وابدن رايهن في الدخون والعود
او المخلطات وعلى الثقه اللي عطوني اياها
لانهن تعاملن معايه كان عبر النت خصوصا انها تجارة
الكترونيه
وشهاداتهن شهاده اعتز بها وبتكون بمثابة
التشجيع لي بالاستمرار
وهذا اذا كان يدل
يدل على طيبة اخلاقهن واصلهن
وعلى ثقتهن في بنات بلادهن
وان شاء الله اني ما اكون مقصره في حقهن
وبحط لكم اراءهن....في مجموعتي
وابدا بالاخت خواطر
اللي فعلا كانت لي تجربه خاصه معاها
واشكرها عليها
واشكرعلى هالصور الحلوه
والخوات الكريمات الباقيات
اللي حسيت بهن خوات مش زبونات
وان شاء الله اني ما نسيت حد
خواطر©:
اليوم دووووووووووووري عشان اقول راي.......... :cool2: ... درب..... لو سمحتوا
طبعا اول شي انا طلبت عينات من العطور وام خلافي ماشاء الله عليها ماقصرت.. طرشت لي عينات........ وعجبوني.. والريحه من برع الكيس تنشم........... ,بصراحه ظلت اكثر من اسبوع الريحه..
خلوني اقول لكم شو اشتريت....................... والا اشرايكم اراويكم الصور.. بعدين بنتكلم لحظة اصور الاغراض
دخون ملكي............
عطر الشيخه.......
عطر الشيخ........
عطر الحجر الاسود بدهن العود.....
بصراحه كل اللي خذته رهييييييييييييب.. . وخواتي تجننوا على الاغراض.. ومن غير هذا كله...............
اخلاق ام خلافي في التعامل...... عالية جداً
طبعا ام خلافي ماقصرت طرشت لي عينات ثانيه.. وان شاء الله اقرر شو آخذ منهم قريباً
شي لا يمكن تجاهله...............
ام خلافي الله يجزيها الخير.. في كل طلبية.... تبعث كتب دينية.. الله يجعلها في ميزان حسناتج اختي الغاليه..
وهديه حلوة....... مابخبركم عنها.. إللي بتشتري منها بتعرف..
بنت_الشارقة:
السلام عليكم أم خليفة اشحالج
الغالية وصلتني الطلبية ،، يابها السايق اليوم الصبح
أول شي مشكورة على الخدمة الراقية والسرعة في التوصيل والاهتمام
ثانياً ريحة العود الملكي ولا أروع من جذي وااااااايد دش خاطري
حتى الدخون ريحته وايد رهيبة
مثل ما اتوقعت الصراحة
كلج ذوق ومشكورة ما قصرتي
وأكيد إني راح أطب منج طلبيات وااايدة المرات الياية لأنه الي في البيت عندي كلهم يبون منه وعيبهم أول ما شموه لأنه قعلاً مميز
أتمنالج التوفيق دايما ام خليفة
فمان الله
لون المطر:
:.السلام عليكم والرحمة.:
فعلا وأنا أشهد على حلاة تعاملها المنافس لحلاة عطورها
ماشاء الله عليها ذوق بكل شيء
العود المعطر الملكي .. مخلط الشيخ .. مخلط الشيخة .. الدخون الملكي .. المخلط الملكي
روعـة بمعنـى الكلمـة
ربي يوفقج زود الغالية
^_^
الامل البعيد:
انا تعاملت ويا ام خليفه وشغلها لا يعلى عليه ..
جربت العود الملكي والدخون الملكي ومخلط الحجر الاسود ومخلط غناتي ...
والنعم في بنت البلاد ... ماتقصرين يام خليفه ... الله يعطيج العافيه
:)[/size][/QUOTE]
غزلان الأمـــارات:
..................... السلام عليكم والرحمه...................
الصراحه انا ودي اشكر ( ام خليفه) على البخور والعود....
حتى الكلام ما يوفي لها بأسلوبها الراقي وبخوراتها الحلوه.....
الصراحه انا الطلبيه واصلتني من يوم السبت قلت ما برد عليكم الا يوم خواتي كلهم يشمون الريحه فالكل مدح الريحه...
واشكر ام خليفه على حرصه على اسعار التوصيل...
وربي يوفقج بحياتج ويبعد عنج كل خاسد وظالم.....
طربوشة:
بجد ام خلافي راقية بعملها ودخونها وعودها ماله كلام وتعاملها قمة بالرقي والاخلاق اتمنى لش التوفيق
عروس اغسطس:
كلــــــــمة حــــــــــق
..
بصراحة اليوم الصبح وصلتني الأغراض اللي اشتريتها من أختي أم خلافـــــــي ..
وما شاء الله شي ذووق وكلمة الحق تنقال .. تسلمين لي يالغالية ..
كنت جدا سعيدة بالتعامل معاج .. وبإذن الله يكون بيننا تعامل آخر بالمستقبل ..
