شوه نوع كاميرة الديجتال الي عندج وخبرينا عن مميزاتها..

عندي كانون
دقتها 7.1 ميغا بيكسل
تصوير ديجيتال + فيديو
مع ميموري بسعة 1 جيجا
وتصور فيديو مدة ساعة
الشاشة كبيرة ورهيبة وفيها صوت كذلك


اشتريتها مع الميموري ب2150 درهم إماراتي ( 2190 ريال سعودي ) :)

يزاج الله خير اختي هند
وياريت لو تصورينها بالموبايل وتعرضينها لنا علشان نعرف اي وحده تقصدين

وننتظر باقي المشاركات

mvx330i
هاي الكيمره الله ايسلمج حلوه بس شوفي انتي يوم بتروحين المحل جربي كذا كيمره وعلى حسب استخدامج حددي حق شو تبينها عشان اساعدج في اي نوع ايناسبج من الكيمرات اوكي عندي شوية خبرة بسيطة عن الكيمرات بساعدج قد ما اقدر
اوكي المهم الكيمرة هاي انا شريتها وحسيتها عملية بس هي انجليزي والكتالوج مالها عربي ارتحت وياه بس المشكلة انه يبالج وقت لين ما تتعلمين عليها لانها فيها وايد مميزات حلوه يبالها حد ايجربها او حد ايكون عنده وقت يلعب فيها وايد عشان يتعرف عليها اكثر اوكي وفيها وايد حركات حلوه بس انا ما اتفاهمته وياها عدل جربيتها فترة وتركتها عشان الدراسة الله ايسلمج فما جربت مميزاتها كلها بس قريت المميزات في الكاتلوج
شوفي حاولي انج ادورين عن طريق قوقل او اتسيرين المحل اتخبرينه انتي حق شو تبينه بضبط عشان ايساعدونج اوكي يالغالية
واي سؤال انا حاضر اوكي

هاي الكيمرة الله ايسلمج انا وايد ايرتاح لها عملية وبسيطة جدا يعني متى ما بغيتها سحبتها وياي الصراحة الصور رهيبة ما عليها كلام وعملية يعني حق الاشياء البسيطة مثلا تصوير عائلي او اطفال او حفلات بسيطة اوكي ورحلات
وفيها مميزات وايد حلوه ابيض واسود ورملي نفس صور مال اول اوكي
وايي وياها برنتر الصراحة ما عليه كلام صغير وعملي والحبر ماله حق 100 صورة واعتقد انه 100 درهم بتاكد وبخبرج ان شاء الله
يصلح البرنتر حق الصور الي حجمها عادي مب الكبيرة اوكي
وتقدرين تشحنينها وتقدرين اتحطين بطارية بدل الشحن اوكي
وبسيطة جدا في يوم واحد تتعلمين عليها
وتقدرين اشوفينها في المحل وتسالين عنها
افضل في النهاية انج اتعرفين انتي شو بضبط تبين منها عشان تقدرين تستفيدين من الكيمره الي تبين تاخذينها
واي سؤال اناحاضر


ملاحظه الكيمرة الاولى فيها تصوير فلم فيديو وممري بس المامري مالها يسجل كمن دقيقه وتصوير تعبان على الممري انا اصور كله بالفيديو لانه حلو تصوير على الفيديو
اما الكيمرة الثانية الله ايسلمج حق التصوير وبعد فيديو بس ما اذكر كم مدة تصوير الفيديو باشوفها ان شاء الله وبخبرج
واسعار الاثنينه بسال وبخبرج اوكي باي
اتمنى اني قدرة افيدج

يسلموووووووو
وحلوه هالكاميرتين

ونا عندي كاميرا مثل اللي عرضته الاخت mewo مره صورها حلوه ومريحة وعمليه وفيها بعد فيديو
نوع اللي اشتريته Z700
وتجي معها طابعه

واشتريتها تقريبا بسعر 1700 ريال