اللي جربت السفر مع طفلها بلييييييييز تدخل

اختي مافهمت خايفة من شنو؟؟؟

وانتي شلون بتسافرين ؟ طيارة؟ سيارة؟

الاخت نوووور25 انا مسافره بالطائره والمسافه تقريبا تسع ساعات

خايفه يتعب ويتبهدل ويطفش ويطفشني


ومشكووووووووووووووووووره على مرورك

اختي ليش خايفة المشكلة الوحيدة بالسفر مع الاطفال هو السهر بالليل صعب انك تاخذينهم واذا خليته بالفندق صعبه بعد ....

انا اخذت بنتي في سفرة بس كانت وقتها سنه ونص تقريبا .... اذا معاك شخص ثالث ممكن يعتني فيها التعب بيكون اخف عليك

قولي لي وش اللي انت خايفة منه ... وانا برجع اكتب لك تجربتي

احلى عروسه جزاك الله خير على مرورك

اخده هم كل شي الطائره الطلعات كلكم عارفين السفر لفلفه من الصبح الى الساعه تسع تقريبا

والاهم تغير الجو على الولد

على فكره انا طالعه ماليزيا

وكليه الى ربك انا سافرت سوريا بالسيارة يعني 24 ساعة ومعي طفلين ابني سنتين وبنتي شهر واحد والله وكنت مضطرة للسفر وربك يسرها ما بيخلى الامر شوية متاعب بس كل شي بيرجع لوضعو
بس انتي اختي خذيلو لعبة مسلية يتسلى فيها تكون صغيرة ما تتغلبي فيها وكمان قصص ملونة تكون الصور اللي فيها يشرح معناها يعني بسيطة لعمر ابنك
وكم حبة بسكويت شوكلت يعني اعمليلو شنتة صغير لهيك اشياء بالسوق مليان منها هو ابنك يحملها صدقيني هيك بيتسلى شوي حرام والله السفر تعب على الكبار فما بالك الصغار الله يحفظلك هو يارب وتروحي وترجعي بالسلامة
دمتي بود اختك المشقية

الاخت الدمشقيه الف شكر على ردك :smile::smile:

واكيد كلامك صحيح المفروض اول شي التوكل على الله

المشكله ولدي لسه 6شهور عشين كده محتاره معاه

والله يحفظلك اطفالك

اختي انا باحكيلك تجربتي بالتفصيل .... طفلك يمكن لسى مامشى انا بنتي يوم سافرت كانت تبغى تمشي وتركض في المحلات وبهذله ... اول شيء رحلتي كانت العصر وعلشان كذا انا صحيت بنتي من الصبح بدري علشان تنام في الطيارة طول الرحلة طبعا ابنك صغير الافضل انك تجهزين رضعته وتعطينه اياه قبل الاقلاع ....

ثاني شيء انا اخذت رضاعات اللي ترمى بعد الاستعمال اخذتها من مذركير علشان افتك من تعقيم الرضاعات بالسفر واكيد بتاخذين عربيته معك يعني مافي مشكلة .....

في السفرية طبعا كنت اقوم والبس واخلص وبعدين اصحيها ولما نخلص نقوم ابوها وكنت احرص انها ماتنام علشان تنام العصرية في عربيتها بهالوقت نكون نتقهوى في احدى الاوتيلات ..... على فكرة بعض الفنادق توفر لك مربية بالساعة تابعه للفندق علشان ترافق الطفل ... انا جربتها بس والله قعدت على اعصابي لين رجعت بس فيه ناس كثير دائم يستخدمونهم

اهين اختي ا سافرت مع ابني والله بدون مبالغه كانت امتع سفره لي ولزوجي كان عمره سنه ولا يمشي بس والله راحه نفسيه من جد وربي سهلها صدقيني راح يتحمل ابوه جز من المسؤليه بس خذي اغراضه كلها معاك خاصه السيرلاك لاك بتحتاجينه كثير لانه مغذي ويشبع الطفل ذلك حليبه لا احتمال ماتلاقينه وخذي معاك عصير السعوديه جونير الي بالمانجا يحبونه الصغار كذلك خذي كيك الاكواب لوزين ترى الصغار يحبونه لانه خفيف ودايما اذا طلعتي خذي له بالشنطه هالاغراض وين ماتروحين لان اغلب الطاعم هناك فاست فود والاسي فود ومن جد راح تنبسطين ولا تفكرين بالنكد دايما قولي راح استانس اذا رحنا عائله كامله وبستانسين

