مشرفتكم شريفة .. تبيكم معاها تشجعونها وتعطونها افكاركم ...

هلا وغلا اختي

انا اشوف انك ماتقطعين العشا بس كلي فاكهه او لبن خالي الدسم

خلي اكثر اكل مشوي ومسلوق بدون دهون

كثري من السلطه خليها كل يوم وحاولي تحطين فيها فجل وبصل وفلفل رومي لانها تشبعك وتفيدك

اشربي شاهي اخضر بالنعناع مره حلو خذيه بعد الوجبات

بدلي السكر العادي بالسكر الجديد تلقينه بالصيدليه لونه اصفر يحتوي على 6 سعرات حراريه بس

امممم وش بعد وش بعد

امشي اقل شي ربع ساعه باليوم

لاتقعدين كثر يعني مثلاً لو عندك كوي ملابس بالبيت اكويها وانتي واقفه وانتي تكلمين بالتلفون تكلمي وانتي واقفه حاولي توقفين

اكثر من انك تقعدي

اممممممممممم ايه صح لازم تجيبي ميزان بالبيت بس يكون ميزان رقمي يعني 4 ارقام لانه بيشجعك زياده


اممممممممم اذا تذكرت شي برجع لك وانتي اذا بغيتي اي استفسار اسألي:)

الله يوفقك دايم

اختك..

الله يوفقج ان شاء الله وتوصلين للوزن الي تبينه ....... اانا بعد مااشجع انج تكنسلين العشاء من وجباتج لانج اخر اليل بتجوعي وبتخمي الاكو والماكو يعني بترد عليج بنتيجه سلبيه (هذا الي صار لي اليوم خخخخ) فالافضل انج تتعشين خفايف مثل سندوويش خبز بر مع جبنه قلليه الدسم وسلطه او روب مع خيار يعني شوفي لج اي شئ خفيف عالمعده مايثقلها وبنفس الوقت مو دسم ......... والله يوفقنا كلنا ان شاء الله ونحقق الي نبيه ..........

تحياتي ........ ولاء علي

مشرفتنا العزيزة
انا اضم صوتي مع البنات بالنسبة لوجبة العشاء لا تلغيها خليها فاكهة او علبة رووب واضيفي عليها ملعقة شمر مطحونة تساعد في شد الجسم وكثر ي من المشي والحركة حتي لو في صالة البيت
وبلتوفيق ان شاء الله وتوصلين للوزن اللي تبينه

هلا بمشرفتنا الغالية

انا انصحج نصيحه لاتلغين وجبه العشا .. بس لاتتعشين بعد الساعه 7 .. يعني خلي بطنج فاضي من الساعه 7 ولاتاكلين شي

وان شاءالله راح يفيدج

وامشي كل يوم نص ساعه على الاقل ابتدي بربع ساعه وبعدين خلي المده تطول لين نص ساعه ..

وسوي تمرين خفيف كلش مابياخذ منج وقت حتى وانتي تشوفين التلفزيون سوي تمرين شد البطن 50 مرة في البداية لين

تتعودين بتصيرين تسوينه 100 مرة .. وايد مفيد ..

والله الموفق

اول شكرا لكم جزيلا اخواتي على المرور الكريم وعلى ارائكم
المفيده لي

وبخصوص وجبة العشاء انا ارجع من الدوام الظهر وما اتغدى الا على الساعة 3 العصر فاكون شبعانه
وانا كنت ناويه اني ما اكل شي من الساعة 6 المغرب خلاص ينتهي الدوام :) مافي اكل
بس اكون شبعانه وما اشتهي اكل شي قبل الساعة 6

واليوم لي ثالث يوم على اني قاطعة العشا صج انها معاناة واحس بالجوع
بس مقاومه والصبح الفطور عادي
والغداء عادي وبس

بس والله صارلي الحين ثلاث ايام بس مامشيت ولا مره
ماكان عندي وقت اني امشي


وانشالله راح استمر وادعولي

وراح اقولكم باخر النتائج


دمتم سالمين
اختكم شريفة

اختي ..,...جسمج معتمد على وجبه الغداء ...,, (ما عندي فكره عن وجبه الفطور اذا منتظمه عليها) فاذا عودتيه على هذا النظام ..,, ف مستحيل ينصرف الغداااا من جسمج وبيتم مخزن فيه ....,, وهذا بيزيد الطين بله ..,, وانتي وحظج مع جسمج ممكن تستوي رده فعل غلط ويزيد وزنج ضعف وزنج الحالي ..,, أو انه يضعف بس بطريقه غير صحيحه ..,, وبتظرج ..

