الجزء الخامس من تجهيــــزات عرايس قطــ2006ــر

مبروك عالجزء الجديد

وهذا ان دل على شي
يدل على مدى نجاح الموضوع واهميته وافادته


في نهاية الجزء الرابع

في بنات طلبو رقم حلا وسميه

انا عندي الرقم اللي تبيه تخبرني

جزاج الله خير على الموضوع

انا ابغي اسأل البنات اللي جربوا الليزر لاجسامهم استفادوا؟
وكم المدة؟ وعند اي عيادة؟

مشكورين ويعطيكم العافية


الحمدلله والصلاة والسلام على رسول الله وعلى آله واصحابه أجمعين

ألف مبروك عالجزء الخامس
يله فيدونا أكثر

هلووو .. و بالمبارك عليكم الجزء الخامس ^^ تستاهلون يا بنات قطر ..

واي واي واي بنات


انتوا شكلكم على بالكم اني شيعه ..!

لا والله انا سنيه بس يوم كنت بادور لكم في النت عن ادعية الزواج لاني نسيت اللي قاله لي زوجي ... عاد دشيت قريت عن الموقع عدل طلع موقع شيعه ... !! يا فشيلتي فيكم وانا اللي مسويه نفسي اختكم العوووده ... !!


سألت ريلي قالي الدعاء اللي كتبته دوحانيه صحيح

الله يشهد ان نيتي كانت زينه ... بس العجله من الشيطان ...

الله يغفر لي زلتي انشالله ....

حصل خير حبيبتي مجنونة قطر .. و أنا شخصياً أدري إنج سنية ^_*

كله واحد .. بس استغربنا من الدعاء شوي .. و محد شكك في نيتج لا سمح الله ..

و بتظلين أختنا الكبيرة : )

**

امممم بنات اليوم رحت ماري مارا أجيب فساتيني .. سلمني فستان واحد و بصراحة ما شاء الله و تبارك الله و لا إله إلا الله .. انبهرت

به .. حتى أمي و كل من شافه ذكر الله و قالوا وااايد حلوو .. ^_^

و الفستان الثاني بكرة باجيبه .. و هاذي تجربتي مع ماري مارا .. للعلم أول مرة أفصل عندهم لكن هالمصمم تعاملت معاه من قبل

و كان في محل ثاني ..

**

أبي الجوارب الطويلة الملونة سواء شفافة و لا شبك .. و خاصة هالألوان غير الأسود : أحمر / فوشي ... الخ .. وين أحصلهم ؟

**

ننتظر مشاركاتكم بنات ..

هلوووو
بالمباااارك الجزء الخامس
حبيبتي دوحانيه
تعرفين زون؟؟ هناك عندهم دلاقات بوشبك ودلاقات الشفافه منها الطوال والقصار وكل لون و غيرهم بعد
واظن بعد في هاي شيسمون الرونق بعد شبك مال اليد والريل اذا تبين وارخص بوايد من الي عند زوم

وذكرتييييني دوحانيه الله يذكرج بالشهاده يارب::
بكره باروح اجيب فستاني انا بعد ((يعني اليوم))لأنه الحين الساعه 1 وعشر
انزين بنات ما قلتولي الحين شكثر اذا وحده بتسافر شهر عسل اسبوعين شكثر تحط بدلات داخل الفندق .؟؟؟؟؟

اييي قايزاااات باركولي كولولوليييش
اليوم قدمت الإمتحان واهو عباره عن برمجه المهم شنو عيوني بغت لا تطلع من الساعه 7ونص لين 10ونص وانا اسوي 4 برامج واخر واحد ماخلصته باقليلي منه نتيفونه بس قالي بيعطيني اكيد عليها درجات وكل شي الحمدالله كان عدل
ادعوووولي اخلص بنااات باقيلي امتحانين الحين وخلالالاص
ويوم الأربعا والخميس الجاييين عطله ماعطينا..هههه طولت عليكم ادري سوغييييي((على قولت ولد خالتي فديته))

بالمبارك و تستاهلين كل خير حبيبتي .. و عقبال الإمتحانات الباقية ..

و مشكورة ع الرد ..

اممم بتجيبين فستان العرس ؟ زين شريتي مانيكان ؟ و لا وين بتحطينه .. ما أوصيج حطيه في مكان مكيف ..

..

امم بخصوص البدلات ما عندي علم شكثر تاخذين .. إن شاء الله المتزوجات يفيدونج أكثر ..

هلا بنات مبروك الجزء الخامس ..=)

دلوعتها اختي لوسمحتي انا بغيت رقم حلا .. وشلون شغلها اوكي يعني جربتيها ولا سمعتي عنها بس؟

مجنونة قطر معليه اختي مسموحه ..حصل خير ..

