سؤال للحوامل ............................؟؟

هلا حبيبتي
اولا ألف ألف ألف ألف مبروووووووووووووووووووك:clap::clap::clap:
الله يتمم لك ع خير وتشوفية إنشاء الله بصحة وعافية
ثانياً: بالنسبة للنوم ع البطن بالشهور الاولى انشاء الله انه مو مضر لاني سألت دكتورتي وقالت لي كذا
وبعد مايكبر انتي ماعاد تقدرين تنامين علية
ثالثا: بما أنك حللتي وتاكدتي انك حامل خلاص الحمدالله لاتوسوسين
حطي يدك ع بطنك سولفي كأنك تكلمينه مع الوقت راح تشعرين به انشاء الله سمعت هـ الطريقه من إحدى المنتديات
اتمنى إني أفدتك بشي
ماتشوفين شر يالغالية
تحياتي
أم نتالي:shy:

ذكرتيني بمخاوف اول الشهور الي كانت تجيني يعني كل شوي اوسوس على شي يعني شوي اخاف يكون ما فيه حمل او شوي اخاف ان الله لا يقوله ينزل الجنيين بس الحمدلله كنت اتعوذ من ابليس اما عن النومه على البطن فهي عاديه اني للنهاية الخامس انام على بطني بس ما اطول لانه شويه متعب والله يوفقش عمري

مبروك الحمل عزيزتي..

بالنسبة للوساوس طبيعية جدا في الشهور الأولى.. بالذات اذاكان أول حمل..
حاولي تقرين كتب عن الحمل و الولادة.. منها تتسلين و تاخذين معلومات و منها تشغلين نفسج عن التفكير و الوسواس..

والله يسهل عليج و يرزقج الذرية الصالحة..

شكرا اخواتي والله طمنتوني
ان شاء الله الله يطمنكم على طول يا رب

والله يااختي هالوسواس عندي انا في الشهر االثاني ومو مصدقه اني حامل مع اني شفت نتيجة التحليل

واستنى موعد متابعتي على احر من الجمر علشان اسمع دقات قلبه واطمن عليه ..

اما بالنسبه للنوم اني قريت مره ان النوم على البطن في الشهور الاولى مو زين

بس الله اعلم يمكمن غيري يفهم بهالموضوع اكثر وان شاء الله يفيدونش خواتي

هلا حبيبتي الله يتمم حملج على خير انشالله انا كنت مثلج ماصدقت الا يووم حسيت بحركه الجنين يعني اتريي لين الشهر الراابع عسب تصدقين لووول
والنووم على البطن انا كنت في الشهور الاولى ارقد على بطني عادي بس حاسبي وبعدين المااء اللي حولين الجنين يحمي الجنين والله يحفظج انشالله ويحفظ الجنين..:cool2:

حبيبتي الغالية أبعدي عندك الوسواس الخناس ... والله يتمم لك على خير يا رب ....

مبرووووووووووووووك والله يتمم لج على خير الغلا

النوم ع البطن فالاشهر الاولى مب مضر

ولا توسوسيين تعوذي من ابليس ووكلي امره لرب العالمين

ويوم بتشوفين صورته بالاترا ساوند وتسمعين النبض وبتحسيبه يتحرك هذاك الوقت بتحسين انج صدق حامل ومب وهم

بس اهم شي اختي تكثرين من شرب الماء و تريحيين قد ماتقدرين ولاتلبسين الكعب.... صبغة الشعر ممنوعه لانها مضره والتشقير اذا كان للوجه او الجسم بعد ممنوع ....

وان شاء الله اكون افدتج بجوابي واخواتي اللي ردوا ع الموضوع قبلي كفن ووفن

اشكركم من كل قلبي يا اخواتي الغاليات
والله انا من دونكم ما ادري شلون اعيش
والله دا استفاد منكم كلش هواية
الله يخليكم ليه يا رب