خااااااااايفة

السلام عليكم ورحمة الله وبركاته

شخباركم وشخبار كتاكيتكم .. ان شا الله بخير

بقول لكم عن ولدي .. ولدي مسكين ابتدا عليه المرض من يوم الثلاثاء حتى ليلة الاربعا ما نمت الليل لان كانت عنده سعلة قووووية لدرجة الترجيع .. طبعا كان مزكم وسعلة خفيفة بالنهار تزيد وقت الليل ويقعد يرجع .. واحنا يوم الجمعة العصر وديناه الكورنيش وكان في شوية هواء على الرغم من ان انا احسه حلو ومنعش لكنه يمكن كان بارد على ولدي وتعبه زيادة .
وامس انا رحت الجامعة وهو داوم في الحضانة وشكله تعب هناك ويوم اروح اخده الظهر كان نايم وبعدين يوم قعد اول ما وصلنا البيت كان مبين عليه دااااايخ وكل منبطح ولا رضا ياكل شي مع انه اصلا صار له حوالي شهر ما ياكل زين ، ويوم رجع ابوه من الشغل المغرب وديناه في البداية المركز الصحي وقالوا لنا ان بلاعيمه واذاينه ثنتينهم ملتهبين وكتبوا له على ادوية وقطرة للانف .
رجعنا البيت وكنا مقررين نعطيه ادويته وقت النوم وحاولنا نعشيه وكالعادة ما رضا ياكل اي شي .. وكنت انا ملاحظة ان حرارته بدت ترتفع وزوجي يقول لا ما فيه حرارة .. بعد شوي حس هو بعد ان فعلا الولد حرارته مرتفعة فقمنا ورحنا وديناه عيادة اطفال وهناك كشف عليه الدكتور واول ما شاف بلاعيمه قال : يا ساتر . بلاعيمه فيها التهاب شديد وادونه بعد وحرارته موصلة 38 درجة .
وكتبه له على مجموعة ادوية غير الابرة اللي عطاه اياها .. وقال لنا ان الادوية اللي كتبها له راح تمشي بطنه .

المشكلة اللي مخوفتني ان الدكتور قال انا ما اشجع على استئصال البلاعيم بس في حالة حسين لااااااااااااااازم يتم استئصالهم !!!! لان بلاعيمه هي اللي تسبب له كل هالامراض وكفاية انه مو راضي ياكل بسبب هالالتهاب وبسبب البلغم اللي في صدره . وانا الحين متخووووووووووووووفة من هالسالفة وقلبي معورني بس زوجي كعادة باقي الرجال يفكر بعقله مو بقلبه ويقول خل نسوي له العملية عشان يرتاح من هالعذاب .

طبعا الدكتور نصحنا ان اذا بنسويه العملية نخليها للصيف مو الحين .. وانا سألته اذا واصلت معاه العلاج بدقة وما عطيته اشياء باردة ولا عرضته لاي شي يزيد الالتهاب فهل ممكن تشفى بلاعيمه وما يحتاج لهالعملية لكنه قال لا .. لازم العملية .

الشي الثاني ان الدكتور قال ان الادوية اللي كتبها بتمشي بطن ولدي لكن انا عطيته البارحة دوا ورديت عطيته من الدوا من ساعة ونص تقريبا وما اشوف بطنه مشى ولا شي .. وما ادري اذا هالشي عادي ولا لااااااااااازم يمشي . انتوا شرايكم ؟؟