دوحانية ماشاء الله عليج بالعافيه وتتهنين بالفساتين ان شاء الله .. توقيعج يصيح والله الله يرحمه ويغمد روحه الجنه اللهم آمين ..

ام شيوخ ان شاء الله فستانج يطلع جنان ..البدلات ماعندي خبرة للاسف..وبغيت رقم الهنديه الي تحف ماعليج امر ..

دوحة الجميع انا جربت الليزر واستفدت منه الحمدلله سويت عند الما الرفاعي ..

مبروك مبروك مبروك الجزء الخامس بس شفيه الجزء الرابع ليش سكرتوا دفتره؟؟؟؟؟؟؟؟؟؟؟

مجنونه قطر
هههههههههههههههههههه معليش ماحصل الا الخير الا محد لاحظ الا انا هههههههههههههههههههههههههه
خبرت الي ينسخ يبقق عيونه ويدقق شمكتوب(امزح ) هههههههههههههههههههه معليه ماصار الا الخير

دوحه الجميع
مافهمنا من سؤالج انتي تقدين اليزر تقسير ولا ازاله الشعر نهائي؟؟؟؟؟؟؟

دوحانيه
ماري مارا اي صوب وشسم المصمم الي فصلتي له

بالمبارك عالخامس ... والحمدلله بانت الحقيقه ^_^


دوحانيه ..
بالمبارك عالفستان ... الله يجعله لبس مبارك انشالله ...
وعن الجوارب الملقبه بالدلاغات ... بتلقينهم عند محلات قمصان النوم اللي مجابله سوق الجبر ...







ام شيوخ ...
العروس المرتقبه ..!!

شوفي... عن بدلات الفندق لا تكثرين لان في السفر وخاصه في شهر العسل ما بتقعدون في الفندق الا حزة النوم ...! يعني كثري من البجامات وقمصان النوم اكثر شي ..

اما حق الطلعات كثري من البناطلين ...وخاصه العمليه ... تعرفين القطن اللي على الجنب في خطين جنه..واعتقد في اطقم منها اللي تجيج سبورتيه على بنوتيه ...!! هاذي اخذي منهم ..شفتهم مره في سبلاش ... بس مادري اذا فيه في مكان ثاني .. ... واذا تبين تغيرين اخذي الجنزات الخفيفه مب اليابسه عشان ما تضيق عليج ..!! خبرج في السفر ندش ملاهي وايد ونطامر شكثر ، اما في بلادنا اووونه نستحي ههههه: ^_^:


بناتي ما اوصيكم هالله هالله باللبس الشرعي في السفر .. مب تسافرووون وتنسون عبيييكم ..!! وصيتكم انا ..!!

موضوع جيد أختي يسلمو يداكي

منورررررررررررره امونه معانا

صباح الخير
شخباركم
ام شيوخ مشكورة على الرقم
وبالنسبة لي نتيجة هاذيه احسن بس على فكرة اللي جربته بذمه الصغير من بيبي لس الاخير حطيته بالشنطة


مجنونة قطر
عادي تصير في احسن العائلات :)
بغيت اسالج عن شغلة خاصة شوي ممكن :)

كلاسك .. ممكنين حبيبتي .... سبحان الله حتى انا ابي اسألج شي ههههههههههههه

مرحبا ياعرايس والف الف مبروك على الجزء الخامس
انا اختفيت شوي والحين رجعت الحمدلله والسبب اني سافرت ورجعت وصادتني بلاده شوي عشان جي ماكنت اشارك لووول
بس اليوم اشوه قلت لازم ادش اشوف شسالفه الا اشوف الجزء الخامس ! ماشاااااالله ان شالله هالنشاط على طول يابنات

وعندي ردود على الجزء الرابع لاني مالحقت اشارك فيه وايد :( مب مشكله باحطهم اهني D:

عاد يمكن تكون قديمه شوي لوول بس معليه استحملوا :)

عروس فرش
فديتج ابي لسته الارقام الي عندكم بليز ..من فتره تتداولونها وطلبتها بس ماوصلتني :) حلوه تتداولونها

صوت الخليج
الف مبروك اختي وتتهنين فحياتج يارب

دوحانيه
فديت الي يسألون عني ..كاني رجعت 

عروووس قطر
خوش اسأله الصراحه .. وزين الي عرفنا الردود


الموناليزا
الف مبروك الحمدلله عالسلامه وتتهنين يارب ..للأسف ماقريت ردج الي شرحتي عن عرسج :(
بس روح قطر فديتها ماقصرت عطتني فكره عنه والحمدلله ان كل شي صار تمام

