احاتي خطوبتي

الف مبرررررررررررررررررررررروك حبيبتي

حياتي السنه الي فاتت كان عندنا عرس اسلامي واتفقنا مع منشد بحريني يسوي لنا اغاني بدون موسيقى يعني اسلاميه
والله طلعت الاغاني اتجنن ماتوقعتها جذي نفس الاغاني العاديه واحلى بعد والكل استاانس عليهم
ووخذو الناس فكرتنا

مدام انتي بالبحرين شرايج تتفقين معاه اسمه حمد الجابر او الجابري بتلقين له اناشيد بالنت وربي يوفقج

الف الف مبروك يالغاليه

حبيبتي لا تحاتين ولا شئ وان شاء الله تفرحين بخطوبتج
راي مثل راي الاخت اللى ردت قبلي الله يجزيها خير

انا من فتره حضرت عرسي اسلامي والله كان رووووووووعه
اختاري الاناشيد حلوووووه ومناسبه وتوكلي على الله

الله يوفقج ويسعدج ياااعمري

السلام عليكم

الف الف الف مبروووك والله يتمم لك بخير

كلامي من كلام خواتي اللي قبل


وحاولي انك توصلين للمنشد اللي قالت لك عليه الاخت

وان ماقدرتي توصلين له حاولي تروحين محل يسوي لك نفس الاغاني بس بدفوف حنا سويناها بزواج اختي

وان شاء الله بتكون احلى خطوبه:)

السلام عليكم ورحمة الله وبركاته

هلا بيكي أختي..

أختي أنا فرحي كان إسلامي...و ما فيه أغاني...و لله الحمد و الشكر...

روحي محل الشرايط الإسلامية...و إسأليه عن شرايط أناشيد الأفراح...و راح تلاقي أناشيد من أروع ما يكون :)

الله يتمم لك على خير إن شاء الله :)

شوفي عزيزتي
خيره وصدقيني خيره
تركك للاغاني في وقت تطلبين الخير من ربك والتوفيق
وابدليها باشرطه اسلاميه
فيه اشرطه كانها الطق العادي
وماتفرقينها
صدقيني بينزل ربي الخير عليكم
بدل وجود الاغاني وتجمع الشياطين

وكلمه اقولها الملكه والزواج والدنيا كلها بتخلص وبيجلس الاثم وكل اثم احد سمعه عليك

[grade="00008B FF6347 008000 4B0082"]هلاا اختيه والف مبرووووووووووك مقدما ... صدقيني الاناشيد فهالايام احلى من الاغاني ....

اسالي عن الاشرطه الحلوة وصدقيني بتحصلين وااااااااااايد .... عندج المنشد فهد الكبيسي اتوقع شي اسمه ما اذكره بالضبط شريطه ولاا كل الاغاني ...

ديسكوووووووو هههههههههههههههههههههههههههههه ... [/grade]

الف مبرووووووووووك
والله يوفقك
و أنا أضم صوتي للاخوات
أستبدلي الاغاني بالناشيد الاسلاميه
و إذا ما تحبونها
فيه أشرطه طق أو أغاني من صوت الطقاقات من غير موسيقه ولا أورج

كل اعراسنا كانت اسلامية والحمدلله رب العالمين الكل مستانس وكل الناس يسولفون مع بعض واطلعوا من كل عرس وسالمين على روسهم من الصدعه والعوار
الله يوفقك حبيبتي

من كم يوم رحت معرض الكتاب عندنا في البحرين وسمعت اغاني روعة ولما سألت عنها أكتشفت انها اناشيد بس بدفوف وصدقيني فضيعة ولا جنها اناشيد روحي وبتسمعينها

اذا انتي من البحرين عندكم ماشاء الله منشدين طبي وتخيري

واذا بتحاسبي على هالشي ترى حلات الزفه جذي اسلامية اغاني الاوليه بس بدون طبل

صج بيكون حلو

اممممم الله يوفقج يارب

انا سالفتي كانت بالعكس
انا ما كنت اريد احط اغاني واهل زوجي كانوا مصرين على الاغاني
وما حطيت والحمدلله العرس كان حلو وحتى اهل زوجي استانسوا كثير ومدحوا الحفلة

الله يوفقك عزيزتي

وان شاء الله تكون احلى خطوبه

ورأيي من راي اخواتي

والله يتمم لك على خير (:

مشكورييين حبايبي على ردودكم و ماقصرتوا
انا ما بي اضايق ام خطيبي لأن ماشالله عليها تحطونها على الجرح يبره
بس ما قط رحت عرس اسلامي و لا اعرف شلون يكون و متخوفه اكثر شي من كلام اللي حواليني
كل اللي سمعوا اني ما بحط اغاني قعدوا يطالعوني بنظره غريبه و يقولون لي هاي فرح مب عزه و هي ليله في العمر..تبين الكل يكتئب و ما عرف شنو ارد عليهم

السلام عليكم

أنا في خطوبتي حطيت أناشيد اسلامية، أنا وخطيبي كنا رافضين رفض قاطع إن نحط أغاني حتى البعض تخوف إن يصير الحفل بارد أو كئيب لكن اللي صار بالعكس و بشهادة الجميع،، الأناشيد اخترتها بعناية وبعضهم كانوا توهم نازلين، خطيبي راح محل تسجيلات وخلاهم يسجلون الأناشيد اللي اخترناهم في سيديات بحيث إن الصوت يكون واضح و عطيناهم مشغل الدي جي اللي راح يكون موجود في الصالة ليلة حفلتنا حتى حددنا اليه كل سي دي متى يشغله، والحمدلله الحفلة كانت روعة و الكل استانس وحتى اللي كانوا مشككين تفاعلوا مع الدي جي الاسلامي واعترفوا ان كان حلو واجد،، وأنا اهم شي عندي ان ما عصيت ربي.

عزيزتي تقدرين تختارين الأناشيد اللي تبغينها بنفسش، روحي محلات التسجيلات واسمعي الأشرطة في أشرطة أفراح ما شاء الله يعني فعلاً فرايحي ولا هي كئيبة ولاهم يحزنون،، وردي على اللي يقولش انها ليلة في العمر انش تبغين البركة تحل في ليلتش هذي اللي هي بداية لحياتش الجديدة وهالشي ما يصير إذا بديتينها بمعصية رب العالمين.

مثل ما قالوا خواتي ..

اختاري أناشيد دينية .. و الحين صايرة الأناشيد كأنها أغاني .. و إذا تبين الغالية بارسل لج روابط .. نزليها عندج على الكمبيوتر

و انسخيها أو اشتري لج سي ديات أناشيد .. و إن شاء الله بتفرحون و بتستانسون .. لأن فعلاً مب عدلة الأم ما تكون موجودة

بس عشان الموسيقى و الأغاني ..

يا بنت الحلال .. الناس لازم يتكلمون حتى لو حطيتي لهم طبول جدامهم .. توكلي على الله و لا تحاتين .. و ربي يكتب لج اللي فيه

الخير ..

مشكوريييين حبايبي و ما قصرتوا على ردودكم والله ريحتوني

الف الف مبروك يالغاليه

حبيبتي لا تحاتين ولا شئ وان شاء الله تفرحين بخطوبتج

مشكوره حبيبتي العيون الجارحه على ردج و انشالله كل شي يتيسر

ممكن تعطوني أسامي محلات تبيع أشرطة إسلامية بالبحرين