هل الزوج يختبر زوجته ؟؟؟؟

اسمحي لي اختي ... لو زوجي سوا لي هالحركة لا وفي شهر العسل بعد كان (...............)
خير ان شاء الله .. المفروض كل واحد يعرف بالضبط صفات الانسانة اللي بيرتبط فيها طول العمر .. ويتأكد من تربية اهلها لها

يعني موقف صديقتك بالنسبة لي مرة سخيف اسمحي لي يعني ... ولو قالت اوكي كانت رسبت !! مدرسة لو كلية احنا

فيه رجال للاسف يختبرون زوجاتهم بطريقة ثانية
مثلا يخلي احد من ربعه يدق عليها مرة ومرتين وثلاث يشوف تتجاوب معاه لو تطنشه !! والله تصير كثير قدامي
بس اللي واثق من نفسه ومن زوجته ما يسوي هالحركات المريضة

فيه طرق ثانية عشان يعرف طباع زوجته بس هالطريقة سخيفة جدا ........ الله لا يبلانا

صبا ابها

شكر على الطرح المفيد

هذا يعتمد على عقلية الزوج

ومثل ماذكرتي بكلامك ......

وهل كل الرجال يختبرون...؟؟ لاني احس نوعية هذا الرجل .مريض.

انا اقول الثقة في معاملة الزوجة وتفهم انها ممكن تتصرف بتلقائية واجد احسن

يعني ايش فيها لما اوافق الزوج على اني انزل السوق لوحدي لحد ماهو يخلص من شغلة ويرجعلي ...هل هذا معناه اني سيئة ...

ابدا ماله علاقة ولاهو بمقياس بالشرف والتربية

الله يكون بالعون

قوة يا بنيات ...

كلامكم كلا عدل ..

اهو مو اختبار بس نقدر انسميه ردة فعل .. لانة الاختبار اذا يسير حق الزوجة من الزوج و العكس صحيح هذا معناتا ان ماكو ثقة ..

بس مثل ما قتلكم اهيشغلة ان يبي يشوفغ ردت فعل ..

خل اقولكم سالفة صارت وياي مع ريلي ..

احنا من البداية متفقين ان نسكن ابروحنا ..و هذا شي اهو الي حرص عليه اكثر مني ..

فا سكنا بروحنا و الحمد الله كل شي تمام .. بعد ما ودلت بشار قاعدين انسولف سوالف عادية عن خالتي (امة) جان يقولي " انا بيب

امي تقعد عندنا اشرايج" ..طبعا اختكم فطينة و اعرف ريلي عدل جان اقوله بعد صمت و تفكير لمدة ثواني " اسير خير "

يقولي "راظية..؟ " قتله "هذه امك و لازم ارظا لانة يمكن باجر بشار يبيني اقعد عنده لي كبر تزوج فا اكيد ما راح اقصر وياي لانة انا

ما قصرت في حق امك .. " (( ما عليكم مني هذه حركات و عيارة )) (r)

عقبها استانس و قالي " لا حبيبتي انا بس بغيت اشوف ردة فعلج و كل عادة ما خيبتي ظني " عاد انا تشققت من الوناسة :shy:

فا دايما خليج ذكية اب ردودج و حاولي تكونين دبلوماسية بذات مع زوجج ..

حبيباتي ٌRooomy_mو umm _basharوعذب القوافي اشكركم على مروركم الجميل
roooomy ... انتي صادقة ان الموقف سخيف جدا.... لكن هذا يعتمد على المجتمع اللي عاش فيها الزوج وعقليته ممكن هو شكاك...او كان لعاب وداهية قبل الزواج فيبي يشوف زوجته هي من صنف البنات اياهم
عذب القوافي.... الشرف مسألة احسها نقطة محرمة لو شكك فيها الزوج احس الحياة معه كلها ما لها اهمية حتى لو فيه اطفال.. الشئ الوحيد اللي لا يمكن امراة ترضى تجامل فيه ..
om_basharانتي ماشاء الله عليك مرة سنعة وتفهمينها وهي طايرة وعرفتي شلون تردين بدبلوماسية بس ليش الزوج يختبر من الاساس شريكة حياته ورفيقة دربه وش رح يفيده ؟؟؟؟؟
انتظر ردود البناااااااااااااااااااااااااااات الحلوات

مو الله يسلمج يا صبا يا حبيبتي .. الريال بطبعة ففضولي و غيور ..

انا اتكلم على التصرفات العادية من الزوج.. بس هذا اي يشك و يختبر زوجته هذا انسان مو واثق اب نفسة و مريض نفسيا ..

لانة يوم قرر ان يتزوج لبد ان يكون واثق بلي بتسير ام اعياله و تشيل اسمه ..

و بعدين بقولكم شي .. يمكن ترى بهل اختبار السخيف ايظيع حياته و يهدمها لانة وارد ان الزوجة تكون ردة فعل طبيعية او بدون قصد

يعني بتصرف على نياتها فا راح يستنتج شي و يبني عليه افكار الله العالم شنو تكون نتيجتها ...

فا هل اختبار غلط غلط غلط ...

