زوجي مدمن شراب....واليوم افكر في الطلاق

السلام عليكم ورحمة الله وبركاته...اختي اول شي ..الله يعينج على هالمصيبه..ويصبرج ويعوضج خير ان شاء الله امين...
اختي لا تفكرين في الطلاق حرام انتي الا من سنه...حاولي لا تيئسين الغاليه..ادعي ربج في كل صلاة وكل قيام ان الله يهديه..الغاليه ربيعتي 7 سنوات ليما ودر الشرب لا تتحرين انه مرتاح بس هذا ادمان مثل ما قلتي ..صعب يتركه مره وحده حبيبتي ...اصبري عشان ولدج يتربى عند ابوه...اول شي الغاليه يوم يكون شارب لا تستفزينه ولا ترمسينه ولا تقولين له اي شي ..صلي جدامه عشان يذكر ربه ويخاف ...وحاولي اذا عنده اصدقاء السوء تبعدينه عنهم..شغلي دايما شرايط ذكر عن الشرب والفواحش والمنكر ..يوم يكون في طبيعته اذكريله ربه...واهم شي حاولي يلتزم بصلاته لانه لو التزم حبوبه...صدقيني شوي شوي بيخف من الشرب ...واذا كله ما فاد ارمسي ويا حد كبير في عايلته والا عايلتج عشان يرمسه...بس مثل ما قلت لج لا ترمسينه ولا تستفزينه يوم يكون شارب ...وحاولي تقومين بكل واجباته عشان يستحي ويشوفها كبيره منج انج صابره عليه وعلى بلاويه ومستحملتنه..وان شاء الله العلي القدير يتغير ...(والذين اذا اصابتهم مصيبة قالواانا لله وانا اليه راجعون)صدق الله العظيم



اختج دهن الورد

ما اقول الا الله يهدية

حبيبتي الله يهديه ويصبرج
أولا شوفي إذا في إمكانية إنه يتعالج عند طبيب حاولي معاه يمكن يوافق وغير هذا ذكريه بولده قولي له إن ولده إذا كبر الناس بتعايره بأبوه ومن هالكلام بس ما يكون بقسوه يعني حاولي تلينين قلبه وأخذيه بحنان وصبر ومودة انصحية بحب سافري معاه للعمرة سوي له ليالي رومانسية وحلوة في الليل عشان مايطلع بره البيت ويشرب اطلعي معاه يعني اشغليه عن الشرب من دون لا يحس ....
.

تحياتي والله يفرج لك

الله يعينك اختي ويسهل امرك وييسر لك(f)(f)

ياحي ياقيوم ويهدي لكزوجك يااااااااااااااااارب(f)(f)

حبيبتي دهن الورد... تدرين سويت له الي قلتي لي كله وأكثر والله لكن احس انه مامنه فايده... تعرفين هو متعود على الطلاق لاني انا ثاني زوجه له احس خلاص ما منه امل .......والعلم عند الله ...شكرا لج حبوبه على النصيحه

الله يعينج اختي بس كان المفروض تتحققين قبل لا تزوجينه اشفيه كان مطلق على العموم انا اتعاطف وياج بس مالج الحين الا الصبر علشان ولدج والله يهديه لج ولعيالج

كله الا الخمر



انتي استخيري واسالي اهل العلم والدين

لانه بعض الحالات يشفون من الادمان والله يهديهم ويستوون ملتزمين

والطلاق رحمه لبعض الحالات

يالغااالية فالبداية انااا كنت بأيد كلام اختي دهن الورد لكن بما انج اتبعتي كل الاساليب اللي قالتهااا اناا انصحج مالج الا الطلاق بالعكس صح ابغض الحلال عند اللة الطلاق لكن بعد يكون رحمة لبعض الحالات المستعصبة واهم شي تحملي تحملين منة عشان ماتزيد المشاكل انتي فديتج حااولي تكلمين اهلة واهلج عشان ينصحون واذا مافاااد شي توكلي على اللة وتطلقي لان بصراحة بوطبيع مايييوز عن طبعة ودام انة مطلق قبل فاكيد زوجتة القبلية حاولت معاه ومافاد شي فانتي استخيري ربج واسالي المشايخ عن ظروفج وشوفي رايهم واااااخر شي والاهم شوفي رايج انتي ماعليج من حد لان محد عايش مشكلتج او يحس باللي انتي فية الا انتي نفسج فانتي اللي عااايشة المشكلة وتعانين منهاا فاحنااا كلنااا مجرد نعطيج نصايح ومواعض ونصبرج بس فديتج اذا انتي شايفة نفسج ماتستحميلين هالعيشة يبة تطلقي وااهم شي تكونين انتي مقتنعة باللي تسوينة وانج ماراح تندمين عالخطوه اللي راح تتخذينهااا وبعد سمعي أراء الجميع واخر شي انتي بنفسج اتخذي القرار اللي تشوفينية مناسب لج ..