عروس الدوحه
الحمدلله على سلامتهم وألف مبروك شفتي اشلون كل شي صار اوكي 

ام شيوخ
ممكن رقم الي تحف بليز والله يوفقج في امتحاناتج ان شالله

دلوعتها
حلا وسميه شيسوون بالضبط؟
وابي ارقامهم ماعليج امر (حشره مع الناس عيد ) p:

دوحانيه
الدلاقات الملونه عند مال الله بس لاتسأليني وين مادل خخخخ هو محل دلاقات معروف حتى في منه فالبحرين والكويت والسعوديه بعد بس محل صغيرون اعتقد ..امي راحته كم مره اذا تبين باخليها تشرحلي وين بالضبط وباقولج ..وفي المحلات الي فالستي بعد عندج دبنهامز وفي محل ماذكر اسمه بعد (اف مامني فايده )

وبس الله يسلمكم وحشتوني وايد والله

تشاو بروح اتغذا

مساؤكم زنبق ^_*

أم شيوخ ..

زون ذي انا ما رحت له .. إذا محل السوري موجود هناك باروح له .. تحسفت ما خذت من المعرض..

توني مكتشفة ..

**

روح قطر ..

يا فديت عمرج .. تسلمين الغالية .. و الله يرحمه : )

**

بنت قطر ..

كل ما فتحنا جزء تسكره الإدارة لما توصل الردود 500 و خردة .. ^^

و ماري مارا يا طويلة العمر .. اممممم في السد .. إذا تدلين محل انوني و ديفيليه على ما أظن هو

احذاهم .. و إذا ما دليتي اسألي أخوانج وين معصرة باب السلام لووول بيدلونج ..

و المصمم واحد في المحل اسمه بدر .. بس إذا بتروحين له روحي العصر .. و تبين رايي خليه يرسم

لج كذا موديل و ارجعي له عقب .. و خليه يحدد لج شنو القماش احسن من الروحة والردة على

السوق >_< ..

**

مجنونة قطر ..

الله يبارك في عمرج حبيبتي .. و تسلمين لي الغالية : )

و أنا معاج في مسألة اللباس الشرعي ..

و شفت في المحلات اللي هناك .. ما عندهم ملونين الألوان عندهم ستاندرد اسود ابيض ..

و اللي لقيته على 100 في همسات ناعمة بس مب داخل مزاجي <<< تتشرط ..


**

أصدق إحساس ..

الحمد لله ع السلامة حبيبتي ... تو ما زاد نور الموضوع ^_^

اممممم اتوهق انا مع هالتوصيف للمحلات لووول .. اي صج ذكرتيني بهالمحل ..

هو في مجمع البستان اللي في السد .. بس عنده ملون ؟ و اهم شي الأحمر و الفوشي ..

**

اول شي مبروك على الجزء الخامس وشدوا الهمه

ثاني شي عندي ردرود بس تخص الجزء الرابع حق
دلوعه قطريه ودوحانيه وبنت قطر ومااذكر مين بعد اللي ردوا علي

دلوعه قطريه
اذا ماعليج امر عطينا الافكار اللي عندج حق ترتيب الغرفه

دوحانيه
مشكوره علىوصف محل امسيتي وبالنسبه حق الدلاغات عندج سوق الجبر المحلات اللي مجابل سوق الجبر عندهم الوان


بنات ابي اعرف احسن الخيايط حق التنانير وسمعتوا عن واحد اسمه اريج او امواج مب مذكره اسمه عدل مكانه في النصر
سحابة حب
انتي سألتي عن الجو في لندن في الصيف
النهار يكون حر نفس هالايام والليل يكون بارد شوي انصحج تاخذين معاج شالات

بناااااااااااااات

اشرايكم شنو احسن الحلاوه المصريه او الهنديه او الشمع حق الجسم؟؟

يا هلا بج وردة العشاق ..

امممم شفت محل واحد لكن ما عنده الوان .. عساني اتذكر بس لا رحت السوق مرة ثانية ..

وبالنسبة للتنانير ..

انا فصلت عند خياط علي .. و تفصيله مرتب و موديلاته حلوة ... و البنات امدحوا السلطان و مناور في النصر على ما أذكر ..

و بخصوص الحلاوة ..

ما جربت أحف جسمي كامل .. لكن حق يدي و ريلي استخدم المصرية و أشوفها أحسن .. لكن تبي يد خفيفة ..

يمكن الهندية تصلح حق باقي الجسم ما عندي فكرة و الشمع جربته لويهي و ليتني ما جربته ..



و سلامتج ..

مبروووك ماشاءالله وصلتو الخامس عقبال العاشر