السلام عليكم ............ تحية لكل العرايس
لما بديت اجهز لعرسي تسرعت بالاشياء اللي شريتها
اول شي كان مهري 5 الاف والفلوس اللي عطاني زوجي قبل العرس 50 الف درهم ....
اول غلطة سويتها اني فصلت فستان العرس باكثر من 18 الف درهم يعني هالممبلغ خرب الميزاينة كلها ........
الشي الثاني شريت اشياء ما لها داعي ... مثلا شريت تنورة قصيرة اوني بكشخ فيها جدام ريلي ولا لبستها ..........
الشي الثالث ما فصلت وايد جلابيات يعني تقريبا 3 مغرربي و4 مخور ... قليل بالنسبة لوحدة عروس
شريت قمصان معظمها كم قصير او بدون كم وهذا ما قدرت البسه الا تحت العباية ........
الشي الاخير اني شريت عباية مع شيلة طقم واحد بس عجبتني بالبداية بس بعدين كرهتها وما لبستها الا مرة وحدة
تدرون ما كفتني البيزات والحمدلله اني كنت موظفة وحطيت زيادة من عندي
نصيحتي لكل عروس لا تصرفين البيزات في اشياء ما لها معني خصوصا اذا كانت الفلوس شوي
اشتري اشياء تقدرين تلبسينها .... ولا تستعيلين فكري عدل قبل ما تشترين اي شي
اما الاشياء اللي استفدت منها ...
شريت مكياج حق سنة .. مر على زواجي اكثر من سنة ونص والحمدلله المكياج للحين عندي واستخدمه
شريت طقم الماس صغير وطقم ذهب الحمدلله البسه واستفدت منه
شريت فستانين للسهرة لبستهم اكثر من مرة وللحين اروم البسه
اخطائي لما جهزت لعرسي
S
21-03-2006 | 08:26 PM
M
21-03-2006 | 09:16 PM
مشكووووووووووووووره و صراحه نصايح مهمه
انا في بدايه تجهيزي استعيلت و خذت اشياء بصراحه مش حابتنها وايد الحين .. بس احاول اختار اكثر الحين
شمرا
انا في بدايه تجهيزي استعيلت و خذت اشياء بصراحه مش حابتنها وايد الحين .. بس احاول اختار اكثر الحين
شمرا
ا
22-03-2006 | 07:51 AM
يسلموووووو
ف
22-03-2006 | 07:55 AM
يعطيج العافيه اختي ......... و منكم نستفيد:cool2:
s
22-03-2006 | 08:07 AM
يعطيج العافية اختي .... كلامج صحيح .... في الزهبة الوحدة ما تفكر عدل .. تشتري كل اللي اتطيح عينها عليه خاصة اذا شي عايبنها حتى لو ما تستفيد منه تباه ....
d
22-03-2006 | 02:38 PM
شكرا لمشاركتنا تجربتك..
رح انتبه لهذه الشغلات...
وبالتوفيق في حياتك ...
رح انتبه لهذه الشغلات...
وبالتوفيق في حياتك ...
ب
22-03-2006 | 05:51 PM
السلام عليكم
بارك الله فيك اختي على هذه النصائح
اعتقد انها تفيد كل العرايس بانه يستفيدوا منها
ويتجنبوا هذه الاخطاء
مشكورة اختي وجزاك الله خيرا
تحياتي
بغدادية
بارك الله فيك اختي على هذه النصائح
اعتقد انها تفيد كل العرايس بانه يستفيدوا منها
ويتجنبوا هذه الاخطاء
مشكورة اختي وجزاك الله خيرا
تحياتي
بغدادية
&
22-03-2006 | 09:46 PM
مشكوره عزيزتي على النصايح... ومنكم نستفيد
ل
23-03-2006 | 09:54 AM
مشكوره حبيبتي على النصايح الحلوه
بس ودي اسألج بالنسبه للمكياج شو اللي اشتريتيه وايش اللي ماله داعي تكثرين منه وايد
بس ودي اسألج بالنسبه للمكياج شو اللي اشتريتيه وايش اللي ماله داعي تكثرين منه وايد
ص
23-03-2006 | 10:39 AM
ماتكلمتي عن عالعطور!!!!!
