يابنات الله يجزاكم خير أدخلوا هني وعطوني حلولكم ونصايحكم ولكم الاجرانشاللة ؟

السلام عليكم ورحمة الله وبركاته ..



انا بقولكم قصة لصديقة غالية جدا على قلبي واهي فعلا محتاجة لردودكم وحلكم لمشكلتها هذي :(

في البداااية ..

أنا اليوم جتني صديقتي هذي البيت وكانت جدا حزينة واحس انها متضايقة ومومن عادتها وطبعا

انا ماسكت وسالتها قلتلها يافلانة شفيج؟ عسى ماشر في شي صايرلج او متضايقة لا سمح الله ؟

قالتلي لا ماشر بس شوي تعبانة والمهم انا سكت ماحبيت اضغط عليها وايد وعاد سكتنا شوي

وقمنا نسولف عادي وجان تقاطعني وتقولي انا ماشية الحين البيت وراح يوصلج مني رسالة على

ايميلج واتمنى انج تقرينها وتساعديني قلتلها لا تخرعيني عسى ماشر قوليلي سالفتج الحين

قالتلي لا ما اقدر ما ني عارفة شنو اقولج بصراحة لكن راح اكتبلج كل شي على الرسالة وارسلها

لج على الايميل واقريها واتمنى انج توقفين معاي وتساعديني ؟ المهم يابنات راحت البنت وبعدها

بساعة جذي طرشتلي مسج على موبايلي قالتي اذا ماقريتي رسالتي على الاميل روحي اقريها

الحين لاني طرشتها لج وعاد انا رحت طياران للايميل وفتحت الرسالة وقريتها :(

وبصراحة يابنات مالمتها لما ارفضت انها تقول لي السالفة وجة لوجه لانها فعلا كانت تخجل

وانا من يوم قريت الي اهي كاتبتة على الايميل ما عرفت شقول او شسوي فعلشان جذي قلت

اخذ رايكم يابنات وياليت تساعدون رفيجتي وتقولون لها شلون تتوب ..

السالفة اهي تقول البنت انا ارتكبت معاصي كثيرة في الدنيا منها اني سرقت من البعيد ومن

القريب يعني من بعض من الاهل ومن ناس ثانية مااعرفهم وانا سرقت من جدتي وخالاتي بعض من

الفلوس من غير لا يدرون ومرة من الايام وانا اسرق جدتي شكت في الوضع وافتقدت بعض من النقود

وعرفت انة انا اللي كنت اسرقها وبعدها حسيت بخجل من جدتي ولا قابلت وجها لمدت كم يوم لين

الوضع تحسن وبعدها بكم يوم رجعت وسرقت منها حتى في شهر رمضان وقبلة وبعدة من جديد

من نفس الانسانة هذي (جدتي) وسرقت

موبايلات في بعض المناسبات الاعراس وغيرها من النساء وانا لااصلي ولا اهتم لصلاة ووقتها وكل

ماقلت ابي اصلي في شي يمنعني واحس بكسل ومرت الايام وكنت اصلي احيانا ومرات شهر ما

اصلي او اكثر وعلى هل حال وكنت اكذب على امي كل ماسالتني تصلين اقوللها اي وانا بالحقيقة

ما اصلي ولا اهتم للصلاة الا احيانا فقط وانا ارتكبت ذنب اكبر من ذنب الي اهو الزنى انا زنيت مع

حوالي 3 رجال بس بدون فض البكارة وهل كلام صارلة فوق 3سنين الي اهو الزني وعملت سيئات

واجد ولا اعتقد في شي اكبر من الزنى والسرقة وعدم الصلاة والكذب ووو كل اللي ذكرتة :(

وحتى في شهر رمضان الي طاف قلت خلاص ابي اتوب للة واستغفر ولا اسرق ولا اعمل شي يغضب

ربي ولكن دوم فائدة في اول ايام رمضان كنت محافظة على الصلاة والصيام وبعدها لا ماقمت

اصلي وفطرت في بعض الايام من رمضان ولكن ما اذكر كم يوم بالظبط فطرت ولا اذكر كم يوم

ماصليت وانا عندي حاليا موبايل غير عن موبايل الاهل بالخش والدس لانة اكلم فيه واحد بالتلفون

ولكن انا في قلبي هذا الشخص فقط احبة لحد الجنون ولا استطيع ان اتركة لانة خلاص سكن فيني

وفي دمي لكن هشخص حاليا موموجود لضروف دراستة بالخارج وهذي كل قصتي وفتحتلج قلبي

وقلتها لج وابيج تساعديني لاني كل يوم بليل افكر وتجيني الهواجيس اقول ليش ياربي سويت

جذي زنيت وسرقت وتاركة الصلاة وبعض الصياام مادري حسيت اني ارتكبت ذنوب ربي مراح

يغفرلي اياها وانا ماقلتلج قصتي هذي الا وانا ندمانة وابي اتوب للة سبحانة وتعالى وابي اتدين

خلاص لكن مو عارفة شلون وشسوي علشان ربي يرحمني ويغفرلي ويهديني :(

وربي مراح يغفرلي الا لما ارجع حلال الناس لهم وانا ما اقدر لاني مو موظفة ولا عندي فلوس ولا

اذكر حتى جم المبالغ اللي انا سرقتهم واناحيل متضايقة وابي اتوب للة ولا اعرف شلون ياليت
تساعديني

ابي اعرف شلون ارجع فلوس الناس الي انا سرقتهم وانا حتى ما اشتغل توني واشلون

اخليهم يسامحوني على افعالي هذي ويحللوني ومن الصعب اني اروح بوجهم واقوللهم انا سويت

جذي وخذت منكم جذي مع العلم انة بعض المبالغ والسرقات ماتدري عنهم جدتي وصراحة مالي

اوجة اقابلة واعترفلها فماني عارفة شسوي انصحيني الله يوفقج دنيا واخرى :(

النهاااية..


يابنات عروس هذي كل قصة صديقتي وربي زعلت وايد يوم قريتها وتضايقت وقلت مالي الا بناات

عروس جزاهم الله الف خير وانتوا ماتقصرون يا بنات في نصاايحكم لها واهي قاعدة على نار

وتنتظر النصايح منكم قولولها شلون تستغفر وتتوب لله وشلون عن رمضان هلى تصوم الايام الي

ماصامتها واهي حتى ماتدري جم يوم افطرت فيهم وهل تصلي كل الصلوات اللي ماصلتها طول هل

سنين ولا لا شلون او تبدا صفحة جديدة وتصلي الصلاة في وقتها وبس وتنسى الماضي ؟ ياليتكم

تنصحونها باسرع وقت وتقولون شتسوي ؟؟؟


تحيااتي للجمييع..