان فيه طبقات بس الحمدلله مع الريجم والرياضه استوى ظهري سيده

والتمرين عباره عن تميلين خصرج الجذع يمين وشمال

وبعد ترفعين ايدج اليمين مره فوق مستوى الراس ومره اليسار

وكرريها

اما عن الزنود الاثقال واايد اوكي
تمسكين الاثقال جدام صدرج وبعدين ترفعينهم لخلف الكتف

والسباحه واايد مفيده

اشكرج فديتج نوووسه ع مرورج الطيب

الغاليه انتي من اي إمارة؟

الله يعينج الغالية أنا بعد عرسي قريب تقريبا في أول شهر خمسة لا وبعد كل يوم اقووول

بسوووى رجيم مع اني مب متينه وااايد لكن وبكل صراحه بعد ماقريت موضوعج من سااابع

المستحيلات اسوووى رجيم والله صدق خفت :eek: ..

انزين الغالية ليييش ماتحجزين عند هيفاء صفر ترا مكياجها روووعة والله ماشاء عليها والبنات

إلحين الغالبية يسيرون عندها أكثر من الصالونات لدرجة أنا في الملجة رحت عندها والله العظيم

يمكن بس في الصالون 4 عرايس من رأس الخيمة بعضهم طبعا ومن غير هيه بعد عقب بسير الفندق

اللي يحجزون في الفندق يعني عليها اقبااال واااايد وإذا حبيتي تروحين عندها إتصلي

الاستعلامات وإطلبي صالون هيفاء صفر من الشارجة وإذا لقيتي حجز عاد عندها لان الحجز عندها

تقريبا قبل العرس بـ 4 شهووور لانها دوووم فل حجوزات عندها ويارب الله يوفقج في عرسج إن شاء الله

وأنا بعد وياااااج :shy:

ترا لا تستغربين من اسمي روح السعودية وتقووولين هااى كيف تعرف أنا والله من الامارات بس كا

تغير كتبت اسمي روح السعودية :cool2: ...

خواطر فديتج انا من راس الخيمة

روح السعودية انا كنت حاجزه عندها وكم مره اكدت عليها وقلتلها بطرشلج العربون بعدين وقالتلي عادي ويوم اتصلت

عسب اطرش العربون تخيلي قالتلي انه هيفا اونه مابتكون فصالون اونه عندها شغل واللبنانيه هي الي بتمكيج ها اليوم

العرايس قلتلها خلاص ماريد والحين للحين محتاره يمكن اروح بوظبي اسوي بس احاتي الطريج وانتي وين بتتمكيجين؟؟

عزيزتي أنا حجزت عند هيفاء صفر من شهر يناير من عقب خطوبتي ع طووول حجزت عندها لانها

هيه سوووت لي في الملجه وكلهم قالوا لي حلووو المكياج روووعه بس ع فكرة أنا شفت مكياج

اللبنانية عندها بعد وااايد حلووو والله تقليد أعمي ع مكياج هيفاء نفس رسم العيووون ولما رحت

عندها في الملجه لاحظت عرايس يسووون بعد عند اللبنانية بس تدرين الافضل لج روووحي الصالون

وشوووفي كيف مكياج اللبنانية أحسن عسب تقتنعين عدل لاني لاحظت فيه بنات ايووون بس

يشووفون يعني ياخذون فكرة عندها وأختي بعد حجزت عند اللبنانية بتي عندها الفندق لما

عرسي بسوووي لها يعني أخت العروس مكياج + تسريحه 1000 درهم وبالتوفيق يارب لج ....

حبيبتي بالنسبة للترهلات اترومين اتسيرين تشتركين في مركز امواج فالشارجة عندهم اعشاب و طحالب تشد الجسم بعد الرياضه لاني اعرف وحدة كانت وايد متينة بس كانت اتسوي رياضه و بعدين تسير لهم علشان الاعشاب و الطحالب ما شاء الله ما اتقولين انها كانت متينة
اما الصالون في وايد بنات شاطرات و ايونج الفندق عندج لورا او منيرة عاشور أو عذوب اللي في الشارجة بعد اتمكيج عرايس او ملجه او تحجزين فصالون مورا اللي في دبي بعد حلو للعرايس

النسبة لعملية الليزك ترا نفس اليوم تطلعين و العملية ما تاخذ اكثر من 5 دقايق، الاخت فتاة الامارات يمكن اخوها امسوي عملية ليزر مب ليزك لان الليزك في نفس اليوم تطلعين و تسيرين السوق بعد و عينج عادية بس نصيحة بعد العملية كل لبسي نظارة شمسيه علشان ما اتعبين عينج لان انا فالدوام ما شاء الله كم واحد مسوي العملية و عادي ايقولون انهم نفس اليوم يردون و يطلعون و محد يعرف انهم مسوين عملية

ان شاء الله اكون افدتج يا الغالية

مشكووووووووووورين فديتكم يعلني اخدمكم ف اعراسكم :shy: وافراحكم يارب

وانشالله بروح اشوف مكياج اللبنانيه لني والله مااعرف وين اروح وبعد انا شفت شغل اللبنانيه لاباس حلو

وها الاسبوع بروح بشوفها

حبيبتي ألف مبروك وربنا يتمملك على خير بس انت لازم تعملى الليزك قبل فرحك بشهر عشان هتقعدى اسبوع مينفعش تحطى مكياج و التلات اسبيع التانية عشان لو عايزة تلبسى لانسسز ملونة فى الفرح او حاجة مينفعش قبل شهر و عشان كمان عينك تكون اخدت على الوضع الجديد اللى انت فية و ان شاء الله تعمليها و تنجح يا قمر و تكونى اجمل عروسة بس انت هدى اعصابك شوية

اختي المشي وايد يشد الجسم بعد يوم تتسبحين آخر شي صبي على جسمج ماي ويا خل اللي نستعمله فالاكل وبتدعيلي

مشكووووووووووووووورين على مروركم الطيب ويعطيكم العافيه

هلا عزيزتى - حاولي تمشين
وتلبسين حزام او مشد
لانه يساعد على شد الجسم

وما انصحج يا الطيبة بالعملية
لان اثر الجراحة يبقي فترة طويلة

ويمكن لا سمح الله تتعبين
وانت توج مقبله على زواج


وبخصوص المكياج ..
اخبرج عن تجربتي

سمعت عن وحدة من الشارجة تمكيج اسمها ( شمــــا )

وايد ناس من معارفنا واهليتنا يرحون عندها وشفت المكياج حلو وعجبني

وكنت مقبلة على زواج
والله استخرت وسويت بروفة
وايد عجبني

والحمدلله يوم عرسي اللي كان من 5 شهور
سويت مكياج عندها وااااااااااايد كان حلو

وشكلي تغيير نهائياً

شغلها حلو ونظيف
وهي صاحبة اخلاق وذوق

وترى تراعي وايد في الاسعار
يعني كنت محدد 3500 للمكياج والله عطتني هذا السعر بالرغم من انها يت عندي لحد الفندق

لو حابه رقمها طرشي لي رسالة ع الخاص وبطرشة لج


حطي لج عدة اختيارات واستخيري انت وغيرج

وتوكلوا على الله

والله يوفق الجميع يا رب