صمت الازواج

وعليكم السلام ورحمة الله وبركاته

فيه بعض الازواج يكون هذا طبعهم

الله يوفق صديقتك ويهدي زوجها وان شاء الله يتغير للي تحب...

اسمحيلي عزيزتي ما اقدر افيدكم بشئ... بس دخلت الموضوع قلت لازم ارد ولو بدعاء

تحياتي

[grade="00008B FF6347 008000 4B0082"]امممممممممممممممممممممم يعني اهي تحاول وياه من 9 سنين ...

والحين يايا دور على حـــــل !!!

يمكن ريلها هادي ويحب الصمـــــت ...

ما اقول الاا الله يعينها والله ... [/grade]

اختي..

صح ممكن يكون هو طبعه هادي<< وربي احسن من واحد طول النهار يهايط

عموماً حبيبتي خليها تحاول تجذب انتباهه بشي تشوف وش اكثر شي هو يحب يتكلم فيه وتحاول تجمع معلومات عن هالشي

وتناقشه فيه

واكيد انها بتقدر

هذا اللي اقدر اقوله

الله يوفقها ويوفقك:)

اختك

السلام عليكم ورحمة الله وبركاته


أختي الكريمة (حيرتونا)

أتمنى كل التوفيق لك ولصديقتك وأتمنى لها بإذن الله حياة زوجية سعيدة..

راح اقول رايي بالموضوع وأتمنى يكون في كلامي كل الخير لها.. عزيزتي، أكبر غلط

يرتكبه المتزوجين والمتزوجات أنهم قبل الزواج ما يثقفون نفسهم بأمور الزواج، سواء كان دينيا

أو عن طريق الكتب المساعدة لحل المشاكل اللي يمرون فيها المتزوجين..

فعلشان جذي تكثر المشاكل بين الطرفين، ودايم نسمع من الأزواج: زوجتي مو فاهمتني

وزوجتي وايد تحن، ونشوف الزوج يقضي اكثر اوقاته بره مع أصدقائه..

ونشوف الزوجة تقول: زوجي ما يسمعني ولا يفهم أنا شنو أبي... الخ..

أنصحها بقراءة الكتب إللي بالعادة تفيد المقبلين على الزواج، وحتى بعد مرور 9 سنين

ما في ضرر أنها تقراهم وتحاول تعدل العلاقة بينها وبين زوجها..

أنصحها بكتيبات للدكتور صلاح الراشد بعنوان (كيف تكسبين محبوبك؟) و(الفرق بين الجنسين)

وفيه كتيب للزوج ممكن تهديه إياه بعنوان (كيف تكسب محبوبتك؟)

وفيه كتاب أخر توني بديت أقراه والكل يتكلم عنه بعنوان (الرجال من المريخ، النساء من الزهرة)

النسخة الأصلية بالإنجليزي ولكن الكتاب نفسه تمت ترجمته باللغة العربية كونه كتاب قيم وتحصله

في مكتبة جرير.

عن طريق الكتاب بتشوف أن اغلب الأمور إللي تحس فيها طبيعية وتمر فيها جميع النساء..

بخصوص أن زوجها يكون ساكت ويقضي وقته على النت ، أو انه يكلم ربعه بخصوص المشاكل

والأمور إللي تصير بالشغل تراها كلها أمور طبيعية.. لازم تحط في بالها أن طبع الرجال جذي،

لما يجي من الشغل تعبان ، يفضل ينعزل ويسكت ويشغل نفسه بأمور ثانية ما لها أهمية

مو مثل النساء، إحنا بطبعنا نحب نتكلم، ونفضفض عن كل شي نمر فيه ولازم نحط في بالنا

أن الرجال مو مثلنا هم غير وإحنا غير.. وأنا أدري بشنو تحس فيه صديقتج، لما تشوف زوجها

ساكت ويرد بالعافية، تحس بالإهمال وتحس إن زوجها ما يحبها مثل قبل لأنها مو حاطة في بالها

أن كل الرجاجيل جذي، إذا مو الكل فالأغلبية العظمى.. خليها تحط هالجملة في بالها:

((النساء يفضلون الكلام لما يمرون بمشاكل والرجال يفضلون السكوت والإنعزال))

ولما طبقت هالكلام على زوجي، شفت أن الكلام صحيح 100%.. كنت مثلها أتضايق إذا

اشوف باله شارد أو ساكت وما يتكلم وكل فترة والثانية افتح له نفس الموضوع، ليش

ما تتكلم وليش ساكت؟ وانتي مو معطيني ويه وأنت وأنت.. ليما تضايقت انا وهو تضايق معاي

وعدني بالتغيير بس ما شفت شي، ليش؟ لأن هذا طبع الرجال .. فقررت أنا اغير من نفسي..

شفته ساكت ، اسكت عنه وما أحسسه إني متضايقة وأشغل نفسي بأشياء وايد، بعدها أشوفه

بروحه يجي ويكلمني..

وشوفي شنو قلتي:

((حاولت ان تتبع معه الاسلوب نفسه بان تلتزم الصمت فكان بعد يومين يسالها مابها ))

معناها أن زوجها مو هاملها ومعناها يحس فيها متى ما بدت تتغير عليه.. ولو هو مطنشها كان

ما لاحظ التغيير.. فعليها أن هي تتغير ، لما تشوفه ساكت خلها تعطيه وقته، لا تحن ولا تضغط

عليه، شفيك وشفيك وشفيك .. خليها تشغل نفسها بأي شي في وقت سكوته بعدين

راح تشوف شلون بيجيها من نفسه وبيتكلم معاها.. وخليها تحاول ما تفتح معاه الموضوع

ولا تقول له شفيك أو تعاتبه لأن كثر العتب يملل الرجال.. وبدال ما يعتدل الوضع بينهم راح

ينعفس أكثر.. أنا أعرف أنها لما تسأله شفيك أو تبيه يتكلم سببه حبها له وشوقها بس

المشكلة مو كل الرجال يفهمون هالشي وياخذون الموضوع على أن الزوجة حنانة ووايد نكدية..