مشكووووووره على النصايح
مشكووووووره على النصايح
ا
23-03-2006 | 10:52 AM
يسلموووا عالنصايح
بس الفساتين واسعارهم محد يتكلم فيهم
لانه للاسف المصمم هو الي يحدد ميزانية الفستان
وخصوصاً إذا كانوا اهل المعرس ما تعرفينهم
والناس الي راح تحضر لش من مستوى راقي في البلد
***
اما العباية فبلا شك انه العروس اول ما تفصل تفصل عباية ستايلها جديد وتوها نازلة بالاسواق
بس لازم تخليها للطلعات الحلوة بالليل او المساء
وتفصل عباية ثانية عملية
***
وانــا اقول انه مب كل شي تشترية العروس قبل الزواج
شوي قبل وشوي بعدين
ويسلمووووا ياقلبي عالنصايح استفدنــا منها واااااايد
بس الفساتين واسعارهم محد يتكلم فيهم
لانه للاسف المصمم هو الي يحدد ميزانية الفستان
وخصوصاً إذا كانوا اهل المعرس ما تعرفينهم
والناس الي راح تحضر لش من مستوى راقي في البلد
***
اما العباية فبلا شك انه العروس اول ما تفصل تفصل عباية ستايلها جديد وتوها نازلة بالاسواق
بس لازم تخليها للطلعات الحلوة بالليل او المساء
وتفصل عباية ثانية عملية
***
وانــا اقول انه مب كل شي تشترية العروس قبل الزواج
شوي قبل وشوي بعدين
ويسلمووووا ياقلبي عالنصايح استفدنــا منها واااااايد
S
23-03-2006 | 10:17 PM
هلا وغلا بكل اللي قروا الموضوع وشاركوا بالرد ........
العطور شريت منها تقريبا 4 او 5 عطور فرنسية وزوجي كان جايبلي هدية عطور عربية من اجمل ... يعني ما تحسفت على العطور لاني استخدمتها لحد ما خلصت
اما بالنسبة للمكياج ... اخذت كريم اساس واحد وبودرة وحدة وشوية روج من اللون الوردي والبني واخذت غلوس واحد وعلب صغيرة من الشدو ولون واحد بلشر ....
واخذت علبة كبيرة من المكياج ماركة Javico فيها الوان شدو وايد بدرجاتها مع البلشر بالوان مختلفة وللحين عندي ما خلص ....
العطور شريت منها تقريبا 4 او 5 عطور فرنسية وزوجي كان جايبلي هدية عطور عربية من اجمل ... يعني ما تحسفت على العطور لاني استخدمتها لحد ما خلصت
اما بالنسبة للمكياج ... اخذت كريم اساس واحد وبودرة وحدة وشوية روج من اللون الوردي والبني واخذت غلوس واحد وعلب صغيرة من الشدو ولون واحد بلشر ....
واخذت علبة كبيرة من المكياج ماركة Javico فيها الوان شدو وايد بدرجاتها مع البلشر بالوان مختلفة وللحين عندي ما خلص ....
ط
23-03-2006 | 11:54 PM
السلام عليكم يا بنات ..
حبيت أشارككم في الموضوع ..
مهري كان 80 ألف .. و تخبلت خبال و سويت فستاني ب 30 ألف .. بس قاللي المصمم بعرضه للبيع عقب العرس و يمكن إييب لج 20 ألف .. و أنا متعشمه خير .. يا رب ينباع بهالقيمه يارب ..
سويت لي تقريبا 7 مخاوير على مستويات .. يعني شي بسيط و شي راهي .. و ما قصروا أهل زوجي يابو لي 3 مغربيات .. و أعتقد كفايه لين عقب العرس ..
على العطورات .. بعد ما قصروا .. يابولي كم مجموعة عطورات .. و يابو لي عود معطر و دخون و دهن عود و مخلط .. بس أنا الخبلة اشتريت عود و دخون قبل الملجه .. لأني ما أدري شو بييبولي ..
بس خذت شغله و أنصح كل العرايس ياخذونها .. فيه عطر عند عبدالصمد القرشي إسمه مسك العروس .. تحطه على جسمها .. الشي الغريب فيه إنه الوحده يوم تعرق تطلع ريحته أكثر ..
أنا عيبني و خذت منه تولتين ..
قمصان النوم و الملابس الداخليه .. زوجي طلب مني إني أهتم فيها أكثر .. و أعتقد إنه العروس لازم تهتم أكثر شي بالملابس اللي تلبسها جدام الزوج .. مب جدام الناس .. و خذت من عدة أماكن و صارت لي خبره ..
الشلح النص و الكامله .. حصلت نفس اللي يبيعونه في ماري كلير في الشارجه .. و طبعا أرخص ..
