بناااات الامارات والزهبة + اراء ومشاركاات

غريب قلت الموضوع بيعجبكم !!!

تسلمي اختي نحنا بعد في سلطنه عمان عندنا نفس العاده
لكن نحنا فقط نراوي الناس الذهب بس
ممكن نضع الذهب في المندوس وتكون الاطقم مزينه بالشرائط
والورود


وطريقه ثانيه تكون الهدايا(الذهب) موضوعه في صواني فضية او ذهبيه

ونزينها ونضع الاطقم عليها ونلحفها بلحاف من التور ويكون اللحاف مزين ويكون باللون الاخضر


ما عندي صور لكن كان تقدروا تنتظروا لحد شهر سبعه عرس اختي وراح اصورلكم اياهن

حلو الموضوع
ونبا البنات يفيدونا
وياليت الي عندها صور اتحط النا

مس شانيل

شكراا نور الايمان نحن بعد الذهب والملابس وكل شئ تقريباا

وانا بعد اشجع يا مس شانيل بس لا حياة لمن تنادي

وفي الانتظاااااار

موضووووووع حلو بس رووحي ابا افكاار حق الزهبة مع انه احس مالها دااااعي بس شنسوي لازم نتقيد بالعادات ياريت العرايس اللي عندهم افكااار يفيدونااا

وتسلمييين الغالية عالموضوووع

الغالية في حرمة تضفي حركات وايد روعة عالعرض لاني شفت عروضها عند كم عروس ادا حبيتي اتصلي عالخاص

يسلموووووو بنات ع المرور بس نبى تفاعل اكثر

سويتي الووووو ع الخاص شيكي حبيبتي!!

والله مااعرف لانه نحن في عيلتنا مانحب هالاشياء

بس ولا مره حضرت زهبة بنات من الاهل علشان اخبركم كيف

بس الللحين يعرضون الذهب بس لا غير

واغلبهم على مااظن يعرضونها على طاولات مزينه
وعارضين الاطقم على تماثيل مااعرف شو اسمها بس اللي يعرضون فيه الذهب

وفيه بعضهم يعرضونها على الطاولات الصغيره المتحركه تعرفونها صح وتكون مزينه طبعا


ونترياااا نسمع اراء وافكار البنات

تسلمين على طرح هذي الفكره


انا اليوم مرتبه زهبتي مب كلها اللي جهز

قمصان النوم والملابس الداخليه في شنطه ومرتبه ومصصففه ومغلفه

المخاوير طبعا يتوزعن على شنط وتكون كل كندوره مغلفه بورق شفاف والشنطه مزينه

شيل الصلاه والسراويل الدج والدنتيل في شنطه

كل شنطه مع الجوتي طقم على ارفف مستأجرتنها مخصوصا

شنطه وسط للشيل الخاصه

مندوس فيه اغراض الحمام وانتوا بكرامه من شمبوا الى صابون الى رغوه واللازم منه

مندوس وسط فيه الشبصات والشبكات والاكسسوارات الخاصه في الشعر

مندوس وسط فيه الفوط والروب وفوط الراس

عربانه على شكل طابقين عبره عن معطره الرف الاول فيه كل انواع العطور دهنيه ورش
الرف الثاني للدخون وعطر الفراش

في الوسط احط مجسم زجاج اسطواني احط فيه الذهب وتكون الدوائر متحركه


منكانات لعرض المغربي والعبايا الفخمه

وهذي تقريبا كل شي في زهبتي

صح نسيت افضي ركن في الغرفه علشان الهدايا

وادعوا لي بالتوفيق

السلام عليكم

انتو تراو الناس كل هذا نحنا في السلطنه الذهب فقط

ما نراوي احد تجهيز العروس حتى خالاتها وعماتها ما يشوفن تجهيزاتها

فقط يشوفوا الذهب لا غير معلومه جديده اول مره اعرفها

الغرنجية انتى تقولين مستأجرة الارفف ؟؟ من وين ؟؟ وبكم

واذا ممكن تحطين صور تعديلج وترتيبج !!!

