انخطبت .......

اختي لا تضايقين حالك

بس صعب الناس اللي نعزوهم يغلطوون بحقناا

المهم انتي دايما كنت تجازيها بالدعاء

عسى ربنا يوفقك وينولك باللي في بالك

انتي يا اختي قلبج ابيض دام تدعيلها في السر

ولا تتضايقين حبيبتي

ولو انا مكانج بصارحها

صارحيها وقولي لها

يمكن نست لا سمح الله او عبالها انها خبرتج

صارحيها دامها ربيعتج وتعزينها

يمكن لو خبرتج السبب تعذرينها

لا تتضايقين حبيبتي..
قوليلها انك عتبانه عليها، قوليلها يهون عليك اني اعرف الخبر الحلو هذا من غيرك؟ حبيت اسمعها منك، المهم الف مبروك و ادعيلها

حبيبتي لا تزعلين نفسك، ادري السالفه تزعل بس هونيها :)

لاتحتارين حبيبتى ولا تتضايقين اصلا ما فية شى يستاهل الزعل اذا فى الموضوع كلمة زواج
هذا شى ما عليه حسافة اسالينى من تجربه وصديقتك الله يوفقها. على فكره يا بنات ما اشوف ردود على موضوعى
<زوجى وتفكيره اللى محيرنى> الله يخليكم اعطونى حل بسررررررررررعه.

حبيبتي لا تضيجين بنفسج

كل انسان يعمل باصله وانتي اعتبرتيها صديقه و كنتي تقوليها كل شيء من دافع محبه
اعرف انه الموضوع يكدر بس طنشي خلاص و باركيلها و بتكونين ماجوره ... صارلي موقف تقريبا مثلج وانصدمت في صديقه لكن تعرفين شو تعلمت اني انا بيني و بين ربي لازم ارقد وانا راااضيه عن الكل عشان الواحد ما يعرف متى خاتمته فانتي صفي قلبج و خليها الله يسامحها و تصرفي بطبيعيه و بيي يوم هيه بتندم على هالمعامله

انا حاسة بيك اختي بس يا اختي لا تنسين(التمس لاخيك عذرا...)
لو كانت صداقتكم قوية اوي ممكن تكلميها بحب ومعاتبة رقيقة وتفهميها انك اختها واللي بتتمنيه لنفسك بتتمنيه ليها واكتر وان انت بتحبيها في الله ولازم ننزه هذا الحب من اي شوائب دنيوية ومن سوء الظن بالذات وممكن برضه تشتريلها هدية رقيقة وتحتسبي اجرك على الله
نصيحة لك اختي انك ما تضايقين نفسك من اي شيء في الدنيا طالما انك لم تخطيء في شيء او تغضبي ربك
انا عارفة ان الاحساس ده مؤلم بس ولا يهمك

انا صارلي ها الموقف وتضايقت كثير بداخلي بس رسلتلها مسج أهنيها واتمنالها التوفيق والله شكلها تندمت كثير وتفشلت من ردة فعلي

السلام عليكم ورحمة الله وبركاته

يا فيف ما تزعلي نفسك...أصلا ما حد يستاهل زعلك...

كلنا مرينا بمثل هذه المواقف...اللي تنخطب و لا تقول...و اللي تحمل و لا تقول...و اللي تخلف و لا تقول !

صدقيني و الله...كل هذا صار...

و بعد هذه المواقف...تصير علاقتي رسمية معاهم...هم ما يستاهلوا حبي و خوفي عليهم...

عقبالك إن شاء الله قريب :)

حببتي لا اتكدرين على خاطرج يمكن ظنى فيها ظن الخير يمكن خافت على مشاعرج او يمكن بغت اسويهالج مفاجئه سبحان الله ما اتعرفين شو نيتها بعدين بصراحه في وايد من البنات من تنخطب تتغير 180 درجه ليش شو السبب الله واعلم على العموم الغاليه الله يصلح الحال ولا اضايقين بعمرج الحياه حلوه عيشي حياتج


عقبالي وعقبال البنات في المنتدى ياربي نسمع خبر خطوبتهم قريب قولوا امين :up:

صراحه وايييييييييييييييييييييييييد بنات جذه .....وليش يتغيرون والا ما يقولون الله اعلم ونكون عازينهن وربيعاتنا والتلفون ما

يوقف ....زييييييييييين ليش شو بنحسدهم ....لا بس حركاااااااااااااااااااااااااااات ما اتحملها ....

اتقول محد في العالم انخطب وعرس ...

بس الله كريم .....يوم اتقولج ردي عليها ببرود ...هيه مبروك تستاهلين :)

الله يوفقج

فعلا موقف يضايق

بس تبين الصج انا لو مكانك اعمل نفسي مش عارفة واطنش ولو هي جت وعاتبتني على اني ما باركت لها هنا يجي دوري وافش خلقي فيها.............