عليها من الحين، حتى لو كان بعد مرور 9 سنين، تبتدي تغير من نفسها علشان تشوف التغيير

من صوبه شوي شوي..

إذا جاها لازم تستقبله بإبتسامة وبالكلمة الحلوة ولا تتضايق من سكوته لأن والله هالشي عادي..

خليها تشغل نفسها بالإهتمام بنفسها وبمظهرها وبمتابعة كل جديد في الأزياء والمكياج..

تتعلم اشياء جديدة تسويها لزوجها علشان تكسبه.. قال لها بيروح حق ربعه، خلها تقوله الله وياك

ويحفظك.. لأن كل الرجال يحتاجون وقت يقعدون مع أصحابهم أو مع نفسهم..


أسفة على الإطالة وهذا إللي عندي في الوقت الحالي..

وإذا بغت أي مشورة أو محتاجة أي شي.. كلنا أهني بالخدمة وأنا موجودة بأي

وقت إن شاء الله..

الله يوفقها بحياتها الزوجية والله يزيد الحب بينها وبين زوجها..


وشي أخير، لا تنسى دايم تصلي صلاة الحاجة وتتطلب من الله أن يزيد الحب بينها وبين زوجها..



ولها ولكِ أطيب تحية

انا مع همس القلوب في كل الي قالته ...

حبيباتي
شكرا على سرعه الرد وان شاء الله في ميزان حسناتكم
صديقتي مثل ماقتلكم متزوجه من تسع سنوات وهذا طبع زوجها يعني انه هادي وقليل الكلام بس اللي تحسه انه معاها زايد زياده هالطبع يعني مثل ماقلت يتكلم مع اصحابه عادي عن اللي يصير معاه في الدوام ويقعد يتكلم مع اهله عالنت بالساعاااااااات المتواصله ومايحس بالوقت معاهم يعني زوجته اولى بانه يتكلم معاها ويسمحلها انها تشاركه الكلام ارجو انكم تكونوا فهمتوا مشكلتها علشان تقدرون تساعدونها اهي صبرت على طبعه مده تسع سنوات بس خلاص تعبت من هالطبع خاصه انها تشوفه يتكلم مع الاصحاب والاهل عادي

هذي الحاله تحصل لكثير من الازواج


وللاسف هيه حاله تؤدي بالزوجه الى الاكتئاب والقهر احيانا واحيانا اخرى الى كره الزوج او شخصيته الهادئه اكثر من اللازم..



الزواج مشاركه ..

ولكن للاسف كثير من الازواج لا يشاركون زوجاتهم في مواضيعهم .. بل يطرحونها على كثير من الاصدقاء المقربين لهم ..


عموما انا ارى انه لا حل مع هذي النوعيه من الرجال غير التجاهل .. صحيح انه شي صعب ان تتناسى وجود زوج او شريك معك .. ولكن لابد من اشغال النفس بشي اخر ..

بعمل .. بالبيت .. بالامور الاجتماعيه الاخرى

فهو اغسلي يدك منه .. وهذا نصيبك مثل ما هو نصيب كثير من أمثالك اختى..

انشغلي بأمورك الخاصه واجعلي لك امورا خاصه مثل ما هو يعمل ..

وسوف ترين انه سيبدأ باالاهتمام وليس بالتغير الكامل ..

لكن سيشتاق لك اكثر ويهتم بك .. وسيشعر بان لك خصوصياتك مثل ما هو له خصوصياته مع اصدقائه ونفسه..


هذا رأيي الشخصي ..

انا اشوووف انها تشوف شو الامور اللي يهتم فيها والاشياء اللي يحب يتكلم عنها .....
وتتكلم وياه في المواضيع اللي تهمه والشغلات اللي يحبها..
واذا اهو دايما يرجع وينشغل بالنت او التلفون فهذا معناته انه مافي شي يلفت انتباهه في البيت ..وعايش روتين ولاشي تغير..

ليش ماتحاول تشد انتباهه باجواء حلوه في البيت يوم يرجع عالاقل تنسيه تعب الشغل..وتسليه

مثلا اذا كان راجع البيت المسا ترتبله عشا حلو وترتبله اجواء رومانسيه في البيت وتسويله مفاجأه وتكون كاشخه طبعا

صدقيني بنفسه بيتكلم وبيستانس وياها

يعني دائما تحاول تلفت انتباهه ماتخليه يشغل نفسه بأشياء غيرها ...ودشي افكار وتجارب تراه وايد فيه افكار عجيبه تفجر الرجل الصامت ههههههههههههه:)


ترا في بعض الرياييل جذيه يوم مايلاقون شي يلفت انتباهم في البيت تلاقينه يطلع ويا ربعه او عالنت او ماسك هالتلفون وهات ياسوالف ويا ربعه ...او تلفزيون وساكت.....

خليها تجرب تغير الاجواء في البيت وخبريني شو يصير وياها:)

الله يوفجها يارب وان شاء الله يتغير ريلها:)