ابا تصيحه خواتي الحوامل

ما ادري الصراحة ... بس البعض يقولون ان الرقاد على الظهر ما يضر والبعض الاخر يقول يضر والله اعلم ....
ان شاءالله الاخوات في المنتدى يفيدونج .... واسمحيلي

انا من النوع اللي احب انام على بطني، ومن الشهر الرابع تقريبا بطلت ما قمت ارقد على بطني قمت ارقد على جنب بس، اذا رقدت على ظهري يا ويلي اموووووووووووت من الالم واتم طول النهار تعبانة، والدكتورة قالت لي مرة لا تنامين على ظهرج علشان ما يلتف الحبل السري على الولد،، وتصدقين على الرغم اني ما انام على ظهري الا انه في ولادتي الاولية كان الحبل السري ملتف حول ولدي،، هذا كله من عند الله تعالى وكل شئ مكتوب بس الواحد بتوخى الحذر..

اختي يضر اذا بالاشهر الثلاث الاخيرة لانه وحده قريبتي كانت دايما تنام على ظهرها ولما جا وقت الولادة المسكينة فتحت 7 سم وفيها تكمل بس الدكتور قالت لااااااااا عملية على طول اكتشفت ان الحبل كان ملتف عالجنين والحمدلله الله ستر

وانا كذلك كنت انام على ظهري بس مو دايما بس الله ستر وانا اسمع انه مضر

والافضل لج ماتنامين واذا رجولج يعورونج رفعيهم على مخدة ممكن يريحج انا كنت اسوي جذي

والله يعينج ويسهلج انشاااااااااااالله

النوم على الظهر يااختي يقلل نسبة الاوكسجين اللي توصل للطفل بس مايمنع تنامين وانتي بالاشهر الاولى

اهم شي الاشهر الاخيره تجنبي قدر ماتستطعين النوم على ظهرك ...

لأنك اصلا بالاشهر الاخيره ماراح تقدرين تتنفسين بسهوله اذا نمتي على ظهرك

اما الحبل السري والتفافه على الجنين يكون نتيجة كثرة الجلوس بالاشهر الاخيره والله اعلم

لان الطفل مايقدر ياخذ راحته بالحركه لكبر حجمه فيلتف حواليه الحبل

اتمنى اني قدرت اوضح لك النقطه .. هذا والله اعلم

الله يتمم لك على خير يا الغالية

وعلى فكرة الألم في رجل أو الفخد هذا كله ضريبة الحمل والولادة واني لازم عليك تستحملي الألم حتى لا ينضر الجنين ولا أني تنضرين يا الغالية .....

هلا حبيبتي ابتعدي قد ماتقدرين انج ترقدين على ظهرج وعن الالم يوم ترقدين على الجنب انا من الثالث لين الحين اعاني بس بستحمل كله عسب نونو يرتاح راحت ولدج اهم ومن راحت ج ههههههههههههههههههه واسمحيلي

الله يعطيكن العافيه خواتي والله بحاول كله ولا نونوتي

هلا حبيبتي انا الدكتوره قالتلي ارقدي على جنبج احسن لانه لو رقدتي على ظهرج الدم والاوكسجين ما يوصلون للجنين حا:smile:ولي ترقدين على جنبج وحطي بين ريولج مخده ...

صراحة اول مرة اسمع ان النوم على الظهر مضر لبيبي.. الدكتورة ما قالتلي شي و انا الحين بالثالث...

الي اعرفه ان النوم على البطن مو زين

ومنكم نستفيد

بس الي فهمته انه الخيار الوحيد هو النوم على احد الجنبين فقط

الله يسهل عليج و ان شاء تولدين بالسلامة

شوفي اختي انا انصحج اتنامين على الجنب الي يريحج ..

عموما انتي الآن في الشهر الرابع يعني ياددوب حتى بطنك لسه ما طلع والحاله الي يتكلمون عنها البنات لما اتكون الوحده في الثامن والتاسع ..

نامي على ظهرج عادي ما فيها شي .. ولا يلتف الحبل السري ولا هم يحزنون .. الحاله الي يلتف فيها الحبل السري هي لما تتقلبين في نومك بسرعه يعني لما تقلبي من اليمين الى اليسار من دون ما تجلسي وهذي ايضا بالشهورالاخيره..

أنا دكتورتي اتقولي نامي بالجنب الي يرحيك وانتي اصلا بالمستقبل لما يكبر الجنين راح اتحسين انه بعض الاوضاع بالنوم تؤدي الى الاختناق فغيريها على طول .. يعني انتي تختنقين ما تقدرين تتنفسين فبالتالي الاوكسجين ما راح يوصل للجنين..

انا لما كنت انام على الجنب اليسار كنت أختنق ما يوصلني اوكسجين ولما انام على ظهري ارتااااااح كثير..