واللة يوفقج ويصبرج ويكتب لج اللي فية الخير ..

مرحبا اختي
سمعي حبوبه لاتستعجلين يمكن ربي يهديه
انك لن تهدي من أحببت ان الله يهدي من يشاء
دايما ادعي بعد كل صلاة وقولي ياربي تهديه لي
والله عندي صديقتي وقريبه مني واااااااااايد
مطلقه وعندها بنت وولد
نفس الطريقه تحلف تقول اييها يذبحها من الطق وماتحملت
وقالت له يطلقها
ولما تطلقوا راح تزوج وتخيلي الحين مافي أحسن منه من بعد ماكان مدمن
وللحين كل ما أكلمها تقول انا ندمانه اني ماتحملته
وللحين قاعده لا زواج ولاهم يحزنون
مادري لو تخلين أحد يقعد معاه وينصحه
يمكن شوي يتسنع
والله اختي على المشاكل جان99% من بنات الدنيا مطلقين
والله انا عندي مشاكل
بس دايما أدعي ربي ان يهدي زوجي
من هالخيانه اللي أشوفها بعيني
صدقيني دايما أقول لو تطلقت بييني واحد أحسن منه مستحيل كل واحد وفي خصله مو زينه
شنو يضمن لي بعد جم يوم لما أتزوج واحد ثاني ما يكون رايح فيها أكثر منه
ادعي ربج اهو اللي قادر على كل شي
ربي يفرج همج وهمنا
وبالآخر أقولج استخيري وانشالله ربي مايخليج حايره

اختي انتي شوووفي في منه امل يتعالج كان بها مافي امل تطلقي وارتااحي مايسوي عليج تعيشين مع ريال كل يوم وثاني يجي البيت وريحته تفوووح خمر واشلون لج قلب تنامين بسرير وهو جنبج تفووح منه ريحه او يجيج ويفتح الباب وهو مايعرف يمينه من يسااره

انتي كلميه وشوفي يبي يتووب اهلا وسهلا

واذا لا وحسيتي انه مدمن لان بعضهم مدمننين مايقدرون يتركونه وكل يوم يقولج اي خلاص ابي اتوب وردت حليمه لعادتها القديمه

مايسوي عليج الوحده كم مرة تعيش ؟

عيشي حيااتج والله يعوضج بولدج

مااعتقد ان الحياة بس زواج وخلاص الحيااة فيها اشياء واايد تسوي ان الواحد يعيش لها

اختي اذا استعملتي كل الاساليب وماتغير
استخير اول شئ
وتوكلي على الله

الا الخمر وحده ماتامن على نفسها مع واحد خماااار
اللى مايخاف الله مشكله ياااختي

حبيبتي انتي الحين زوجته ومحدبيساعده كثرج000000000000000000000 حاولي معاه بكلام معسول بانه يتعالج 00مدام انه حس بنفسه واعتذرلج معناته ان يدري بنفسه ويااختي المدمن مابيحس بنفسه <لما يطقج >>00لاكن لما يكون صاحي عطيه من كلام الحلو وقولي له شنو كان يسوي لك 00وهو ***** 00 وانتي وش كثر تالمتي وقوليله كيف بتربي ولدك 00 حاولي وحاولي وادعي ربك 00 امنتى من كل قلبي ان الله يشفيه ويخليكي له ويخلي لكم ولدكم 00بس يااختي لاتيئسين 000 دووم ادعي ربك

