***** محتارة في أمري****

اختي وين المشكلة بالضبط ؟
هل انتي مو قادرة تخبين على امك ان السبب في عدم الانجاب هو زوجك ؟
او المشكلة في اخته اللي تاخذ منك فلوس ؟

بصراحة مافهمت بالضبط ايش الي مضايقك

بما ان زوجك يتعالج وعايشين مع بعض بسعادة انصحك ما تخربي على نفسك ... سبحانه يرزقك من حيث لا تعلمين
جزاء على صبرك ... اختي ناس ظلوا عشر سنين وناس اكثر
اهم شي انه يمشي على العلاج ومو مهم الناس تدري منو السبب

اما ان اخته تستغلك تقدرين باسلوب لطيف تقولي لها انك مثلا ما تقدرين تعطيها المبلغ اللي طلبته عشان بتشترون شي ناقصكم للببت
او وحدة متسلفة منك هالشهر
او انك مشتركة في جمعية
مرة ومرتين بتفهمها لوحدها

اختي العزيزة

ما شاء الله باين من كلامك ان العلاقه بينك و بين زوجك ممتازه والله يدوم عليكم المحبه و مثل ما قلتي الريال يتعالج يعني فيه امل بأذن الله للأنجاب شخصيا اعرف متزوجين الله كتب لهم طفل بعد 15 سنه من الزواج يعني الحمدلله رب العالمين كل شي مقدر و مكتوب و ادعي لج من قلبي انه يحقق لج امنيتج و تشوفين طفل لج ..
اتصور بيكون شي طيب لو تخبرين الوالده بس بعد فتره مب الحين والشور شورج يا اختي و موفقه ان شاء الله
موضوع اخت زوجج يمكن هي تحس انها مرتاحه لج و انتي الوحيده اللي تفهمينها عشان جذي تطلبج و صراحه هي بعد لازم تسأل طليقها عشان يتحمل بدفع بعض المصاريف على الاطفال و الله يوفقج و يوفقنا جميع و يبعد عنا المشاكل ان شاء الله

اختي انا من راي الاخت رومي...مب لازم تنشرين هالخبر انه من زوجج..ممكن امك بس اللي تدري وقولي لها ماتقول حق احد عشان لاينتشر الخبر ويعرف زوجج ويتضايق..انشالله يارب يتعافى زوجج ويرزقكم الله الذرية الصالحة..
بالنسبة لاخت ريلج شلون تحسين انها تستغل خاصة انها ترد الفلوس مرة ثانية تأكدي اذا صج تستغلج تعذري منها وقولي ماعندج بس يمكن هي صج ماعندها لانج قلتي مطلقة ومحد يصرف عليها...

الله يوفقك

والله أنا أشوف إن الموضوع يظل بينكم أزين وبما إن أمك ماسألت عن الموضوع لاتفتحيه

بعدين من كلامك تقولي هي طيبه وممكن حدا يسحبها بالكلام

خليها بينكم أحسن

لأن السالفه إذا طلعت صدقيني بتكبر ويمكن يدش فيها أطراف مالهم شغل أبد

والله يرزقك إن شاء الله

[grade="00008B FF6347 008000 4B0082"]السلام عليكم ورحمة الله وبركاته

حبيبتي كوني ستر وغطا لزوجك دام انه يتعالج وان شاء الله الله بيرزقك برزقه عاجلا غير آجل وأهم شي ان أهل زوجك يعرفوا عشان ما يضايقوك بالاسئلة

وعن سلفية اخت زوجك اذا كانت ترجعلك المبلغ وانتي مو محتاج فترتها للمبلغ فاقولك اعطيها عظيم جدا انك تفرجي كربتها وخاصة انها ترجعهم لك

ما شاء الهل عليك يبين عليك رائعة فلا تخلي الشيطان يوسوسلك وان شاء الله على نياتكم ترزقون :smile:[/grade]

اختي دام ريلج وهله مايضايقوونج بسالفة العيال عادي لاتقولين حق احد السالفه حتى لو كانت امج


اما بالنسبه لاخت ريلج
اكيد هي محتاجه

دام طليقها مايعطيها النفقه
اكيد هي محتاجه هالمبلغ
ليش ريلج مايخصص لها راتب شهري حتى لو مبلغ بسيط
كمساعده

ومنها يحصل اجر
وان شالله الله يبارك لكم ويرزقكم الذريه الصالحه

[grade="00008B FF6347 008000 4B0082"]السلام عليكم ورحمة الله وبركاته

حبيبتي كوني ستر وغطا لزوجك دام انه يتعالج وان شاء الله الله بيرزقك برزقه عاجلا غير آجل وأهم شي ان أهل زوجك يعرفوا عشان ما يضايقوك بالاسئلة

وعن سلفية اخت زوجك اذا كانت ترجعلك المبلغ وانتي مو محتاج فترتها للمبلغ فاقولك اعطيها عظيم جدا انك تفرجي كربتها وخاصة انها ترجعهم لك

ما شاء الهل عليك يبين عليك رائعة فلا تخلي الشيطان يوسوسلك وان شاء الله على نياتكم ترزقون :smile:[/grade]

انا برايي ماله داعي احد يعرف هذه خصوصياتكم والله يكتب لكم ان شاء الذريه الصالحه ولنا ولكل محروم ........اما بالنسبه لاخته ماعليج منها شئ الج لاتتحرجين تاخذينه ........



تحياتي .....ولاء علي

رايي من راي خواتنا

والله يوفقكم بحياتكم ويرزقكم بالذريه الصالحه
دام انه يتعالج يعني فيه امل يااختي

بس دام اخت زوجك ترجع المبلغ دايما فالحمدلله

لانه بعض الناس تسلفينهم ومن ثاني يوم يتهربون منج وخلاص يعني انسي الفلوس