ابنتي ومشكلتها مع الدوره الشهريه .. ساعدوني

اختي الغالية

عادي اعرضي بنتك للطبيب للفحص الكامل لان ممكن الغدة مظطربة عندها مثل رفيقتي
والللي تمر به بنتك عادي وشايع يمكن راجع للتغذية ويمكن للهرمونات ويمكن ويمكن

توكلي على الله الشي اللي تعانيه بنتك ولله الحمد بسيط، واذا فيه ادويه اكيد انها بتفيدها مراح تضرها


تحياتي

مشكوره اختي الحواس الخمس عالنصيحه

الظاهر ما عندي خيار ثاني غير الطبيبه والفحوصات
بصراحه كاسره خاطري

بس اتمنى ان المشكله بسبب التغذيه مو سببها هرمونات وغده

ما ابغيها تتعود عالادويه

اخاف بعدين دورتها ما تنزل الا بالحبوب

الله كريم

خليها اتحسن اكلها وتشرب الاعشاب اللي تنزل الدوره

عندج القرفه واليانسون

واذا مانزلت اعرضيها على دكتوره يكون افضل

انا اتفق مع الاخت قطرية موت حاولي معاها بالاعشاب وخليها تتحرك كثيير المراميه بعد مفيده وان شاء الله بتنزل .... ولاتخافين اختي اغلب البنات ماتكون منتظمه مئه المئه اول ماتجيهم ..........وان شاء الله ماعليها الا السلامه يارب........

تحياتي ......... ولاء علي

أخواتي الحبيبات

قطريه موت / ولاء علي

جزاكن ربي كل خير

كنت افكر من البارحه في الاعشاب
بس ما كنت عارفه شو هي الاعشاب بالضبط
فكرت اروح للعطارين .. بس الواحد يخجل
كل اللي يشتغلون رجاجيل

اختي قطريه
البنيه بروحها قامت تخاف وتحاتي
وبدأت تزيد شوي شوي في أكلها وكانت اول ما تاكل كلش السلطه
الحين من خوفها قامت تاكل خس مع خيار

يعني فيه تحسن ... هي كل خوفها من الطبيبه .. أبغض ما عندها المستشفى
بس انا هدئتها وقلت لها ما تخاف ولا تشد اعصابها واذا الله قدر وما نزلت
كل اللي بيعطونج اياه حبوب وشوية فحوصات دم ..

والله كل يوم يجي اقول يارب تنزل لها اليوم :(

بجرب معها اليانسون والمراميه والقرفه ويااااارب يتحسن الحال

بس بعد ضروري الفحوصات

اختي الحواس الخمس شككتني في مسألة الغده ولازم اطمن


جزاكن الله خير ويعطيكن العافيه

السلام عليكم

انا بصراحه اول مره ادش هالقسم بالمنتدي لان شدني العنوان بالصفحه الرئيسيه

اختي بنتج صغيره والبنت قبل لاتكمل عمر 21 ماعليها خوف اذا ما انتظمت الدوره الشهريه عندها والله يا اختي خليها على الله لاتودين بنتج مستشفى ويعطونها ادويه اتخربط الغدد عندها واهي توها صغيره بس خليها تاكل عدل
ولاتحاتين انا سمعت من كذه وحده وكذا دكتوره وطبعا هذا بالندوات ايام الثانويه ان البنت قبل لا تكمل عمرها 21 عادي لو ماتنتظم وحتى لو تجيها شهر وشهر لا عادي
وهذا انا اللي اعرفه فأقولج حرام اتودينها لطبيب يعطيها ادويه واهي توها صغيره
واقولج شي انا عمري 21 ولي الحين الدوره مو منتظمه عندي كل شهر لها تاريخ شهر تتأخر اسبوع وشهر تتأخر اسبوعين
بس انا عرفت بروحي سبب اللي اتأخرها علي اول شي ما اشرب اشياء حاره وثاني شي قله الحركه
اقولج شي يضحكج الشهر اللي صادف عندنا عرس ولد عمي اهو الشهر اللي جتني الدوره بوقتها من كثر الرقص والحركه وعلى فكره ترى اذا بنتج اتحاتي واتفكر بالدوره راح اتأخر نزولها وهذا سمعته بعد من دكتور
فتطمني وطمني بنتج حرام اتحاتي وانشاءالله مافي الا العافيه خليها تشرب اشياء حاره

واسفه اذا طولت





تحياتي
فنوووره

عادي اختي لاتحاتين ولا تخلينها تحاتي

انا اول مابلغت كان عمري 12 سنه جاتني الدوره منتظمه وبعد سنتين ونص يعني كان عمري 14 ( قريب 15 ) تخربطت وصارت تتأخر 10 الى عشرين يوم او تجدم 4 ايام
لكن الحين من سنه ونص تقريبا ( والحين انا 18 سنه ) صارت تجيني عالوقت لا تتأخر ولا تجدم بس اوقااااات يعني مره فالسنه تتاخر 7 ايام


اتوقع هذي مب مشكله كبيره لان كل البنات اللي في هالسن تتخربط عندهم الدوره

خليها تسوي تمارين البطن وخليها تشرب دارسين او زنجبيل
وهالاعشاب انا كنت اشربها قبل لاني كنت مثل بنتج اخاف
لكن تأثيرها مب وااايد قوي
يعني اذا شربت كوبين فاليوم يمكن بعد 5 ايام تنزل الدوره

فنوره حبيبتي

ريحتيني بكلامج
ونقلت لبنتي اللي قلتيه على شان ترتاح هي بعد وما تحاتي

انا بنتظر هالشهر واترك الموضع ما بفكر فيه وعسى الشهر الجاي الله يسهل

حبيبتي دلوعتها

اشكرج عالنصيحه .. ووصلت لبنتي وعسى ربي يحفظك



عزف منفرد الغاليه
البنيه ما جتها الدوره وعلى شان كذا خليتها تاكل اناناس
بس لو كانت عندها الدوره ما كنت بفكر اعطيها بهالفتره

مرحبااااااا اختي من التغذية خليها تاكل ان اختي صار فيها نفس الشي وتاخرت عليها 3شهور اول مابدت تاكل جتها وخليها تشرب زنجبيل زين ينزل الدورة اللة يخليك لها امين

مرحبا
طمنيني اختي شخبار البنت
مثل ما قالوا لج الخوات افضل شي الدارسين (القرفة) مع الزنجبيل
انا جربته مرة شربته في الليل قعدت الصبح الا هي نزلت
خليها تشربه مثل الشاي
وهو كله مواد طبيعية ما تأثر

وان شاء الله ما عليها شر

خبرينا اش صار على البنت
تحياتي....

أفضل شي الدارسيييييييييييين

وتترك الحوامض كلها لأنها تقطع الدورة