ف لو تشوفين اخصائيه تغذيه يكون افضل لج ولصحتج يا اختي ...,,ومعاه اتداومين فمركز للرشاقه او تشترين دي في دي رياضه واتمارسينها قبل وجبه العشه او اي وقت يكون مناسب لج ....,,,

اختي الوفا عنواني

يعني الحين انا بعد ماقطعت وجبة العشاء وتكون معدتي فاضيه وتبدأ عملية الاحتراق من المخزون الزايد في الدهون الزائده في الجسم
ما اعتقد انه راح تكون ردت الفعل عكسية يعني ما اتوقع راح يزيد وزني
وانا ماراح استعجل راح انطر واشوف النتائج وانشالله راح اقولكم كل شي بوقته

والحمدلله لحد الحين انا ماشية عدل وانشالله استمر
بس ضروري ضروري امارس رياضة المشي


دمتم سالمين
اختكم شريفة

فعلا اختي شريفه .... الجسم اذا ما وصلت ((المعونه)) بانتظام بيحسب انه مقبل على مجاعة وبيتمسك بمخزونه من الدهون!!!!!

يعني اهم شي بالريجيم هو تعدد الوجبات يعني مثلا خمس وجبات بس عاد لازم تكون معقوله يعني ثلاث وجبات رئيسيه ووجبتين

على الخفيف مثلا حبة فاكهه صغيره...

عشان يكون الجسم في حالة استقرار ويتخلص من الدهن المخزون!!

الــــــــــــيــــــــــــــــــوم الخــــــــــــــــــــامس

اخواتي اليوم هو اليوم الخامس لي وانا قاطعة العشاء

لا

للعــــــــشـــــــــــــــــــاء


وانشالله راح اقولكم النتائج بس انا ناطره اسبوع وراح اشوف الوزن شصار عليه
وكم نزل ...؟


وانا مشيت على الحركة هذه لان الكثير من الناس من اتبع هذه الطريقة وفعلا خف وزنهم
ومنهم اوبرا

انخفض وزنها كثيرا

وانشالله الفال لي واصير احسن من اوبرا

:)


دمتم سالمين
اختكم شريفة

الله يوفقج شروووفه وتوصلين للوزن اللي تبينه
وانا بعد قاعد اسوي رجيم ادعيلي:dd:
وانا ناطره يخلص اسبوعج ابي اشوف جم نزلتي

وبشجعج

تحياتي

مرحبا اختي جربي تشربين الشوربة الحارقه للدهون دخليها ضمن برنامجك الغذائي وبالتوفيق يا ربي

صباح الخير

اليوم الثامن من بديت الانقطاع عن وجبة العشاء

من الصبح الحين قعدت من النوم واخذت لي شاور
ووزنت

نزل وزني

2 كيلووووووووووو


ونااااااااااااااااسه اليوم نشاط وحيويه وشعور بالفخر

وانشالله بعد اكثر واكثر

باركووووووووولي

:)


دمتم سالمين
اختكم شريفة

الف الف مبرووووووووووووووووووك ،، وانشألله توصلين للي في بالك ياااااارب ،،

الف الف مبروووك شريفه
وعقبال باجي الوزن وانتي بصحه وعافيه

الله كريم انشالله اصل الى الوزن المثالي
بس الطريق امامي
طويل
هل هناك من يشجعني ويتبع معي النظام الغذائي ...؟


دمتم سالمين
اختكم شريفة

اليوم صارلي
18 يوم وانا قاطعة العشااااااااااء بس لحد الحين ماشفت كم صار وزني

بس ابي تشجيعكم اخواتي العزيزات

دمتم سالمين
اختكم شريفة

والله يالغالية انة افضل شي ماتتعشين

والله هدا الكلام من زمان ماما تقولي علية وانا اطنش

وحتى من قريب شفت سلفتي مرررررة نحفت عن الاول

والله قالتلي انها ماتتعشى

استمري وربي انشالله يكون معاك ومن ثم بنات المنتدى يشجعونك

وتلراني راح اسوي زيك

مشكوره اختي هتووم على التشجيع
وعلى الكلام الحلو
وعطيتيني دافع على اللي تعرفينها
شلون ضعفت من ابتعادها عن وجبة العشاء

يالله منو راح يسوي معاي الطريقة هذه


دمتم سالمين
اختكم شريفة