تعالي وشوفي ايش عند نعـــــــــــــومي

السلام عليكم ورحمة الله وبركاته

كيف الحال يا احلى عرايس؟؟

انا انقطعت عن المنتدى فترة بسبب ظروفي في التجهيز

على العموم ان شاء الله يعجبكم موضوعي لاني احس انه اي عروس تكون محتاسه مره في كيفية اختيارها لبعض الملابس ومنها القمصان والملابس الداخليه

وانا احس ان نعومي فيه كل شئ وشامل لكل عروس او متزوجه وراح اعرض لكم

القمصان

الملابس الداخليه

بعض الحركات والموديلات

انواع الستيان

العطور وكريمات الجسم



اول شئ قبل ما نتكلم عن الملابس الداخليه وقمصان النوم لازم نعرف كيف نحدد المقاس الصحيح لنا

وهذا الشئ مهم وبالاخص للستيان (Bra >>>>> اسم الستيان بالانجليزي ) لانه اذا ما كان المقاس صحيح راح يطلع شكله مو مرتب هذا شئ والشئ الثاني ممكن تلاقي الستيان من عند الظهر مرتفعه على فوق وكمان ممكن يصير في احمرار مكان السير وعند الوسط وغيره طبعا

عشان كذا لازم يكون المقاس صحيح و 100 %

وعشان نعرف المقاس كل وحده تطبق على نفسها هذه الخطوتين :



الخطوة الاولى لازم نعرف Band Size

وهو محيط الصدر وناخذ شريط متري مرن ونلفه حول الصدر بشكل مستقيم ويكون من قدام تحت الصدر مباشره

بعد ما ناخذ المقاس (يكون القياس بــ inch مو بــ cm) نضيف عليه 5 ونجمعهم مع بعض ويكون عندنا مقاس Band Size

يعني مثلا طلع عندك 29 نضيف عليها 5 (29 + 5 = 34 )
وكذا يكون مقاسك ( Band Size 34)
واذا 28 نضيف 4 (28 + 4 = 32 )



طيب بعد كذا نجي
للخطوة الثانيه وهي Cup Size
وهي حجم الصدر وتقاس بـ A,B,C,D
ناخذ محيط الصدر بنفس الطريقه لكن يكون الشريط من قدام على اعلى منطقه في الصدر وهي من عند الحلمه ونفس الشئ بشكل مستقيم ولا يكون ضاغط عليكي لازم يكون شوي مرن يعني تقدري تحركي الشريط وانتي تاخذي المقاس

طيب اذا طلع عندك مثلا 35 وانتي من قبل كان عندك Band Size = 34 يعني اكثر بدرجه وحده بس يكون مقاس (Cup = A)
طبعا يختلف من وحده للثانيه ونقدر نحسبها بهذه الطريقه:

اقل من انش واحد = AA Cup

1 انش = A Cup

2 انش = B Cup

3 انش = C Cup

4 انش = D Cup

5 انش = DD Cup


ان شاء الله يكون الشرح واضح



ونكمل بعد شوي انواع الستيان مع عرض لبعض الاطقم الى عند نعومي