يا ريت تقولولي شو اسوي.. دخيلكم؟؟

اشحالكم عساكم بخير كلكم....
اليوم اتمنى انكم تساعدوني في مشكلتي
انا الحين مخطوبه ولا مره كلمت زوجي
صح اني كنت اتمنى اني اكلمهم واسولف وياه واتعرف اخباره بس ما باليد حيله
ومو انا اللي لازم ابدا البدايه لازم تكون منه
فتقبلت الامر غصبن عني وقلت مب انا اللي بروحي ما تكلم كل بنات العايله ما يكلمون رجاجيلهم
الا ان سمعت من بنت عمي اللي هي مرت أخوه
أنهم يكلمون بعض ومستانسين
انا هني حز في خاطري وقلت ليش احنا مو نفسهم وانا اللي كنت اتمنى يصير لي مثل ما صارلها
هني اتضايقت حدي من شو ما اعرف؟؟ اللي اعرفه اني قعدت عند صديقتي وجلست ابكي
حليلها ما اهدا اللي بين ايديها
وراحت تهدي فيه وتقولي صح ان فترة الخطوبه احلى مراحل العمر
بس ان شاء الله تعوضين بعد ما تعرسين وتكلمينه ويكلمج
بس اخر شي طلعتلي بفكره
هو قبل اسبوعين عطا اخته ورده عشان تعطينياها
وسالتني اخته وقتها انها شو ترد عليه؟؟ قلتلها لا تقوليله شي قوليله انها ما تكلمت واستحت بس
الحين صديقتي تقولي طرشيله مسج قوليله بس (مشكووور على الورده)
انا هني عجبتني السالفه
قعدت اقلبها يمين شمال فوق تحت لكن للحين انا متردده
ما ادري اخاف ياخذ عني انطباع مو زين لاني انا ببدا بالرسايل
بس والله هذي فرصه ما تتعوض لاني عارفه اذا ضيعتها بتحسف طول عمري لاني ما عشت مرحلة الخطوبة مثل اي بنت
فما ادري اباكم تنصحوني شو اسوي اطيع شور صديقتي والا لا
بليـــــــــــــــــــــــــــــــــــــــــــــــــــــــــــــــــــــــــــــــــــــــــــــــــز
ردوااا عليه