خطيبي يحب الدلع بس انا مااعرف وشلوووون

هلا اختي
لاتقولين ماعرف اتدلع الدلع موجود في كل بنت
ومرده بيطلع الدلع اللي فيج بس بالتدريج مو مره وحده
انتي الحين جذي لانج ماتعرفينه عدل وب ماخذه عليه فما تقدرين تكونين بطبيعتج وشخصيتج معاه لان للحين في حيا
وما صار لكم وايد وانتوا مالجين
انشالله اذا زارج لبسي وتكشخي وتعدلي
وحاولي تسولفين معاه لاتتمين ساكته
افتحي مواضيع سئليه عن شغله سولفيله عن حياتج
بس مو تمللينه لوووووووووووووول
ناديه باسم دلع يحبه او ناديه حبيبي وجذي
اذا مدحج او قالج شي وماعرفتي تردين بيني له انج مستحيه منه مو تسكتين بينقهر
ترى الحيا بعد حلو ويكون فيه دلع
او مثلا اذا استحيتي ردي عليه بنعومه ودلع اونج تبين تسكتينه ومستحيه خخخخخخ
واخر شي لى جى يطلع عطيه بطاقه رومنسيه واكتبي فيها بيت شعر حلو ومعاها ورده حمرا مثلا
هني حتى لو عفستي الدنيا وقهرتيه وهو طالع بيطلع وهو مستانس من البطاقه خخخخخ ترقيعه يعني

مادري والله اذا كلامي فادج انا بروحي مب مخطوبه وولا متزوجه وولا شي بس من سوالف المتزوجات والمنتدى والمخطوبات وجيه خخخ منهم نستفيد


اتمنى اكون افتدج ولو شوي

يسعد مساك دلوعه قطريه
ربي يسعدك يارب ويرزقك بالزوج الصالح يارب
حبيبتي مشكوره على كلماتك ما قصرتي يا غاليه
لكن تعرفين يوم يكلمني ودي اسولف معااه انا خجوله واكثر المكالمه اتم ساكته وهو يسولف
ساعات اتكلم بس كيف الحال ويعني كذا عادي مره كانه اكلم وحده من صحباتي ..
احس انه يطفش وانا ما ودي كذا
ودي احرك مشاعره اتجاهي ودي لاقفلت يشتاق لي اكثر فهمتيني يا غاليه
اوكى انا احس الدلع والغنج يجي بعد الزواج بحركات بتصرفات يعني كذي ,,,
مدري انا جاهله في هــالامور وامور الزواج الخاصه ,,,
اتمنى انه المتزوجات يساعدوني وما يبخلوو علي بنصائحهم
يعطيك العافيه حبيبتي وشاكره لك تواصلك يا غاليه
موووووجه

مرحبا الغاليه

الف مبروك مقدما :)

جوفي حبيبتي...اهم شي في الموضوع انج تكونين نفسج...يعني...لا تصطنعين ابدا...خصوصا الدلال لان الرجال ما يحبون اللي تصطنع الدلال...اعتبريه صديقج بس كوني حنونه ...حسسيه باهتمامج...دايما اسأليه ..اتغديت..اتعشيت؟؟ شو كلت؟؟ تناقشي وياه بالاشياء اللي يحبها..الاكلات اللي يفضلها..ويوم بيي عندكم سويله هالاكلات من ايدج...ناقشيه في هواياته ...بينيله انج مهتمه فيها...
في الليل بينيله انج اخر شي تسوينه هو سماع صوته..وانه اذا ما كلميه قبل ما تنامين ما تتهنين في نومج...عامليه كانج ام وهو طفلك...ترا الريال طفل كبير..ويحب اللي تعامله على هالاساس بس من غير ما تقوله انت طفل...
بس كل هالاشياء تكون بدلع ثجيل و رزين...و صدقيني بيتعلق فيج بطريقه شديده

والله يوفقج :)

مرحبا اختي

مافي بنت مافيها دلع

مستحيييييييييييييييييييييييييييل
صدقيني الدلع فطري بالبنت خصوصا لما تتعامل مع ريال ويكون ريلها
يطلع الدلع على اصوله

ونصيحتي لج اذا زارج تلبسي وتعدلي وخلي ريحتج تفوووووووح من العطور السنعه
وخلي الباقي عليه

لان الريال له دور يخلي الحياء يروح
ما تقدرين انتي تسوين كل شي

وحلاته يوم تطلع منه بالاول

وتوكلي على الله
وخلج فرفوشه الريال يحب البنية الفرفوشة بس بالعقل مو بالرجاء والخبال

وكلامي عن تجربة

ونبشي بالمواضيع الجديمة في المنتدى
بتحصلين وايد اشياء وحركات تفيدج



والسموحة

هلا اختي موجه
مشكوره على دعواتج الحلوه مثلج ولي عوده مفصله مره ثانيه

للاسف مش عارفه افيدك لاني انا كمان مبعرفش ادلع خالص بس نفسي اسالكم سؤال يعني اايه الملجه

الملجة = كتب الكتاب أو عقد القران ..

يا ستي الدلع كلوا تخلق للمصريين ماشاء الله
انتي بس بحبحي ايدك ووزعي علينا دلع

ربي يوفقكم

هههههههههههههههه :dd: :shy: ميرسي يا شيخه ده من زوقك يعني لو حد قاللي انتي مش دلوعه مصدقوش؟ بس هيه النقطه بتكون فالخجل من انك تطلعي الجواكي وشكرا يا دوحانيه عالمعلومه المهمه وادعولي عشان ملجتي فالصيف