يأمهات،، كيف كان شعور زوجك وقت الولادة؟؟

انا لسه ما ولدت هدا اول حمل

بس أولد ان شاء الله بحكيلكم ايش صار

ماشاء الله عليه حمودي، الله يحفظه.

الله يسهل عليج الولادة الثانية ،، وعلينا إن شاء الله، قاعدة أفكر لو حملت مرة ثانية كيف باكون،،، المرة الأولي الواحد مايعرف مثل مايقولون داخل على عماه،، بس الثانية عارفة كل شي ،،، واو بس مابي أتذكر...

يعطيكم العافيه...

بعدني على قصة الولاده..ومب متخيلة كيف بيكون وضع ريلي...

يلا بنااات كملوا القصص...الله يعيني وكل حامل على هاليوم....

مرحبا عرايس
بصراحة انا لمن زاد عليي الألم الساعة 5 ونص الصبح قعدت زوجي من النوم, وقلت خلاص ما اقدر استحمل ودني المستشفى الا يقول لا تستعجلين يمكن مو ألم ولادة...وبعد ما رحت المستشفى تتوقعون الا الدكتورة فحصت وتقولي اني متوسعة 7 سم, وما بقى شي على ولادتي, بصراحة استنانست مع ان الألم فظيع.

وكلها 2 ونص وولدت ببنتي الحمد لله

وبعدها طلعوني لزوجي وأمي وأم زوجي

زوجي كان خايف علي وباسني بجبهتي وهمس لي في أذني وقال بنتنا قمر قمر تجنن.

وبس.........

سوري بنات بطيت عيونكم

خطي صار وايد عود

ماما حسون،، والله قصتج طويلة،، ومسكين ابو حسون،،، هلك من الإنتظار،، أنت ولدتي في السلمانية؟؟؟ لأن محد دخل معاك غرفة الولادة...

هلك الا افف :dd: خل يتعب على ولده مو بس انا اللي اتعب :shy:
لا انا ولدت في مستشفى جدحفص .. وما ادري اذا يخلون الزوج يدخل غرفة الولادة او لا بس في المرة الاولى هو طلب يدخل وما عارضوا .. دخل حوالي 10 دقايق او ربع ساعة بعدين بروحه قال بيطلع لان ما يتحمل يشفوني اتألم واصارخ :o لان بعد كلما جاني الطلق امسك يده بقووووة واقوله بمووووووووت (a)

والمرة الثانية كان توه داخل علي قبل ما اولد بحوالي ساعة .. دخل بس 5 دقايق وجت الدكتورة وقالوا له ينتظر برا لانها بتفحص علي .. يقول انه وقف عند الباب وسمعهم يقولون اني قريب بولد لان وقتها كنت انفتحت 5 سم وقالوا بيعطوني ابرة تخدير فاخد نفسه ومشى من غير محد يقوله شي " سواء يقولون له يدخل او يمشي يروح برا " .

واغلب الوقت اللي كان ينتظرني برا كان قاعد يقرا القران والصلاة كان يروح المسجد يصليها ويرد يرجع المستشفى .

حبيباتى ادخلن هذا الرابط واجبن عليه بصراااااااااحة
http://www.3roos.com/forums/showthread.php?t=173293

اليوم كملت 12 يوم من ولادتي الثانية.. والحمدلله نجيت من القيصرية لأن الأولى كانت قيصرية

بالنسبة للتجربة الأولى كانت قصة طويلة.. خلاصتها إتي كنت متفقة مع زوجي ما يتركني أبدا.. وهذا اللي صار لين دخلت غرفة العمليات.. تميت أعاني من آلام الطلق وزوجي معاي..يمسك ايدي ويصبرني وأنا مركزة على التنفس.. وكل ما ياني الألم نفخ في ويه:eek2: والفقير مستحمل الشد والمط.. كنت أيوده من كندورته وأنفخ في ويه ... لين ضعف نبض الجنين ودخلت العمليات.

