عروس ميتة قهر

حبيبتي ما عليه انتي سوي حق كا الجنسيات ههههههههههههههه

سويها ليلة بدوية سورية اي شي

ما تزعليـن يا الغاليـة ...... سويهــا ليلــة مغربيــة لبســي لبـاس مغربـي فخــم
وكل شي سويـه مغربي وخلي الخوات المغربيـــات يساعدونج ... واذا بغيتـي
أي مساعدة نحنا في الخدمـــة .....



تحيــــاتي

والله احلى شي لو تسوينها traditional سويها خليجيه 100 في الميه وحطي المشموم على شعرج ولبسي الطاسه وقعدي في بيت شعر ومن هالحركات

وخلي الكل يلبس ثياب نشل والياهال بخانق والله بيطلع حلو ترا كل الناس صايرة تسوي هندي والليلة الخليجيه من زمان محد صاير

يسوي ..

يزاكم الله خير خواتي

أختي عيبتني الليلة الخليجية لكن عطيني تفاصيل أكثر

شو اسوي بالضبط ؟؟

هلا الغالية

بالنسبة لليلة الخليجيه انا اقترح عليج تحطين بيت شعر ومساند وتلبسين ثوب نشل مثل اللي يلبسونه ليلة الحنا وتحطين على شعرج

مشموم وطاسه وتلبسين الذهب وتحطين كحل غامق يعني تبينين انج خليجيه ميه في الميه :)

والياهال يلبسون بخانق والكبار بدال مايلبسون ساري وجلابيات يلبسون الجلابيات القديمة اللي تجيج حمره وزرقه اكيد تعرفينها

وثياب نشل تلاقينهم في السوق القديم مادري وين عندكم بالامارات

وان شاءالله بحاول ادور لج صورة علشان تعرفين قصدي شلون تكونين بالضبط

وتقدرون توزعون حنه او حلوى وتسوون اكلات شعبيه خنفروش وزلابيا

ان شاءالله بجيب لج باقي الافكار بكره انتظريني :)

انا مع روز قطر سويها خليجيه

هلا رجعت لج اليوم :)

بس حبيت اقولج ان اذا بتلبسين الاطفال وحتى البنات الذهب مب لازم يكون ذهب اصلي تقدرون تشترون اكسسوارات

وموجوده وايد وهي بالضبط نفس الذهب حتى مايبين انها اكسسوار .. حق اليد والرجل والطاسه والكواشي .. والمرتعشه ... بس مادري

وين يبيعونه عندكم .. وغير جذي يلبسون دراريع وتحتها صراويل علشان تبين ويلبسون الذهب اللي ينحط بالرجل

وممكن تحطون بدال الكراسي للناس ( مساند قديمة ) يعني تغيرين جو البيت الى جو تقليدي قديم كلش ..

مدري ليه طايحين بالهندي
فيه أحلى من الخليجي والبداوة مممممممم رهيبة

أنا عجبتني فكرة roseqatar ....

فكرة وايد حلوة


تحياتي

حلوة فكرة اختنا روز قطر

وممكن الديكور يكون من دعون النخل وتزينينه اشياء حلوه

وتعلقين فناره

اولا احب اهنيكى اختى الغاليه بزفافك

ثانيا ليله الحنه لي راي فيها وهيا انك تسويها تبع العادات والتقاليد مثل خواتى ما قالو لكى

انا بالنسبالى لما ربنا يرزقنى بابن الحلال

راح اسوى حنتى بالمصرى الصميم
وعندنا بنسويها حلوة اوى

حنه ونقش على الكفوف والقدمين

وتعطر بماء الورد

وفى حنه نوبى بتكون حلوة اوى

وعندنا اغانى تراث جميله واكيد انتوا كمان عندكوا اغانى جميله وحلوة كتيير

جعل الله كل ايامك هناء

وسويها حسب العادات القديمه ومبارك باذن الله

يزاج الله خير أختي الفكرة وايد حلوة

بشوف أن شاء الله أسويها

إختاري أي دولة ثانية سوي عليها

انا مع الخليجي واهم شي الزي والاكلات الشعبيه
والبنات من قبل طرحوا فكره
لو تجيبين الحريم مثل اللي فالقرى التراثيه
يسوون الرقاق والاكلات الشعبيه قدام الناس بيكون حلو وايد

انا اقوووول خليجييييييي بحت
لول