بكاء الحامل

اكيد يأثر

انا قبل كم شهر كنت امر بحاله نفسيه فضيعه طول الوقت صياح و هالفتره يعني تقريبا اسبوع لكني يوم رحت الموعد خلال هالاسبوع نزل وزني كيلوين و دمي نزل درجه كامله و كل هذا اكيد له دور على نمو الجنين

انا بصراحه حامل بالتاسع وبخلص التاسع وانا ماولدت وصارت فيني حاله نفسيه وقعدت ابجي من التعب ونوم ما أنام

ويوم رحت موعدي اكتشفت الدكتوره انه ضغطي مرتفع قالت موزين ضغطج مرتفع لانه اذا تم جذي راح اولدج بطلق صناعي موزين على الياهل الضغط المرتفع ؟؟

عقبها تعوذت من ابليس وخليت كل شي على الله فالبكاء والتعب يأثر على الحامل والياهل ؟؟

انا سمعت انه مو زين ياثر على الجنين وعلى شخصيته بعدين اذا كبر سمعت مره قالو جذي بالتلفزيون انه يطلع متوتر او عصبي على حسب نفسية الام

وانا امي دايما تزفني اذا بجيت لاني حساس ووايد ابجي الله يستر على عيالنا

والله اعلم

أشكركم اخواتي
والله يسهل علينا ان شاء الله
وتمر شهور الحمل الباقية بيسر وسلامة ....
والله يبعد عنا الزعل وضيقة الخاطر .....


شكرا لكم