انتي متألقه دائماً في السهرات؟تعالي اهني مطلووووبه

السلام عليكم ورحمة الله وبركاته

خواتي انا عضوه يديده اتمنى تتقبلوني بينكم:shy:

اليوم حابه اشاركم بعض اسراري في مكياج السهره واللي دايماً يحسبوني مسويته في

صالون<<<مادح نفسه

وياليت كلنا نقول اسرارنا حتى نصير قمامير:yes:

ببدا بنفسي بسم الله:

قبل اي شي لااااازم انظف ويهي بتونيك"مزيل مكياج"يهيء البشره وخاصةً الدهنيه

وبعدها على طول البيس<<<مهم جداًً بالنسبه لي,فوايده:قابض للمسامات+يعطي ألق واضاءه+يثبت

المكياج

والسر اللي كل محترفات المكياج يسوونه قبل الاساس اوزع ستيك فونديشن رهييييب ياناس,هو

كونسيلر واساس مع بعض فيعطي تغطيه خياليه:eek:

بعدها عادي الاساس الكريمي"افتح بدرجتين"وفوقه كومباكت باودر بالطبطبه

واحد اسراري الكل يعرفه اضاءة الوجه بس طريقتي احط شدو بني فااااااتح على جوانب الأنف حتى

مايبين مصطنع واحط لمعه فالنص وامدها بخفه وصولاً للجبهه واوزعها بخفه تعطي اضاءه حللللوه

علشان تطلع رسمة الشدو حلوه لازم ارسم الحاجب بريشه دقيقه امررها في علبة الكونسيلر"لازم

يكون كونسيلر ثقيل حتى يخفي الشعر"وارسم الحاجب من تحت "خط فوق الشعر اللي ابي اخفيه"

واحط الكونسيلر عالشعر واحط فوقه لمعه براااقه بهالطريقه اكون اخفيت الشعر+ثبت اللمعه

واييب شدو بني غاااااامج وارسم مربع صغير بداية الحاجب وامليه وامرره داخل الحاجب علشان

يتناسق اللون

وفي سر صغيرون لوضع الروج احط اول شي كريم اساس على الشفايف وفوقه بودره بعدين احدد

الشفايف بمحدد"اكون مطريته بولاعه"

واحط الروج عادي وفوقه شدووو يطلع روووعه و يعطي مظهر مات ومخملي ويثبت لين آخر السهره

وخلاااااااااااص تعبت فديتكم بكمل بعدين:)

انطر تفاعلكم وردودكم الحلوه