الف الف شكر لج أختي
:)
P!NK:
.
.
ام خلافي ما عليها كلام
اختي شرت عندها مره من المنتدى
صراحه بخورها يخبل وناويه جريب اتعامل معها
االعاش:
فديتج يالغالية نور المنتدى بوجودج أنا أضم صوتي للأخوات اللي مدحوا العود الملكي وعطورج بصراحة ما عليهن كلام بصراحة :up::up::up::up::up::up:سلمت الأيد اللي سوته
ليالي العين:
أم خلافي مشكورة على الدخون الملكي ريحته وااايد حلوة والوالدة عيبها... حتى العود المعطر ومشكورة على التسليم السريع عالطلبية
الله يوفقج
ema_uae:
موفقة يا أم خلافي ..
و أنا بصراحة أخذت من العود المعطر الملكي اللي بـ 150
أخذت من المرة الأولى 3 غراش لعرسي و الحمدلله ما ندمت عليها أبداً
لأن ريحته روووووووووووووووعة فعلاً و ينافس العود المعطر من القرشي
ويناسب الذوق الإماراتي ... و هذي مو دعاية لأم خلافي و لكنها الحق و الحق ينقال
بالتوفيق ....
تحياتي
إيما
السهر:
بنات عروس بغيت أقول لكم إني أعرف أم خلافي من سنه وشوي وجد طلبت من عندها
الصراحه أغراضها لا يعلى عليها
خذت من عندها مخلط دهن العود
ومخلط ماأذكر إسمه أظن وديمه
والعود المعطر الملكي (شي خياااااااااااااااااااااااااااااااااااااااااالي ) رهيب بمعنى الكلمه
والدخون الملكي بعد رووووووووووووووووعه
والله شاهد علي :)
فوانيس:
صباح الخيـــر أم خليفة
بصراحه و لا اروع عود و دخون شفته بعمري:)
ماشاء الله حلو حلو
تسلمين يا الغالية
و ان شاء الله قريبا من العطور اللي عندج
لانه عجبني الحجر الاسود + الدهن العود
ألف شكر لك:)
Romanove:
[grade="4B0082 4B0082 800080 800080 FF1493"]
السلام عليكم ورحمة الله وبركاته
كلمة حق لازم تنقال في حق هالإنسانة الرائعة
وأعرف أنه كل الكلام اللي بكتبه ما بيوفيها حقها
إنسانة أمينة وثقة وكلها ذوق
ربي يوفقها ويرزقها الحلال الطيب
طلبيتيه كانت للعرس وهي عبارة عن
مخلط الحجر الاسود بدهن العود
المخلط الملكي
مخلط ورق العود
مخلط الغزال الشمالي
العود المعطر الملكي
الدخون الملكي
مرش العرايس
تولتين من المخمرية اللي بدهن العود
بصراحة أنا بعدنيه ما استلمت الطلبية
استلمهن المعرس وقال لي كل ريحة أحلى عن الثانية
وقال أنه شغل أم خلافي أحلى بواااااايد عن شغل السوق
وأنه من اليوم ورايح ما بنتعامل إلا وياها
ربي يسعدج ختيه أم خلافي دنيا وآخرة
وإن شاء الله بنتواصل على طول
[/grade]
roseqatar:
ام خلافي
تسلمين على هالببخور الزين والله وماقصرتي
ماشاءالله ريحته روعه روعه .. وعجب الوالده وايد ..
الله يعطيج العافيه وان شاءالله كل ماروح لدبي اباخذ منه :)
وتسلمين على معاملتج الطيبة والله ..
وانصح البنات انهم يجربون هالبخور والعود الملكي لان مثل ماقلت ريحته روعه ..
موفقة يالغاليه
دهن_الــــورد:
والله يا ام خلافي انا عن نفسي ما بزيد عن الي كتبنه البنات..صراحه العود المعطر والدخون والله العظيم ما عليه كلام صراحه ...والي بتشتريه تصدقني ما بتندم ...ليتني عرفتج وانا اتزهب حق عرسي ..بس ما عليه برد استوي عروس مره ثانيه حق بو شما.. :dd:.يوم بيرجع من السفر ..والمخلط الملكي الي خذيته كل حد سالني عنه..وكفايه والله تعاملج الحلو الراقي ...وربي يوفقج...وبغيت اقول شي يا ام خلافي..اذا اي حد طلب الرقم عادي اعطيه..
الخرشة:
السلام عليكم
بصراحة ودي أشكر الأخت الغالية أم خلافي
من ناحية التعامل ما شاء الله عليها و البضاعه اللي صدق الواحد يفرح بها
طلبت منها يميع العطور تقريبا و أكيد ما بوقف التعامل وياها لها الحد
ما أقدر أوفيها لأنه شهادتي فيها مجروحة،، أدعيلها الله يوفقها ان شاء الله في تجارتها الحلوة و ينولها كل ما تباه باذنه سبحانه و تعالى
أختكم
الخرشة