هلا خواتي

مثل ما قالت وحده من الخوات هي عادات

بس مو معناته نلتزم فيها بالذات لو نحن مو مقتنعين بها

انا عن نفسي ما راح اعرض زهبتي

هي مو للعرض ومب لازم حد يشوفها

بس يمكن اعرض الذهب والهدايا

يعني الناس تروي زهبة بناتها عسب يقولون شرووا حق بنتهم وزهبوها

ومايقولون خذوا فلوسها وما زهبوها

بس نحن في غنى عن كلام الناس

وجهة نظر والسموحة

رمز المحبة:
الغرنجية انتى تقولين مستأجرة الارفف ؟؟ من وين ؟؟ وبكم

واذا ممكن تحطين صور تعديلج وترتيبج !!!

الغاليه الارفف ماخذتنهن من جميرا غلري متعهد حفلات

اما اللي يعرضون فيه الذهب شريته لانه اجاره غالي وقلت احسن اشتريه واكسبه بدل ما ادفع فلوس على الفاضي


ومن عيوني يا الغاليه بصور لج كل شي وبحطه

الله يعينكم كل هذا؟؟!! اشياء وايد مبالغ فيها وتكلف وايد الله يعين الرياييل بعد تلومونهم يوم ياخذون اجنبيات؟؟ .....انا اماراتيه وعربيه بعد بس ما براوي حد زهبتي لانه هاي عاده جديمه ودروها الناس من زمااااااااااااااان وما احسبها ضروريه بس يمكن اصور الزهبه واعرضها على الشاشه الكبيره في الفندق وبعدني متردده بعد لانه ما اشوف هالسالفه ضروريه وبصراحه يا (((الغرنجيه))) أختي ممكمن تخبريني وبصراحه كم مكلفنج عرسج كامل؟؟؟؟؟؟؟؟؟؟

بنات انا مادري أنتوا ليش مستغربين !!!!

ترا هذه عادة اماراتية معروفة وااايد وخصوصاً في منطقة العين .. وما اعتقد فيها شي غلط او حرام !!

وعلى فكرة ترا هالعادة غير اجبارية .. يعني اللي ما يبا يسويها عادي كيفهم وعلى راحتهم

بالنسبة لي دايماً نسوي هالشي في أعراس عايلتنا..وترا هالشي ما يكلف..الحين انتوا مخسرين على اشياء وااايد في العرس يعني حبكت على عرض الزهبة ؟!! :D

وعرض الزهاب يستوي في "يوم المكسار" ((( وترا كل ضيوف يوم المكسار هم اهل العروس وأهل المعرس يعني مافي حد غريب)))

وسبحان الله أحس الكل فرحان حق العروس, وخصوصاً أهل العروس والعروس نفسها .. له طعم خاص هاليوم :)

في عرايس يرتبن الزهبة قبل العرس باسبوع تقريباً في غرفة معينة في البيت, علشان إذا أهل العروس ومعارفها زاروهم خلال هالاسبوع, أم العروس تراويهم زهبة بنتها

بس بالاصل يكون خلال يوم المكسار .. ونحنا كل اعراس اهلنا نسويه يوم المكسار




رمز المحبة

حبيبي هذه مجموعة من المواضيع وفيها أفكار حلوة لعرض الزهبة:

كيف ارتب زهبتي؟
((شوفي رد عنود الصيد ونهر جاري))

أفكار عرض زهبة العروووووووووس
((اقري رد موزة الحبوبه))

ليلة الحنا................او المكسار
((شوفي رد عنود الصيد و موزة الحبوبه))

الى بنات ابوظبي
((كل الردود اللي في هالموضوع مفيدة))

ابا اعرف كل وحده كيف رتبت زهــــــــابها؟؟؟؟؟؟
((شوفي رد ذوق ومثل الخيال))

طلبتكم...قولوا تم....... افكار لترتيب الزهاب؟؟؟؟؟
((شوفي رد ملاك الامارات و عنود الصيد))

ماااااااقصرتي ومشكورة

تسلمون على الموضوع..
احنا استوينا نكتفي بعرض الذهب..
وباقي الزهبة تعرضها العروس حق ربيعاتها