افضل دكتوره لمتابعة الحمل والولاده في الشرقيه

حبيبتي اني تابعت الحمل عند الدكتوره سميه ابو الخير في مستوصف التعافي برحيمه مره ممتازه وولدت في اسطون بالخبر وهو الثميري سابقا مره روعه وذا تبغي نيحتي روحي وذا عندك اي استفسار راسليني عالخاص

انا حاليا اتابع عند دكتوره غاده بالمانع الهفوف وبصراحه رووووعه

اانا من قبل الحمل معاها وان شاء الله الولاده بتكون على يدها

همسات
أنا أتابع عند دكتورة منى أبو زيد في مستشفى الخليج التخصصي
والدكتورة تعاملها رووووووووووعة وانا مرتاحة معاها للآخر

همسات النجوم انا زوجي اضافني للمواساه عشان احنا تبع ارامكو ونفس الوقت ساكنين الدمام وقريب مني الدكتور الحمدان مره ممتاز ولا يستعجل ابد انا صراحه للحين ما ولدة عنده لكن ان شاء الله باولد فيه غير كذا المستشفى ما يستعجل ابد والاهتمام فيك وبالمولود وتعاملهم ممتاز وفيه الدكتوره حنان اكثر البنات عندها والله يكتب لي ولك الخير.........................

هلا حبيبتي
أنا في الولادتين كنت في المواساة
المرة الأولى عند د فاطمة الزهراء
و المرة الثانية عند د هناء
في المرتين ارتحت الحمد لله

مشكوورا ت الله يعطيكم العافيه
ام حسن اسطون سبق ورحت عندهم لكني صراحه مارتحت ابدا من الممرضات واسلوب تعاملهم
ام جواد مستشفى الخليج الدكتوره الي تقصدينها مصريه ؟؟ وهل جربتي الولاده عندهم او احد مدح لك في الولاده عندهم لاني خاايفه كثيييير المستشفى رااائع لكن مادري عن الدكتورات او مستوى عنايتهم يااريت تفيديني اكون شااكره لك
ريتاج سبق وتابعت الحمل في بنتي عند الدكتوره حنان هي راائعه في التعامل لكني خاايفه مرره ثانيه اني اتابع عندها لانها ولدتني قبل الموعد وبطلق صناعي خلتني اشوف الموت وصديقتي نفس الشي ولدتها بطلق صناعي مع ان صديقتي سبق وانجبت ثلاث مراات ولا مره عانت فيها لانها كانت تولد طبيعي ولما تابعت عند حنان ولدتها بطلق صناعي وهي مابعد تجيها الريح مادري اذا عندك اي معرفه هل جربتيها في الولاده او احد جربها وولد طبيعي بدون طلق صناعي
للجميع مشكورات والله يبارك فيكم

هلا همسات .. شلونك يالغلا

بالنسبة للمتابعة انا ماافضل الخليج ابدا ابدا علشان الكلام اللي ينقال عنه وصار

لنا موقف ونحمد الله اللي طلع عمر بنت خالتي وولده منهم .. بالنسبة لي انا مرتين اتابع عند الدكتورة

ابتسام مرعي في مستوصف سنابس وتراها بضمانتي ام ثانية بكل ماتعنيه وعندها امانة قليل مانلقاها

في دكاترة هاليومين وهي دوامها من 7 الى 3 العصر وانتي ماعليج من شكل المستوصف عليج بنصايحها

ومتابعتها واهلي وعشيرتي كلهم عنده .. سوي متابعة الحمل عندها بــ 999 ريال وصدقيني راح تدعين لي

وانتي ورايج طبعا .. والله يسهل عالجميع وعلينا ..

الله يعطيكم العافيه..بنات

ايش رايكم بدكتور.يسرى بغدادي بأسطون

الله يعافيكم وحتى اللي سمعت عنها بس..

راضيه بقدرها مشكوووووره والله يعطيك العافيه انا افضل اني اتابع في مستشفى على حساب الشركه ياااريت تذكرين الموقف الي صار ؟؟ صراحه انا ارتحت لتفصيل المستشفى وشكله لكن الدكتورات مادري عنهم سوى دكتورة نساء من زماان رحت لها للالتهابات واستفدت بس ماذكر اسمها
بنوته متزوجه انشاء الله البنات يفيدونك انا جربتها هي رااائعه في تعاملها

همسات النجوم ..حبيبتي الله يعطيك العافيه
مشكوره

همسات هلا وغلا
أنا عن نفسي مرتاحة مع مستشفى الخليج على الآخر
طبعا الاخت راضية بقدرها تتكلم من تجربة شخصية،،وأي شخص ماراح يرتاح في مستشفى اكيد مابيمدحه
أنا عن نفسي قلت لك أتابع عند دكتورة منى أبو زيد مصرية واسألي عنها ترى الكل يمدحها ودايما زحمة عليها
انا ماولدت عندها قبل هذا انشالله اول بيبي لي،،بس سبق أني حملت وأجهضت واهي اللي سوّت لي عملية التنظيف ،،،انا ارتحت معاها كثير وعشان جذي طلبت منها أنها اهي اللي تولدني انشالله
وانشالله الله يكتب اللي فيه الخير لنا جميعا

بنوته متزوجه الله يعافيك
ام جواد مشكوووره حبيبتي ماقصرتي الله يسهل عليك انشاء الله

حبيبتي همسات اولا الله يقومك بالسلامه
انا اعرف دكتوره مررررررررررررره شاطره بس بمستوصف الروضه وانا رحت عندها صراحه رائعه جدا
اسمها اشجان ابراهيم وترى من زمان ومعروفه في الشرقيه
اناباقي ماحملت بس اذا الله رزقني راح اتابع عندها والله يوفقك

اختي هسات انا والله ماجربتها لكن اعرف بنات ولدو عنده ما عطتهم لا طلق ولاشي صدقيني انتي وصديقتك احتجتو هالطلق وانا ان شاء الله حاولد في المواساه اذا انا قبلك في موعد الولاده راح افيدك والله يكتب الي فيه الخير قولي اميييييييييييين

اخواتي والله قطعتو قلبي :cry:

إنتوا ذكرتوني بأيام حملي(r)

يارب يسهل عليكم وتكون الولاده يسيره إنشاالله:shy:

انا ماني عايشه بالدمام لكن اختي هناك وما تولد إلا في مستشفى تداوي والدكتوره عسل مره تريح نفسية الحامل:bigsmile:

إسمها ساميه حتى الخياطه ماتعبتها تسوي تجميل والخيط طبي وماتخدع احد بصراحه إختي ترتاح عندها :clap:

توته مشكوووره سمعت فيها كثييير يمدحوها لكن مالنا علاج عندهم خااصه اني ابي اتابع طول فترة حملي انشاء الله والولاده في نفس المستشفى
ريتاج الله يعطيك العافيه

مشكووره الحنونه الله يعطيك العافيه