موضــــوع للنقــــاش: كبـر حجم ووزن الجنين.. هل له علاقة بما حدث في الحمل من تأثيرات؟

السلام عليكم ورحمة الله وبركاته...


من فترة بسيطة.. بشرتكم بولادة مرت حماي وجابت بنوتة حلوة سمتها مريم..

وامس مرت اخوي ( عضوة معانا هني اسمها حلوة المحي ) بعد ولدت جابت احلى فطومة..

قولوا لا اله الا الله.. وادعولي الجاية اجيب انا بنوتة بعد...

المهم..

انهم ولدوا في نفس الفترة الزمنية تقريبا.. فارق اسبوع او اكثر بقليل.. وجابوا ثنتينهم بنوتات..

مو هني المحك..

مربط الفرس ان البنات المولودات اوزانهم من العيار الثقيييل !!

قولوا ما شاء الله
لا اله الا الله
وصلوا على النبي
ومسكوا الحطب..

مريم وزنها 4 كيلو بالتمام ..

وفطوم وزنها 4.700 !!

انا قعدت افكر.. ما اعتقد انها مصادفة .. لازم فيه عوامل خلت اوزانهم توصل لهالدرجة !
واكيد تعرفون شقد تعبت امهاتهم في الولادة.. حتى ان ام مريم سووها قيصيرية !


المهم .. هل له علاقة بالجو؟ يعني هل مولودات الربيع تكون اوزانهم مرتفعة؟

ام مريم ارتفع عليها الضغط خلال الحمل وااايد..
وام فاطمة هم ارتفع عندها السكري بعد وايد ...
هل له علاقة ايضا؟

شنو تتوقعون السبب؟