احلى عروسه omdoody

مشكووووووووووره على تفاعلكم وردودكم

من جد والله ريحتوني

هلا حبيبتي ام سلطان
لاتخافي على ولدك الله الحافظ
لكن راح تتعبي معاه هناك لان المكان مايبي له طفل يمشي بالعربه لان فيها جبال وبحر وسوالف كذه
وان شاء الله تستمتعي بالرحله

الغاليه انا بخبرج اهم شي تسهرين ولج قبل السفر قد ماتقدرين وبترتاحين اول مابتركبين الطايره بيرقد انا اسوي ببنتي جذيه اكلها فالبيت واوديها عند عماتها يسهرونها ويلعبونها وتركب الطايره ترقد تقريبا طول الرحله وخذيله لعبه تسوي اصوات بس لاتراوينه اياها الا بالطايره عشان يشوفها يديده ويستكشف ازرارها وماعليه خليه يزعج الي بالطاايره واهم شي الحلويات عصير المانجا وتعرفيني المصاصات الفراوله هذي وايد تلهي اليهال ماعليه لو بيووصخ ثيابه انتي بتبدلين له عقب فالحمام فيه كرسي للتبديل للاطفال يكون عادة فوق المرحااض مسكر وانتي بكراامه000

طبعا بيعطوونكم سرير للصغير يوم بيقوم من الرقاد حاولي تيلسينه تحت لانه بتكونون جدام والمسااحه كبيره وحطيله لعبته

وصدقيني ولدج بيسليكم عن ملل الطايره
ولاتنسين العربانه اهم شي واذا عطيران الامارات واايد تمام لانه ياخذونها منج عند باب الطايره غير عن الطيارات الثانيه ويعطونج اياها يوم تطلعين عند باب الطايره بعد

يعني مثل ماقتلج ولدج 6 شهور يعني عادي حطيله بفكي او مصااصه فراوله صدقيني يلتهون فيهن

وانشالله اكون افدتج ولو بشي بسيط

باخبرك بتجربتي مع أبني..

سافرت معه الأردن وعمره 6 شهور، الزين فيه ماكان يتحرك ، طبعا ماتأذيت معاه، وأهلي كانوا معاي،، فكنت لما أطلع مع زوجي بالليل أخليه معاهم...

قبل لا يكمل السنة بأسبوع سافرت مع زوجي ماليزيا (طبعا ما أخذته) الكل قال لي بيبهدلك والمسافة طويلة،، ولما رحنا هناك وشفنا المواصلات و الأماكن وركبة ونزلة حمدت ربي أن ماجبته معاي كان هلكني وأحنه ماراح نستانس بالمرة، وكلها عشرة أيام ورجعنا..

بعدها بشهر (صار عمره سنة وكم أسبوع )أخذته الإمارات،، كان الأخ توه بادي يمشي،، هلكني، طلع روحي، طول السفرة وهو يبي يتجول بالطائرة،، كل مكان يبي يوصله ، وفي النهاية مرض وقضينا آخر كم يوم بالبيت..

ختام كلامي،، بما أنك رايحة ماليزيا،، الصراحة مانصحك تاخذينه طالما عندك حد يمسكه وواثقة فيه،، لأن المسافة بعيدة، وهناك بتضطرين تمشين وتتسوقين وماراح تاخذين راحتك،، بس إذا الظروف تجبرك تاخذينه معاك،، أخذي معاك ألعاب بعربته ولهاية إذا يستعملها،، والله يكون بعونك...

أنا جربت السفر مع ولدي أربع مرات كان أسهل واحد أولها كان عمره تقريباً ثامني أشهر وكان سفرنا على العمره بباص وكان السفر تقريباً 18 إلى 20 ساعة ... بس الحمد لله ما تعبني واااااايد وأخذت معي كل الأحتياطات وكل الأشياء الي يحتاج له في طريق ... وكا ن معظم الوقت نايم ... بس بعدها بسنة يعني كان عمره سنة وسبع شهر رحت مرة ثانية العمرة تعبي رغم أن أهلي معي إلا كان يتحرك بشي كبير ولا يحب يجلس في مكانه ... ولما رحت لسوريا وكان السفر في باص وتقريباً مدة السفر 36 ساعة مت معاه في الباص بصراحة متعب لأانه ما يحب يجلس في مكانه ... يعني البيبي إذا كان صغير قلت حركته وقل معاه التعب ... بس إذا كان كبير يزيد معاه التعب ...

