أنا تعباااااااااااااااااانة وحالتي تعيسة حدها؟؟؟

الله يوفقك ان شاء الله بوظيفة حلوة


بس انتي لا تيأسي و اعلمي ان الرزق بيد الله و سيأتي لك بميعاد

توكلي على الله و هو حسبك

الله يكون في عونك حبيبتي، لا تضيقين صدرك، شوفي اذا جاتك اي وظيفه ان شاء الله براتب مره قليل ، اقبلي، عشان تصير عند خبره، روحي للمعاهد و المدراس و كل مكان، حتى لو بالساعات، اقبليها و لو ان شاء الله دوامين، تحملي عشان الخبره

ما راح انساك من الدعاء

الله يعينك اختي و يصبرك
و ان شاء الله تلاقين الوظيفه باقرب وقت

أختي طير البحرين

اصبري والصبر مفتاح الفرج وكل واحد ما ياخذ الا رزقه

وكل تأخيره فيها خير

واللحين مسوين مشروع التوظيف ان شاء الله تحصلين لج وظيفه تناسبج

والله يوفقج ويسهل أمورج

أختج الصبوره

اختي..

لاتكدرين خاطرك الله ربي كاتبه لك بيصير بس انتي لاتستسلمي ودوري بكل مكان وبأذن الله بتلقين والين تلقين حاولي تسوين

مشروع صغير لنفسك مثلا تبيعين اشياء لصديقاتك وجاراتك او اعمال يدويه تسوينها انتي وبيعيها او مأكولات

الله يوفقك ويفتح لك كل ابواب الرزق


لك خالص الود والدعوات

اختي الغاليه
تراني مثلك من زمان وانا ادرور على وظيفه
ارجوج انج دايما تدعين الله وصلي على الرسول واقرئي سورة يس والواقعه بنية الحصول على وظيفة
وقدمي على المشروع الوطني للتوظيف
بنت خالي عندكم بالبحرين فعندي فكره
كل الوزارات
اذا في مكاتب توظيف
وعلى فكره روحتك للمقابله مكسب لك، تاخذين فكره
علشان تنجحين بالمقابله صديقتي تقول قبل لا تروحين خذي فكره عن المكان من خلال النت مثلا
بعدين راجعي الأمور الأساسيه بتخصصك لأن اكيد راح تنسألين فيها
كوني واثق من نفسك
بعدين مثل ما قلت لك ادعي الله باسمه الأعظم الأحد الصمد الحي القيوم
ربي يفرج همك

شكرا لكم جميييييييييعا ،

بالعكس انا كنت ارضا بأي وظيفة وتوظفت مرتين بس دوااااااااامين ومتعب ولأن حالتي الصحية ماتسمح بالدوامين عارفين معاي فقر دم يعني اشوي صعبة علي دوامين بس هذا الله كابت حقي يالله الحمد الله على كل شيء امس فكرت في نفسي قلت يعني شنو ماحصلت وظيفة بموت لاء اكيد لأن الله ماخلق الإنسان إلا معاها رزقه، بالعكس انا خاطري اشتغل مو لنفسي لاااااااااء بس خاطري اشتغل عشان خاطر ابوي عشان اساعده واساعد امي لأن والله تعبوا معاي وهم ساعدوني في الدراسة ووقفوا وياي حتى ابوي دائما يقولي لا تحزني اصبري الله راح يفرجها لازم يوم من الأيام بتنفرج بس ساعات احس اني في ضيق اقول يمكن انا مذنبة والله مو راضي علي او شيء ثاني بس استغفر ربي على طوووووول لأني ادري حتى لو انا مذنبة الله ارحم الراحمين.

على العموم شكرا على المشاركة معاي وقفتي يمي في محنتي والله يوفقكم ياااااااااارب كلكم. وان شاء الله الله يجمعنا كلنا في الجنة يارب العالمين.