اليوم سرت مول الإمارات و خذت لي نعول عزكم الله .. حسيت إنهم يايبين نعول وايده ..
و عن العبي و الشيل .. سرت ماي فير ليدي من كمن يوم و خذت عنده كمن شيله .. مسوي تنزيلات حق عيد الأم .. و سرت بعد عند مها خان .. و عندها تشكيلة عبي وايد روعة ..
يمكن صرفت من مهري وايد .. بس قلت إلكم إني تخبلت .. و أظن كل وحده تتزهب بعد تتخبل شراتي ..
عموما .. أنا ساعدت زوجي من مهري .. لأنه والله ما قصر ويايه هوه و أهله .. يايبيلي كل شي من الزين .. و الحمد لله تفاهمنا أنا وياه على أشياء عليه و أشياء عليه هوه .. و الله إييسر الأمور يا رب ...
أتمنى من كل بنيه تدعيلي .. و إن شاء الله كل اللي مب معرسات يعرسن .. و يتخبلن مثلي ..
و بالتوفيق للجميع
حبيت أشارككم في الموضوع ..
مهري كان 80 ألف .. و تخبلت خبال و سويت فستاني ب 30 ألف .. بس قاللي المصمم بعرضه للبيع عقب العرس و يمكن إييب لج 20 ألف .. و أنا متعشمه خير .. يا رب ينباع بهالقيمه يارب ..
سويت لي تقريبا 7 مخاوير على مستويات .. يعني شي بسيط و شي راهي .. و ما قصروا أهل زوجي يابو لي 3 مغربيات .. و أعتقد كفايه لين عقب العرس ..
على العطورات .. بعد ما قصروا .. يابولي كم مجموعة عطورات .. و يابو لي عود معطر و دخون و دهن عود و مخلط .. بس أنا الخبلة اشتريت عود و دخون قبل الملجه .. لأني ما أدري شو بييبولي ..
بس خذت شغله و أنصح كل العرايس ياخذونها .. فيه عطر عند عبدالصمد القرشي إسمه مسك العروس .. تحطه على جسمها .. الشي الغريب فيه إنه الوحده يوم تعرق تطلع ريحته أكثر ..
أنا عيبني و خذت منه تولتين ..
قمصان النوم و الملابس الداخليه .. زوجي طلب مني إني أهتم فيها أكثر .. و أعتقد إنه العروس لازم تهتم أكثر شي بالملابس اللي تلبسها جدام الزوج .. مب جدام الناس .. و خذت من عدة أماكن و صارت لي خبره ..
الشلح النص و الكامله .. حصلت نفس اللي يبيعونه في ماري كلير في الشارجه .. و طبعا أرخص ..
اليوم سرت مول الإمارات و خذت لي نعول عزكم الله .. حسيت إنهم يايبين نعول وايده ..
و عن العبي و الشيل .. سرت ماي فير ليدي من كمن يوم و خذت عنده كمن شيله .. مسوي تنزيلات حق عيد الأم .. و سرت بعد عند مها خان .. و عندها تشكيلة عبي وايد روعة ..
يمكن صرفت من مهري وايد .. بس قلت إلكم إني تخبلت .. و أظن كل وحده تتزهب بعد تتخبل شراتي ..
عموما .. أنا ساعدت زوجي من مهري .. لأنه والله ما قصر ويايه هوه و أهله .. يايبيلي كل شي من الزين .. و الحمد لله تفاهمنا أنا وياه على أشياء عليه و أشياء عليه هوه .. و الله إييسر الأمور يا رب ...
أتمنى من كل بنيه تدعيلي .. و إن شاء الله كل اللي مب معرسات يعرسن .. و يتخبلن مثلي ..
و بالتوفيق للجميع
أ
24-03-2006 | 01:08 AM
الله يوفقج عزيزتي طاغي الزين
ومنكم نستفيد
:flower::flower:
ومنكم نستفيد
:flower::flower:
n
24-03-2006 | 01:14 AM
مشكورين على النصايح بس في سؤال شنهي الجلابية المخور شلون شكلها
ا
24-03-2006 | 11:38 AM
مشكووووووووووووووره و صراحه نصايح مهمه
S
25-03-2006 | 12:06 AM
الاخت الغالية (طاغي الزين) مبروك عليج المهر وكل تجهيزاتج ....... والله يهنيج ..... بس عن جد الوحدة تتحسف على فستان العرس لازم ما يكلف وايد بس الاهم انه يكون حلو وراقي بغض النظر عن السعر لانه بتلبسه البنت ليلة وحدة ....