لو سمحتواا افيدوني محتايه لكم

@بنت العين@ 19-03-2006 15 رد 1,712 مشاهدة
@
السلام عليكم ورحمة الله وبركاته


اولا حبيت اشكر القائمين على هالموقع الأكثر من رائع


وبصراحه اكييد بفضل المشرفين والاعضاء الي فيه


انا ألقيت نظره على كم وصفه للبشره


ولقيت اسم الشوفان


ابى اعرف شو هذا الشوفان

وكيف شكله


يمكن عندنا في الامارات له اسم ثاني

فأتمنى منكم التوضيح لأني محتايه للخلطان الي فيهن هذا الس اسمه الشوفان



انا متأكده انكم ما بتبخلووون عليي بردودكم


وانا اترياكم


اختكم اليديده @بنت العين@
R
[grade="FF1493 FF6347 008000 4B0082"]والله يا اختي اان اعرف انه اسمه شوفان هو زي القمح او اشعير كدا هو نوع حبوب اسمه شوفان وممكن تلاقيه في السوبر مركت باسم شوفان كويكر وبيكون في علب صفيح هو دا اللي اقدر افيدك بيه والله يا اختي وان شاء الله بتلاقيه[/grade]





[grade="FF1493 FF6347 008000 4B0082"]احب اشكر اختي BRIDE علي التوقيع[/grade]
y
[[glow1=FF0000]size=4]هلا فيج بنت العين نورتي المنتدى حبيبتي
الغالية الشوفان هذا بتحصليه في السوبرماركت او الجمعيه او كارفور في قسم المواد الغذائية وفي منه انواع ويجي في علبة ومكتوب عليها شوفان وهو فعلا راااااااائع حج البشرة
وان شاء الله حبيبتي قدرت افيدج ولو عندج استفسار ثاني من عيوني الاثنين [/size][/glow1]
@
تسلمووووووووووووووووون والله ما قصرتوا وفيتوا وكفيتوا



واختي ياسمين الغلا كلج ذوووق اوكي خلاص انا بدوره في كارفور وبشوفه وتسلمين على الرد
&
الشوفان نحن نسميه كابتن ( على اسم الماركه.. علبته سوده جي.. لونها غامج المهم.. وشي صورة كابتن ) .. وهو ينحط فالشوربه عشان يغلظها
ب
مرحبااا الغاليه ....

فديتج لي اعرفه هوو ومثل ما قيل لي تلاقينه في السوبر ماركت وعلبته شراات علبتة السميد ( الخبيص )) وكثير ما نحطه في الشوربه ..(( شوربة الكابتن ))


بعدين ويين الخلطات ..؟؟ لو اجربينهم وتردين علي :)
&
صح نسيت أقولج...

أنا من كم يوم جربت الشوفان ويا الروب وصدق روعه...

دقيت الشوفان شوي وخلطته ويا روب وعقب حطيته على ريولي وايدي وويهي واتريت جي ربع ساعه .. وعقب فركت الاماكن بإيدي (جنه سكرب يعني) .. والنتيجه روعه كانت الصراحه... نعومه واشراقه... حلوه هاي اشراقه لوول...

بس صدق جربي هالخلطه وشوفي بنفسج
ب
ههههههههههههههه سبقتني الاخت ..ا<<نزين صفي طاابوور يااايه قبلج :gum:


عسى عرفتيهاا بنت العين ..:)
&
بدوية العيين :D

جربي الكابتن ويا الروب ...

وصح اذكرت قبل كنت احط كابتن ويا عسل مثل ماسك يعني... وكان بعد روعه... بس وقفت لاني قريت مره اهني انه العسل يزيد الشعر فوقف....

بس ماعرف مدى مصداقية هالشي يعني...
b
عزيزتي هاي إحدى الماركات إلي تبيعه:






و هذا شكله من الداخل:


و اسمه بالإنجليزي (Oat)
b
و أخييييييييييييييييييرا قدرت أحصل صورة الماركة إلي قالوا عنها البنات و إلي انا بعد أستخدمها:ok: :
>>أستاهل تحية :clap::clap::clap::clap::clap::clap:



&
هذا اللي كنت أقصده :D
&
انا أقصد أول واحد بس ماعرف ليش كنت أشوفه كابتن لوول ... نحن جي نسميه فالبيت :D

وشطوره يا bluesee :D
ا
ماشالله البنات كفوا
ص
مافي احسن من الشوفان


تخلطينه ويا حليب ابوقوس


ويستوي احسن من السكراب
@
ما قصرتوا عني ما خلى منكم فيكم الخير والله


انحيين عرفته نحن نسميه كابتن هب شوفان انا اقوووووووول شو هذا مثل الخبيص



تسلمووووووون على الصور وعلى الخلطات والله فيكم الخير ما قصرتوا



عني ما خلى من هالمنتدى الاحلى من الرائع
X