السلام عليكم ورحمة الله وبركاته

الله يسهلك الرحله وتستمتعي فيها وما شاء الله الاخوات ما قصرو بالشرح
بس انا بحب انبهك على فكره
وهي ضغط الطائره على اذن الطفل
فعشان هيك ما تنسي تعطي رضعه حليب او ماء يعني اي شيء سائل اول ما تطلع الطائره
وكمان وحده تانيه اول ما تنزل الطائره علشان تخفف عليه الضغط الجوي
والله يوفقك وانشاء الله تروحي وترجعي بالسلامه :)

الله يعطيكم الف عافيه ومشكورين على تفاعلكم

الخوات ماقصرو
بس باقولج عن تجربتي معا بنتي وكان عمرها 6 شهور وكانت رحله من اروع الرحلات كنت رايحه لفينا وفي وقت اشتا والرحله مدة الرحله 7 ساعات ..
بس اهم شي تاخذين معاج دوا خافض للحراره وقطرات الانف الماي والملح وخلي كل الغيارات معاج والبسكويت والحلاوه المصاص والالعاب ..
وسفره موفقه ان شا الله ..

انا جربت السفر مع بنتي وكان عمرها سنة وكانت تمشي بس ما توقعت انها تكون جذيه في السفر والله ولا تعبتني طول الطريق كانت نايمة، وكنت اطلع معاها مشاوير ونستانس، بس انا كان معاي اهلي يعني صارت من يد لايد ما تعبت معاها كلش الكل سعادني عليها.

وترى فكرة رضاعات الاستعمال الواحد واجد احسن في الطريق

السلام عليكم ورحمة الله وبركاته

اهلين اختي ام سلطان

ان شاء الله تكون لج رحلة سهله وخفيفة عليج وتستمتعين فيها وتعجبج ماليزيا

توصلون بالسلامة وترجعون بالسلامة

حبيت اقولج رحلت ماليزيا تستغرق 6 ساعات وشوي بس
انا رحت ماليزيا وبنتي كان عمرها تقريبا 11 شهر

اول شئ سويته علشان بنتي ما تتبهدل في الطياره كانت الرحلة بالليل علشان ما يخترب عليها النوم

ثاني شئ لا تنسين تاخذين معاج في الطياره شنطة خفيفة فيها حليب واكل للبيبي وحفاظات وفوطة وتغير ملابس ودلة فيها ماء حار .

حاولي تلبسين البيبي ملابس ثقيله علشان برودة الطيارة .
لا تنسين اهم شئ عربانه خفيفة للبيبي

بالنسبة لي الاكل خذيت معاية حليب نودلز وعصاير على فكره الاكل هناك يختلف تماما عنا لان العيش مالهم غير كنت ماخذه عيش وعدس وشوربة بتسئليني كيف تتطبخين عادي بالفندق ماخذه معاية الطباخة وكنت وايد مرتاحة لاني اعرف الاكل نظيف اما بالنسبة للبامبرز عندهم كافور ممكن تحصلينه هناك.
على فكرة ماليزيا مش بارده جوها عادي في الدقيقة بتحصلين مطر وبثانية حر

واذا حابة تسئلين اكثر انا حاضره
تحياتي

هلا.. جربت السفر بولدي وعمره 9 شهور.. رحت العمرة.

رحنا في طائرة.. والحمدلله رغم انه كان شبعان نوم لأن رحلتنا كانت الصبح.. لكن بس عطيته صدري يرضع وقت اقلاع الرحلة نام ولا قعد الا على نهايتها..
هو اكيد لازم التعب.. بس اعملي كل احتياطاتك والبنات ما قصروا وذكروها..
فوق هذا كله شيلي كل الادوية معاج.. ولا تنسي تحملي له بطانية دافية لأن تعرفين الجو متقلب الحين..بين الصيف والشتا.. وحتى لوكان الجو حار وهو نائم لازم تغطيه ..

بس رحلتج الى ماليزيا اتوقع تختلف .. من جذي انصحج تاخذين القطعة اللي من مذركير .. تنلبس على الصدر وينحط فيها البيبي.. اتوقع بتكون اريح واكثر عملية لكم من عربة الطفل.. بس ما ادري الى كم شهر يمكن استخدامها..