يــاه عشر سنين وساوس شيطان..ادعولي

السلام عليكم ورحمة الله وبركاته

خواتي بقولكم قصتي ..
من اكثر من عشر سنين وعند بلوغي ماكنت اعرف شي عن الدوره الشهريه وشنو تعني وشلون اتعصرف وماكان احد في البيت امي موموجوده
خفت من منظر الدم وقمت بوضع مناديل ورقيه وادخالها بالمنطقه وادخال اصبعي
والما عرفت بغشاء البكاره تجنبت الناس واصبحت احب الوحده وابتعد عن الناس والان انا ابلغ من العمر 25سنه

لكن الحمدالله رب العالمين على كل حال متوكله على الله وحاسه اني سليمه وكشفت على نفسي بالمنظره والاضائه ورئيت غشاء البكاره واضح والفائده كلها من موضوع وحده من الاخوات في منتدى اخر كان فيه موضوع عن غشاء البكاره وصوره وايضا بحثت بالانترنت ووجدت صور حقيقيه واضحه وهذا اللي سهل علي معرفه سلامتي والحمدالله

وادعوكم يابنات بأغلى شي عندكم لاتخلون اي اخت او بنت صغيره لكم في فتره البلوغ لازم تنبهونها قبل البلوق وتشرحون لها شنو تسوي صدقوني لامدارس تنفع ولاغيره نصايحكم انتم المهمه انتم اقرب الى بناتكم اخواتكم حرام تضيع عليهم سنين عمرهم بالوسواس وقيامهم بأعمال لايعرفون ضررها والله حرام


وتكفون يابنات تكفون محتاجه دعوتكم احس اني لازم اتأهل من اول وجديد واواجه الناس واتعلم شلون اتعامل معاهم صدقوني من كثر ماانا وحيده وعلى الرغم من اني طالبه جامعيه الى اني ماعندي الخبره اتعامل مع الناس والبنات والحريم صدقوني ..انا لو رحت اي مكان وشفت فيه اي شخص وخاصه الرجال صدقوني ينتابني خوف رهيب ويبان علي لدرجه كبيره

وادعولي اني اتزوج خواتي الاصغر مني بيتزوجون الله يوفقهم يارب وانا لو لا الله ومن ثم مساعده واحده من البنات وثقتي فيها وشرحها لي ماكنت كشفت على نفسي وتطمنت وكنت بظل بوساوس الشيطان والخوف


ادعولي الله يرزقني الزوج الصالح اللي اكون قره عينه ويكون قره عيني ويستر علي
وفيه شاب ماشاءالله دائما هو الوحيد اذا رأيته بأي مكان يطمئن قلبي وادعو الله يرزقني فيه ولاني لاحظت اهتمامه فيني انه يكون من نصيبي
واذا لم يكن ادعو لي يرزقني الله برجل صالح عاجلا غير اجلا..لاني تعبت ودي استقر .. والسنين اللي ضاعت علي من عمري يعوضني خير عنها ربي

والله صارو يسموني اهلي المعقده لاني كنت ارفض الزواج ..لكن بمااني ماسويت الغلط والحمدالله بتوكل على الله وبدعيه يرزقني الزوج الصالح...قولو امين


امانه ادعولي ...ولكم مني دعوات بظهر غيب بأن يحقق الله كل ماتتمنون ويفرج عنكم اللهم امين




اختكم