السلام عليكم و رحمة الله و بركاته

حبيبتي طير البحرين انتي مو بروحج بهالوضع .. الكثيرات مثلج و انا وحده منهم
ليش اتضايقين نفسج ؟ انتي قاعده بالبيت عند أهلج الحمدلله مو اتقولين بغربة ولا وحيده مالج أحد لا بالعكس الحمدلله رب العالمين الكل معاج

شوفي يالغالية ونسي نفسج بهالفترة .. انا مثلج و بكمل سنة من تخرجت و انا بالبيت و كنت دايما اتشكى من الملل و ضيقة الخلق لكني مع الوقت بديت أشغل نفسي و أقعد مع اليهال ولا مرات أطلع و لا أزور الأهل و اذا ما توافرت كل هالأشياء تدرين شنو أسوي ؟ أشغل نفسي بالمنتدى و كاني شوف عينج من كثر ما قعدت فيه صرت مشرفة ههههههههه و الله البنات اهني يهبلون كل ما حسيتي بضيقة تعالي قعدي معانا

حبيبة قلبي حالتج ماهي صعبة و لا محتاجة هالكآبة هذي كلها .. ربنا كريم و ما ينسى أحد و بقولج مثل ما الكل قالي : انتي الحين بنعمة ما راح اتحسين بقيمتها الا لما تشتغلين .. استغلي هالفترة و تقربي من الله سبحانه و تعالى و اشغلي وقت فراغج و قوي علاقاتج الاجتماعيه و بعدها بييج الشغل و بتقولين اووووه مالي خلق أشتغل :)

لا تشلين هم...ان شاء الله ربنا يفرجها علينا وانا مثلج.. لكن من اربع سنوات..متخرجه

ولم اوفق في عمل لاحد العين

والله يعينا...حاولي تاخذين دورات..لاحد الله ما يفرجها

هاااااااااااااااااااااااااااااااااااااااااااااااااااي حبيت اقوللك ان مشكلتك هي مش الوظيفه مشكلتك التشاؤم انصحك باالتفاؤل دائما وتشوفين كل شي حلو وثقي بالله ونصيحتي لا تنضر ين للي توظفو انظري الى من هم دونك وقولي الحمد لله رب العالمين على النعمه وارضي بالقليل وسيبارك للك فيه والثناء والحمد يزيد النعمه يعني تحتاجين في يومك الى10الحمدلله و5 اكواب من التفاؤل 5ملاعق من الصبر 100كوب من القناعه والرضى وبالشفاء العاجل جربي وادعي لي وشكرررررررررا

الحال من بعضه اختي أنا صار لي تقريباً سنتين من تخرجت وللحين قاعدة في البيت ما توظفت،، حالياً عندي امل كبير في مشروع التوظيف ما ادري قدمتين فيه لو لا ؟؟ إن شاء الله يتحقق الوعد ونتوظف في وظايف مناسبة.
أنا مثلج احس اني محتاجة للوظيفة مو علشان نفسي بس ،، علشان اساعد خطيبي بعد لأن على قده ومحتاجين ان نتساعد علشان نقدر نعيش ،، أنا اول ما تخرجت كنت استسلم لحالات الملل و الكآبة و الحين رغم ان تمر عليي هالحالة أحياناً بس ما اخليها تسيطر علي لأن مو هذا الحل السليم لازم انا اسيطر عليها وما استسلم. وفي النهاية اختي كل شي بيد رب العالمين ولاتقنطوا من رحمة الله،، وإذا لنا رزق راح نحصله في وقته بإذن الله.

الله يرزقك بالوظيفه ان شاء الله

بس نصيحه من اخت لأختها

عليك بالأستغفار صدقيني ربي ان شاء الله بيعوضك وبيرزقك بأذن الله الواحد الاحد

وصلي صلاة الليل اقسم بالله بترتاحين وبتتسهل امورك بقدرة قادر

والله يوفقك يارب

اشركم جزيييييييلا من كل قلبي فعلا التشاؤوم بدأ يسطير علي احيانا لكن يالله انا متفائلة في نفس الوقت هههههههههه غريبة مو بس الحمد الله ساعات اشوف نفسي مالي معنى قاعدة في البيت لا شغلة ولا شيء افكر ادرس بس تعرفوون اشوي يبي ليها مصرف ولله الحمد

على فكرة انا سجلت في هالمشروووووووع للحين ماشفنا خبره الله يستر؟؟؟؟ بس ربنا كريم ويرزق من يشاء بغير حساب.. وتسلمون يارب على وقفتكم معاي.

