كيف ابشر زوجي اني حامل؟أبا طريقه مبتكره

الف مبروك حبيبتي

صراحه انا سويت لزوجي مفاجاه000000

طبعا انا حللت في البيت شريت تحليل الحمل من الصيدليه وسويته وطلعت حامل

قلت لازم اسوي لزوجي مفاجاه المهم اخذت التحليل وغلفته بطريقه مره حلوه اللي يشوفها يقول هــــــــــــــديه

المهم وعزمته على مطعم وبعدين اديته ((الهديه))

طبعا ماتتصورين قد ايش فرح

والله اني خفت عليه يصير فيه شي من الفرحه>>>>>>>>>>هههههههههه

المهم تكون مفاجاه وهو راح يستانس باي شي تسوينه المهم انك حامـــــــــــــل هذا اذا كان اول واحد

والف والف مبـــــــــــــــــــــــــــــــروك

تحياتي00000

هلا خيووووو

آنا بالصراحة من زود الفرحة ما كانت الدنيا سايعتني وما كان عندي مجال للتخطيط للمفاجأة على طول من عملت التحليل وطلع لي خطين أتصلت له كان يوم حلووو من زود الفرحة جاء لي علشان يشوف الخط هههههههه

يا ليت أحد يعطيك أفكار حلوة

انا كان واقفلي على باب الحمام تكرمون ههههههههههه يعني ماكو مجال للتخطيطات
بس عزيزتي اذا انتي حللتي بمستشفى فبالمستشفى رح يعطونج ورقه الي هي التحليل ... فانا عندي فكره حلوه تشترين رضاعه حلوه مال الاطفال بس مو تخلين الحليب فيها ههههههههه لالالا تخلين الورقه فيها و تغلفيها وتعطيها لزوجج 0000
اما اذا حللتي بالبيت مااعرف بعد :)
والف مبروك الحمل

انا عندي فكره بسيطه بس بنظري حلوه :)

كتبي بمسج فلان بـن فلان الفلاني يبشركم بقدومه ويسلم عليكم ويقول لكم انتظروني بعد تسع اشهر ان شاء الله

وطرشيها على نقاله :)

والف مبروووك حبوبه

جزاكم الله ألف خير وانشاء الله راح أطبق أفكاركم الحلوه يوم الأربعاء لأنه مسافر و راح يرجع لي بالسلامه.




راح تكون أكبر مفاجأه



خخخخخخخخخخخخخخخخخخخخخخخخخخخخخخخخخخخخخخخخخخخخ
أخاف ينصدم ويغمى عليه. مب مشكله بحط عدالي راس بصل ولا غرشه عطر


وين أهل الرومانسيه؟؟؟؟؟؟؟ والحركات؟؟؟؟؟ أفيدونا

أنتظر أفكار أحلى

الف مبروك اختى والله يتمم عليك
انا كنت مسافر عند اهلى وسويت التحلليل عندهم
وقبل مامااروح بيتى بيوم قلت له انا موعد طيارتى باليوم الفلانى ومعى ضيف تحبه حيل
ويوم وصلت البيت يسالنى عن الضيف قلت له انى حامل والضيف النونو
هذى سالفتى ونا الحين بداية السادس
وادعو لى انه الله يهون على

والله أنا شفت في أغنيه جديده فكره مره حلوه..

مثلاً إذا فيه مناسبه مشتركه قريبه زي عيد زواجكم أو أخترعي إنتي مناسبه..

وقوليلو انك جايبالو هديه وبعد ما تتعشو ويسألك إيش هي الهديه ..خدي يده وحطيها على بطنك..


أو أقتبسي من الفكره بطريقه تانيه..

تفضلي.. راح ينفعك هالرابط الحلو ووااايد :)

هنا

انا عن نفسي سويت التحليل في العياده و رحت مع زوجة اخوي
و زوجي كان عنده امتحان و لما عرفت اني حامل و رجعت
بيت اهلي قمت اتصل في زوجي و هو ما كان يرد علي و انا
كنت وااايد فرحانه و كنت ابا يفرح وياي فلما شافني متصله كم
مرة بعد كم دقيقه اتصل فيني و كان محرج شوي ان ما خليته يكتب
عدل و من خبرته اني حامل طار من الفرحه و قام كل عشر دقايق
يتصل فيني و يطمن علي بس والله كانت لحظه كنت بصيح من كثر ما
كنت فرحانه والله يتمم لي على خير

و الــــــــــــــــــــــــــف مبروك يالغاليه على الحمل

عندي فكرة حلوووو أن شاء الله تعجبك

أول ما يرجع زوجك من السفر ... أرسلي له مسج قولي له فيها أبحث عن ورقة عن باب البيت .... إذا وصل ... يكون الورقة مكتوب عليها مكان ثاني داخل البيت .... وأختاري أمكان متتابع أو متفرقة في البيت في كل مكان في البيت وكل ورقة تدل على الثانية ... إلى ما المكان الآخير الي رايح تختارينه وتكونين فيه متخفيه فيه عن زوجك ... وكونين حامل باقة ورد أو دبدوب وفيها الورقة الآخير أو التحاليل الي تثبت أنك حامل ... أن شاء الله الفكرة عجبتك وفهمتينها ....

انا مامداني حتى أتنفس شاف التحليل على طول
بس مره قريت وحده في منتدى ثاني أتوقع
تقول انا مو حامل بس حبيت أغير شوي بالغرفه شرت كفر يديد وشغلات لغرفة النوم
تقول أول ما ريلها دخل طار من الفرحه أول سؤال سألها قالها انتي حامل
ردت عليه لأ ليش قال شفت هالتغيير على بالي حامل
انتي سوي نفس الطريقه اشتري طقم حلو وحطي على السرير أي فكره من اللي قالوها البنات

انا عن نفسي زوجي واقف عند باب الحمام (تكرمون) مافي مجال حق مفاجآت بس كان يقول لي انا متأكد انتي حامل..عقب اقول له انت موفرحان واييد مع انه اول حمل حقي وقبلها طرحت....قال بلى بس انتي المرأة غير شعورج وتظهرين مشاعرج انا داخلي لكن بنفس اليوم اللي عرفنا طلعني على العشا وقال لي اكلي النونو عدل

والله ما قصرتوا يابنات. وهذا عشمي فيكم من زمان. وانشاء الله راح أطبق كل اللي كتبتوه.وانشاءالله الله يتمم حملي على خير

اصلن موضوع الحمل كله على بعضه حركه ومفاجاه

خاصه الحمل الاول

يعني بدون حركات راح يفرح

والله يرزق ازواج المسلمين بالذريه الصالحه

: )

والله ما قصروا الاخوات كفوا ووفوا والله يتمم بخير

ما قصروا البنات الله يعطيهم العافيه

الله يتمم لك بخير
والبنات ماقصرو

الف مبروك حبيبتي

الاخوات كفو ووفو

موضوع قديم .
يغلق .