هل الزوج مجبور يجيب لي خدامة شغالة بشكارة ؟

اذا عندج عيال وايد وبيتج كبير والشغل وايد بتحتاجين شغالة، اما اذا ريلج شايف ان البيت تقدرين تتدبرين اموره فما راح يجيب لج، انا عن نفسي لما كثرت المسؤووليات علي جاب لي اياها عادي والحينه انا حامل فشغل البيت كثير، على الرغم اني ما زلت الاحظ كل صغيرة وكبيرة بالبيت...
اما عن سالفة ملزوم والله ما اعرف شو اقولج لأن كل وحدة وحالتها وطريقة تعاملها مع زوجها................وانشاء الله يا رب يجيب لج الشغالة

مثل ما قالت الاخت .. الزوج مو ملزوم ( يعني مافيه شي شرعي ) بس لو عندك اطفال والبيت كبير وانتي موظفة مثلا تقدرين توضحين له بالهدوء انك محتاجة لشغالة
انتي تقولي انه مايقدر يجيب شغالة .... يمكن ماديا ما يقدر
لا تضغطي عليه

فيه حلول كثيرة الى ان يتحسن الوضع ... جربي الشغالات المؤقتات بالساعة مريحين .. ما تحاتين لبسهم ونومهم ويغثونك بس يشتغلون لك كم ساعة في النهار

انا عن نفسي زوجي مصر على شغالة بس انا اقول ما ابغى الحين ما عندنا اطفال ماله داعي اجيب وحدة تغثني في عيشتي على الفاضي

فانتي لا تضغطي عليه لو هو يقدر معليش بس لازم يقتنع اول عشان بعدين لا سمح الله لو صارت مشاكل مع هالشغالة ( وياكثر مشاكلهم ) لا يلومك ويقول انتي السبب

انا بصراااحه سمعت في الراديو ان البنت اذا كانت مخدووومه في بيت اهلها لازم الزوج يخدمها في بيتها المقصووود ان اي ييب بشكاااره لها

اما اذا كنتي ماعندج شغل في البيت ليش تخربين على عمرج يمكن تبين تكونين لج خصوصياتج وماتبين تخرب عليج هذه

وانتي وشطارتج يمكن الريال مايقدر لاتضغطين عليه بعد حرااام

لا تجبري زوجك لو يقدر كان ما قصر
بالعكس بتكبري في نظره انج تراعيه

[grade="00008B 0000FF 4169E1 00BFFF 000000"]مر حبا الغاليه وانا بعد رايي من راي الاخت الجرح الأليم
لان مره سمعت الشيخ في محاضره يقول اذا كنتي مخدومه في بيت اهلج واجب عليه ايوفر لج خادمه تخدمج في بيت زوجج ..
والله اعلم[/grade]

شرعا : أن كانت الفتاة ممن يُخدم في بيت أهلها فيجب أن يأتي لها الزوج بمن يخدمه
وصراحه الوحده ان كانت في شقة صغيرة أو ملحق ماله داعي الخدامه الا ان كانت تتعب
والتفاهم بين الزوجين افضل
والله يسخر لك زوجك ويسعدك الغاليه0

((مره سمعت الشيخ في محاضره يقول اذا كنتي مخدومه في بيت اهلج واجب عليه ايوفر لج خادمه تخدمج ))
و اذا كان الزوج مايقدر انه اييب خدامه ؟ شيسوي

احنا بالكويت نسميها خدامة :D

للتوضيح فقط ..

وسوري ماقدر افيدج ..لاني مو متزوجة وماعندي خبرة في هـ السوالف ..

بس اعتقد لو هو مقتدر ..وانتي بحاجة الخدامة ..ضروري يحطها لج ..

اما اذا حالته ضعيفة المفروض انتي تعينينه وتتغاضين عن هالامر ..

:)

عزيزتى انا سمعت رأى خواتى وانا اايدهم اذا انت زوجة جديدة يتهيألى بلاها الشغالة عشان تاخذين راحتج مع زوجك

اما اذا عندك اولاد وتشتغلين فحبيبتىبالكلمه الطيبة تكسبين الرجال ولوهو لبن العصفور يجيبه لك

فبقعدة رومانسية وعشا لذيذ صدقينى يطيح اللى فى راسه

فعليج عزيزتى بالكلام الحلو اللى معروف عن بناتنا

والله يسعدج ويهنيج

حبيبتي ما اقدر افيدج لاني ما اعرف حالتج بالضبط !!!

[grade="00008B FF6347 008000 4B0082"]يعني لو بيتج كبير وعندج يهال يبالج خدامه ولو ما عندج فيفضل انج ما تييبينها ...

وشوفي حاله ريلج الماديه ....ولو ما يقدر اتركيه ولاا تيبينها ....[/grade]

صدقوني فهالايــــاااام مشاكل الشغلاات اكثر من نفعهم والله ... :down::down::down:

لاطبعاً مو ملزوووم

انا اللي سمعته من شيخ انه ملزوم ايبلج خدامه
يعني حد يساعدج في الخدمه و هذا معناته خدامه

بس اختي اذ كنتي مب محتاجتنها فلا دخلينها في حياتج لانه احيانا نفعهم اقل من ضررهم

لا طبعا مو ملزوم شرعا !!

بس ممكن بالكلمه الطيبه يوافق وحاولي معه

عندج عيال بيتج كبير ملزم يسويلج وحدة حتى لو بالساعات والله هالايام الوحدة منا ما تروم لحالها على شغل البيت وانشالله بالتفاهم تييبين راسه....................

RoOoOmy_M:
مثل ما قالت الاخت .. الزوج مو ملزوم ( يعني مافيه شي شرعي ) بس لو عندك اطفال والبيت كبير وانتي موظفة مثلا تقدرين توضحين له بالهدوء انك محتاجة لشغالة
انتي تقولي انه مايقدر يجيب شغالة .... يمكن ماديا ما يقدر
لا تضغطي عليه

فيه حلول كثيرة الى ان يتحسن الوضع ... جربي الشغالات المؤقتات بالساعة مريحين .. ما تحاتين لبسهم ونومهم ويغثونك بس يشتغلون لك كم ساعة في النهار

انا عن نفسي زوجي مصر على شغالة بس انا اقول ما ابغى الحين ما عندنا اطفال ماله داعي اجيب وحدة تغثني في عيشتي على الفاضي

فانتي لا تضغطي عليه لو هو يقدر معليش بس لازم يقتنع اول عشان بعدين لا سمح الله لو صارت مشاكل مع هالشغالة ( وياكثر مشاكلهم ) لا يلومك ويقول انتي السبب

انا مع الاخت