حبيبتي طير البحرين... انا كنت مثلج ظليت سنة من تخرجت اول اللعام اشتغل شغلة ثانوي عام وبدوامين واشتغلت مكانين نفس الحالة شهرين واطلع وتحسن بقهر وظلم...بس صدقيني الواحد مهما سوا ما ياخد الا نصيبه...انا توسطوا لي شكثر اوادم وعند مراكز وشخصيات معروفة عندنا بالبحرين وكنت اروح مقابلات بس ما كانو نصيبي اخر شي بعد سنة الله اكرمني واشتغلت شغلة تناسب تخصصي من غير واسطة احد..عن طريق الارشاد الوظيفي بالجامعة...
الله يوفقج وادعي وانذري راح تجوفين الخير

طبعا القرب من الله اهم شي في تيسير الاوضاع

بس في بعد خطوات اضافيه لازم تسوينها


الناس اللي انتي سويتي معاهم مقابله خليج على اتصال معاهم

حاولين توسعين رقعة علاقاتج مع الناس لا تنعزلين


لان كل ماكثرت العلاقات بين الناس موضوع تيسر

كل ماتتعرفين على ناس جدد قولي انا متخرجه من سنه وادور وظيفه مناسبه

لاتشتكين دايما قدام حد انج ماحصلتي وظيفه .. لان يمكن تحطين في بال اللي يسمعج انج متشائمه او اكيد في شي سلبي فيج عشان جذيه مالقيتي وظيفه

افتحي مواقع الانترنت الاجنبيه واقري استراتيجات المقابله الناجحه

سوي سيره ذاتيه باللغه الانجليزيه ولا تسوينها بالعربي

لان بالانجليزي في مجالات تقدرين تكتبين فيها زياده ولا تسوين بالعربي الا اذا طلب منج

ضيفي في السيره الذاتيه نشاطاتج اللي سويتيها على ايام الجامعه ترا لها معاني كثيره في مجال شخصيتج

ولا تكتبتين في السيره هواياتج انج مثلا تحبين ركوب الخيل لان هذا القسم من السيره الذاتيه مثل اختبار لميولج هل بيخدم الموسسه ولالا
مثلا اكتبي احب قراءه الكتب السياسيه او تصميم خلفيات الالقاء الشفهي وغيره وغيره

يوم بتسيرين تقدمين السي في تاكدي انج تسلمينها يد بيد لمدير او سكرتير الموارد البشريه مش في الاستقبال

وحطي السيره الذاتيه في ظرف مكتوب عليها اسم المدير اللي في الموارد البشريه عشان اذا ماقدرتي تسلمينها يد بيد لمدير الموارد البشريه يكون في ظرف باسمه فيه السيره الذاتيه .. يعني اسالي عن كل موسسه بالتلفون من المسوول او من المدير الخاص بالتوظيف على اساس تحطين اسمه ,,, طبعا بتشدين انتباه المدير او موظف
الموارد البشريه



وان شاء الله اني افدتج



مع التحية

طير البحرين

انا معك ومقدرة شعورك

بس دائما اعلمي وتأكدي كل شي له حكمة بالحياة

وكل تأخيرة فيها خيرة

انا لومنك اروح ارز وجهي عندك المدراء الكبار واقول لهم انا ادري ان ما عندكم شاغر لي بس انا جاية اتطوع بالعمل عندكم هم اساعد وهم آخذ خبرة والحين الصيف جاي والناس كلها إجازات استغلي الفرصة على ان يعطيك ورقة مختومة بأنك عملتي لديهم كذا ..... وثبتي نفسك وخليهم يعتمدون عليك لين تصيرين ملة بالعمل واكيد الله ما يضيع من احسن عملا"

بس قولي ان شاء الله

وتوكلي عليه

شكرا لك الي ردواااااااااااااا بدون ذكر اسماء سامحوني على العموم مشكرووووووورين جميعا...

عذبة القوافي شكرا حبيبتي لأنج لفتي انتباهي صح ليش ماروح ارز وجهي عند المدراء واقول ليهم انا مستعدة اشتغل عندكم واكسب خبرة من شركة كمساعدة حتى لو بدون راتب واكيد هم بعدين بيشوفوني اني مجدة في العمل واني مثابرة لازم بيآخذوني....

وكلي امورج كلها على الله ,, وخصوصا اذا انتي كنتي بحرينية الله يساعدج الشغلات هناك اذا ما عندك واسطة ما تتوظف .
بس الله كريم ,, وان شاء الله بيفرجها لج ,, واحمدي ربج انج بنية وما عندج عيال ..
اخوي عنده ياهل ومتزوج ومعاشه بس 150 دينار ..
ما نقدر نقول الا الله كريم :)
وعيني من الله خير ولا تياسين ما بعد الشدة والضيق الا الفرج ان شاء الله :)

Smart Spirit

شكرا حبيبتي ماتقصرين والله يوسع عليكم يارب بوسعه الكريم ويرزقكم من حيث لا تحسبوووووون ان شا ءالله العلي القدير...