التجربة الثانية كان الوضع مع زوجي أخس.. خلوني في غرفة ماقبل الولادة وهي غرفة جماعية وما يسمحون للرجال بالدخول.. ولما حمى الطلق وخذوني لغرفة الولادة اتصلت فيه وقلت له تعال بسرعة.. وبلحظة دخوله غرفة الولادة عليه طلعت البنوتة وكان موقف محرج:o.. بس اللي زعلني إنه ما كان موجود وأنا أتألم:(

والله قصصكم حلوة ذكرتني بلي صار لي
بس انا عاد كنت ادري شنو بصير لي من الشهر الثامن عاااااااااااااااااادي كنت ادري قيصرية
بس يوم اللي بولد فيه كنت تعبانه بس حسبت تعب مال الحمل بس مع اني كملت التاسع بظبط لكن ما شكيت لكن زوجي كان ازن عللى راسي امشي سوي الترسوند في التخصصي مب راضية ورحت ولكن كان الجهاز خراب ووزن على راسي الا اروح السلمانية مب راضية قام يراضيني وادرلعني خايفة على عيالة ورحت الا صدمتني الدكتورة انتي مفتوحة 2سم وفي اي وقت ينشق الكيس ويمكن اذا رحتي البيت اموت1
طبعا زوجي اتخرع الا ابات مب راضية وقت برجع الصبح ورجعت وحسيت بالم تحت عدل وكنت مع اختي تالي جاء زوجي من الشغل وجهزوني لعملية وحسيت بطلق وكل ساعة اقول له يالم وهو اقول ما علية تحملي اشوي وهو يغطيني باللحاف مسكين ما تركني الا في غرفة العمليات الا لمى صحيت بعدها وشفته اقول ليي الحمد لله على السلامة بس كان يدلعني دلع احلى ايام حياتي

up

لعيون امهاتنا الجدد

ويييييييييييييييييه..
شهالذكريات؟؟!

مر عليها اكثر من سنتين بس للحين أذكرها كأنها اليوم!!
ولأني حامل صرت اذكرها بزيادة..

كان زوجي موديني بيت اهلي في نص التاسع عشان لو صار ولادة ولا شي اكون يم امي وهو مايعرف يتصرف بروحه..
كل ليلة كان يوديني الممشى امشي لي ساعة وارجع..
بس آخر ليلة اذكر مافيني شي.. صج الآلام تروح وترد لكن شي عادي محتمل ما حد يتوقع اني بولد يعني..
واحنا في الطريق لبيت امي الا نشوف باص نسوان مبنجر وزوجي مسكين بدل لهم التاير عقب وقعة وسالفة لأن طلع السبير مالهم مو خوش بعد ما ركبه وراح نفخه ورد!!

وهم تموا يسولفون وياي ويدعون لي لأن شافوا بطني شكثر منتفخ..واذكر وحدة منهم تقول يا رب تولدين الليلة وتفتكين والله يسهل لج..
رحت البيت اقول له اقعد الليلة لا تروح.. يقول لي لا وراي دوام مافيج شي انتي..
راح وكان الوقت متأخر.. تميت اسولف ويا امي شوي تحركت الا الماي ينزل على رجايلي!!

امي خافت وقالت لي قومي بوديج المستشفى اخاف يصيد الجاهل شي..
ودتني امي واحنا في الطريق اتصلنا لزوجي وقلنا له ترى احنا رايحين المستشفى..
ما صدق.. طبعاً انا دخلوني الولادة وهو ما كان معاي ولا رضوا يدخل بس كان كل شوي يكلمني من تلفون المستشفى.. آخر شي قالوا له ما يصير الحين تقوم لأنها عليها مغدي وجذي..

كانت الساعة 7 ونص الصبح وخبروني ان زوجج يسلم عليج..
جات 11 ونص وخلاص ولدت .. طلعوني له وباس جبيني.. الصراحة من التعب ما اذكر شكله.. بس كل اللي اذكره اني من شفته ما قدرت جاتني الصيحة دمعت عيني لأني مو مصدقة من هالتعب كله طلعت بالسلامة..
وهو يقول لي ليش تصيحين؟؟وحسيته ان كان خايف حده.. بس تغير شعوره لما شافني!

ماجرررررربت للحين

ههه كيوتة قلبتي المواجع مابقينا ننسى الطلق وآلامه هالدور تذكرينا به.. الموضوع مغبر...

الله يخليه ويبارك فيه والحمدلله ع السلامة

ان شالله نعيش هالحضة ونقولكم شعورنا حزة الولادة

الله يسهل ع الجميع يارب
ونقول لكم تجربتنا

والله انا زوجي من النوع اللي يشيل هم تعبي كثييييييير وبصراحه اشفق عليه من التوتر والقلق وطول الانتظار وانا عندي 3 عيال ولدين وبنت
وكل لحظة فرج كانت احلى من الثانية ولله الحمد ............ لكن ولادتي الاولى بحمودي كانت غير وفرحتها أكثر بالنسبة لزوجي ونسأل الله
أن يرزقنا طاعة أزواجنا ويجعل ذلك سبب في دخولنا جنات النعيم آآآآآمين يا رب العالمين .........