Om-Bashar

انتي اختبارك غير على الاقل مافيها تقليل لقيمتك وشك فيك .. هو مجرد يختبرك لو كنتي بترحبين بامه في البيت معاكم ... احس انه عادي
الله يخليكم لبعض

اختي صبا أبها .. كلامك صحيح يعتمد على البيئة اللي عاش فيها وانا مع عذب القوافي في اللي قالته يعني لو هي قالت اوكي انا بنزل السوق شنو صار في الدنيا ... بس ارجع اكرر اللي ما عنده ثقة في نفسه هذي هي تصرفاته

يعني يقول لها شرايك تنزلين السوق وبناء على اجابتها يقرر طريقة تربيتها !! شنو هالمنطق صحيح تخلف ( اتكلم بشكل عام ومو عن هالانسان )

تذكرت وحدة من البنات توها في شهر العسل ( والله انه بصل مو عسل ) قال لها زوجها فلانة شرايك نتعشى برة بعد ما يروحون الناس وبعدين تروحين تشوفين امك... قالت له اوكي
والله ما خلى عنها كلمة
انتي هبلة ما تفهمين تبين تفشلينا شيقولون الناس لو شافوك عروس طالعة قبل ما تكملين الاسبوع !!
والله لو مكانها كان وريته شغله بس هي المسكينة من الصدمة اتصلت فيني وعلمتني بالسالفة !! بس قلت لها طولي بالك وطنشي ماحبيت ازيد النار حطب مثل ما نقول ... بس صحيح طاح من عيني وللحين الرجال ما ينزل لي من زور لان اسلوبه استمر معاها بنفس الطريقة للحين ولدها في 5 ابتدائي وللحين يتعامل معاها بهالطريقة .. الله يهديه

الله لا يبلانا

السلام عليكم ورحمة الله وبركاته

حابه انقول حاجه وحده ان الشخص هذا مريض ,الظاهر انه هو ايسوي في شي غلط بتالي يشك في الناس وللاسف اقرب انسانه له
صدق المثل الي يقول كل واحد ايشوف الناس بعين طبعه

حبيباتي بالعكس أنا أشوف أنه رجل ذكي وفطين....
وما يدل الشي هذا أنه شاك في زوجته أو تصرفاتها...

وأذكركم بقصه الاعرابي اللي حب يختبر زوجته وهي عروس
كانت نازله من سطح البيت على جدار مايل مثل الدرج
قالها وأهي نازله ..أذا رجعتي طالق وأذا نزلتي طالق وأذا وقفتي طالق
شسوت الزوجه....
قطت عمرها من الدرج
فقال لها الزوج ... بأبي وأمي أنتي
هذا أن دل فيدل على أن الانسان الواعي والذكي يبحث عن شريك فيه نفس الصفات
ولكم تحيه

في رأي أن كل الرجال بيختبروا البنات بس هذا ساعت الخطوبة مو بعد الزواج كمان هذا بيكون مريض ، و هذا الاختبار عادي عشان يعرف أخلاقها ، و لكن في بعض الامتحانات صعبة الواحدة لا تقبلها
ربنا يهدي الجميع

مو كلهم كذا انا اول مره اسمع بالاختبار هذا

ماكفانا المدرسه :cry:

حبيباتي..نسيم الشوق .. بنت الصقر...zena new lQQk و
libya
اشكر مروركم الباهي
بنت الصقر...........>> وش يستفيد اذا بيختبر اذا طلعت زينة او شينة ؟؟؟ واللي زمان .................زمان مو ضروري ينطبق على وقتنا بعدين وش فايدة الاختبار هذا اللي قلتيه بقصتك؟؟؟
نسيم الشوق ......................>>انا ما بعد مريت باختبار من زوجي بس اخاااف يجي هاليوم... عشان كذا اسالكم وانتي بعد استفيدي..!
zena new lQQk.................>>الخطوبة والزواج نفس الشئ واحس الاختبارات هاذي تنفر البنت من خطيبها او زوجها لانه يشكك في سلوكها وتربيتها..... واتمنى انها ما تكون في كل الرجال... لانه معناته ان زوجي رح يختبرني يوما ما!!!!
libya.........>>>معاك حق 100% اكيد مريض وشكاك وله تجارب حافلة من قبل .....


ليش بعض البنات يدخلون وما يكتبون رايهم نبي نفيد بعض ......

كلن يرى الناس بعين طبعه

شكله كان يغازل ويكلم بنات وعلى باله كل بنات الناس جيه

او من كثر مايشوف ربعه يغازلون ويطلعون مع بنات

فكر يسوي هالاختبار


وبعد في بنات يختبرون خطاطيبهم

يطرشون حقهم بنات يشوفون اذا بيعطونهم ويه او لا

الله يهدية

بس مادام هو اخذ البنت و رضي بيها خلاص مافي داعي يسويلها اختبار هدا

نقص عندة

أنا متزوجة صار لي 7 أشهر وقلت حق ريلي أحس نفسي في اختبار
لآنه كله يراقبني في تصرفاتي وتالي الليل يخبرني بالتصرفات اللي مب عايبته...
في البدايه أرتبك وحالتي حاله بس الصراحة أكتشفت أنه في صالحي لآنه يباني أكون أحسن وحده في تصرفاتي وطباعي...

الغاليات اشكركم على مروركم وردودكم الرائعة
نووووسة..................................>>>>> الرجل او المرأة اللي فيهم نقص اكيد هم اللي يسون مثل هذة الاختبارات على قولتك يا hatoomوالا نصيبك وارضى فيه ليش تجرح قلبك وقلب شريك حياتك بشئ ماله فائدة....
اتحدى الزمان ... رجلك ممكن ما يكون يختبر ممكن ينتقد انتقادات عادية ... وكل الرجال كذا...بس الموت الحمر اللي من تحت لتحت ....
لكم تحياتي