الصبر ثم الصبر ثم الصبر ----الطلاق مش حل لاول مشكلة تلاقينها بحياتج اختي ادعي له بالهداية ولا تناقشين وياه او تكلمينه وهو ***** الاهم انج تكونين دكية وتعرفين كيف تخلينه يترك الخمر وهدي مسؤوليتج وهدفج عشان تحافظين على مملكتج لان الطلاق ما اعتقد مناسب وانت عندج ولد منه يعني في كل الحالات هو لاصق فيج لاصق فيج الا ادا قلبج ممكن يطاوعج وتخلين له الولد بس الغالية الطلاق انسيه كوني امراة صبورة واجرتج في الجنة ولاتفكرين في الحل السلبي المهم اعتبري نفسج انج بروحج وربي ولدج وهدا اللي انا اشوفه مناسب والله يصبرج يالغالية وان الله مع الصابرين

[grade="0000FF 4169E1 00BFFF 00BFFF 00008B"]صلي وادعي ربك ان الله يهديه ويصلحه ولازم تدخلين احد من اهلك لهلمشكله
واستخيري وتوكلي على رب العالمين[/grade]

الله يصبرك حبيبتي على مصيبتك ويهديه

ماعندي غير اقولك الا تحاولي معاه وتدعي له

بس لاتكوني سبب في هدم حياتك الا اذا كان مافي حل ويأستي منه وانه مستحيل يتغير

سلمي امرك لله واستخيري

وثقي تماما ان الخيره فيما اختاره الله

اتمنى لك التوفيق وربي يهديه ويسعدك ويخلي لك ولدك

الله يساعدج يا أختي لانه هالشي مب هين طبعا
لا تفكرين في الطلاق لانه حرام انتي توج باديه حياتج و عندج ولد منه يعني فكري في الولد بعد لانه صغير حرام يضيع بدون ابو
الله يهديه ان شاء الله للطريق المستقيم
اكيد حاولتي وياه و قلتي له لا تشرب و هو حرام ادعي الله تعالى انه يهديه للطريج المستقيم
اسمحلي والله ماعرف شنو اقول بس الله يهديه يا رب و يبعد الحرام ان شاء الله عنا و عن المسلمين والمسلمات جميعا ويهدينا للطريج المستقيم

هلا حبيبتي..

والله فعلا حاله صعبه ان الزوج يكون مدمن شراب.. بس لكل شي حل بإذن الله..

أهم شي تلتزمين بصلاتك اكثر من اول وتقومين الليل وتقرين قرآن بنية ان الله يهديه ويصلحه.. وتدعين بكل سجود هذا لو تبين الله يهديه صحيح.. والله ما يخيب عباده ابدا..

مره قريت قصة وحده كان زوجها كذا يسكر ويبهذلها ضرب اذا رجع وتكلمت.. وما لقت حل الا انها تصوره وهو راجع البيت ***** وكيف يضرب ويسب ويتكلم.. ويوم صحى ثاني يوم ورته الشريط .. ما صدق انه هو يسوي كذا .. وتقول الله هداه من بعدها وبطل شرب..

بس لازم تشوفين دكتور يعالجه من هالادمان.. ولا تعاندينه وكل ما قعدتوا مع بعض خليه يسمعك وانت تدعين له دعوات حلوه بان الله يسعده ويوفقه ويدل على الصح ويبعده عن الحرام واولاد الحرام ويهديه للي يدخله الجنه..

وان شاء الله الله يفك ازمتك ويفرج لك همك ويبعد عنكم اولاد الحرام والله يجعل حياتكم كلها هنا وسعاده ويهديكم للطريق اللي يدخل الجنه.. ويبعد زوجك عن الحرام وشراب..

آمــــــــــــــــــــــــــــــــــــــــــــــــــين

الله يصبرك ويكون في عونيك ويهدي زوجك ويكرهه فلي يشربه ياااااااااااارب
اصبري ياحبيبتي وخلي املك بلله كبير

[grade="00008B FF6347 008000 4B0082"]اختي حاولي تصبرين اكثر شوي وحاولي انه يتعالج عسب يفتك من الشراب وان شاء الله ربي يهديه ..

لاا تفكرين فالطلااق لان بينكم ياهل .... شو ذنبه الولد يعيش في اسرة مفككه ؟؟ فكري بولدج وادعي لريلج ان الله يهديه ... وطمنينا عليج يالغــــلاااا ...[/grade]