اقول لها (( وشلون تبيني ابارك لك وانا ماعندي علم عنك مع اني صديقتك واتمنى لك الخير اليوم قبل بكرة ))

خليها عنج

اللي ما تعاملني كصديقة أشيلها من راسي

تظل علاقتنا بس ما أسميها صداقة

عليكم السلام و رحمة الله و بركاته

عزيزتي صار لي هالموقف مع وحده من الأهل و هي أقرب من صديقه لي و من نفس العمر و متربين مع بعض

إنخطبت و لا قالت ... فصلت فستان زواجها و ما خبرت ... زعلت من زوجها رضت عني و حاولت أواسيها و رجعت له و نستني و لا قالت سافرت و رجعت و إشترت سياره و ما تكلمت

من بعد هذا كله ما أتصل فيها و حتى لما أشوفها ما أدري ليش أحس لساني منربط و لا أقدر أسولف مثل قبل .. إحتمال هي حاسه

لكن التطنيش إسلوبي

حبيتي حتى انا استولي نفس الموقفبس ربيعتي يوم عرسها ما عزمتني وما قالتلي وعزمت الكل إلا انا وحياتج يوم يقولولي ليش ما بتسيرين عرس فلانه اقوللهم ما عزمتني والله ينصدمون لانه علاقتنا كانت اكثر من علاقة خوات ويه بعض اختي احسن شئ تسوينه لبسيها وخليج عادي ولا كانج تعرفين بشئ اذا قالتلج انها انخطبت قوليلها مبروك تستاهلين كل خير وخلج عادي ولا تعتبينها والصراحه الناس اللي مثل جي ما يستاهلون حد يصادقهم هذا بس خطوبه وجي سوت ربيعتج عيل لو عرست شو بتسوي والسموحه اختي

هلا اختى
ادري انه موقف صعب بس تعرفين لاتلومينها لانه الحسد والحقد والغيرة وايد انتشر هالاياام والناس ماترحم يوم الحين الاخوان يحسدون بعضهم بعض الواحد الصراحة ماصار يثق حتى بأعز الناس له وبعدين يمكن خطوبة عادية يعني كلام اهل بعده ماانتشر الخبر وهذا شئ طبيعي اشووفه لانه يفضل كلشئ يكون بالسكاتي لحد ما يصير شئ رسمي وملجة

بس تعرفين انا وايد مريت بهذا المواقف وتألمت طبعا بس ربج كريم كله اطنش

تعرفين انه اخوي خطبنا له وحدة (كلام بس) وكانوا اهلها فرحانين اكثر منا ويحبونا ويحبوا اخوي راحت امي الله يهديها بصفاء وخبرت كل العايلة والاقارب وربعنا ورحنا واشترينا اغراض حق الخطوبة وذهب وهدايا تخيلي قبل الخطبة بيومين اهل العروسة رفضونا بدون سبب وتفركش كلشئ في يوم واحد وطبعا وايد تاثرنا والكل قعد يلوم امي ليش خبرت كل الناس ونحن بعدنا ماصار شئ رسمي بعدها خلاص امي تعلمت درس عرفنا اللى جانا حسد من الناس وهاذا الكلام صار من ثلاث سنوات تقريبا ولحد الحين اخوي ماتزوج خطبنا له وايدات بس ماتوفق في ولاوحدة منهن كأنه حد صاكنه بعين

و انا خريجة جامعة وقعدت سنة في البيت والحين توظفت يديد الحمدلله لكن صدقيني خلال هاي السنة الناس كلتني ها ماتوظفتي كل مايشوفوني مااتوظفتي احس بقلبهم حسد وغيره قبل ماكانوا اييبوا خبري والحين كل يسالون عني يعني حتى اللى علاقته سطحية ويا اهلى مايسألون غير عن ولدج مااتوظف بنتج مااتوظفت وبصراحة لم توظفت ماعلمت غير المقربات مني جداا واللى احسهم صافيات النية معاي ورغم جذيه بعد حسيت في حتى المقربات مني غيره وحسد من طريقة كلامهم

ادري طولت بس اختى اقولج انج تصفين النية معاها ودزي لها مسج وقوليله مبروك والله يوفقج ان شاءالله صدقيني جذيه بتستحي وايد وبتحس على دمها وبتتندم وبتغير نظرتها لج

حبيبتي هالمواقف وايد تصير...الحمدلله انا ماصارت وياي مع ربعي المقربات مني...بس اسمع هالسوالف وايد بين البنات...والسبب هو الخوف من الحسد...وتلاقين خواتها او امها موصينها ماتعلم حد..عادي يعني خذي الموضوع ببساطة وطرشيلها مسج عاتبيها وقلي لها..انا لو دريت بتمنى لج الخير وبدعيلج بالتوفيق وكنت اتمنى اول وحده اعرف لانه تهمني مصلحتج وفرحتج !

بس وهي بتاخذ عبره من تصرفج

طنشي ولاتتضايقين :) اصلا البنات يتغيرون وايد عقب العرس واللي تكلمج 24 ساعه خلاص اذا سمعتي صوتها بالشهر مره بعد وايد زين !! يلهون بحياتهم الجديده وباهل زوجهم وبالمشاكل والمواجيب ..تتغير حياة الوحده وايد وتبعد عن ربعها وتغير روتين حياتها !!

مدري بس هذا اللي لاحظته وصرت ماعاتب حد...اللي يبي يتم قريب اهلا وسهلا واللي مايبي براحته !! بالعكس هذا اختبار لج تعرفين فيه من اللي يهتم فيج ومن اللي اناني ويفكر بنفسه بس :)

مثل ما هي لبستج وما قالت لج انتي بعد لا تباركين لها الا يوم هي بنفسها تخبرج
ولما تقول لج قوليلها تو الناس وانا عشان جدي اخرت تبريكاتي لج.
بس انتي وايد طيبة وحساسة عشان جدي الموضوع مضايقنج وصراحة معاج حق.

يزااااااااكم الله خير حبيباتي


والله انكم خففتوا عني وااايد :flower:

هلا الغاليه

بصراحه لو كنت مكانج بنقهر يعني ربع وعشرت عمر وما تخبرج !! ليش بتحسدينها يعني ... الله يهديها ...اختي طنشيها وقوليلها الله يهنيج ما ابا منج شي

وصدقيني اذا صادفتها مشكله بتيييج وعقب قوليلها توه الناس ما بغيتي ...

والسموحه منج والله يوفقج:)