المعاش اللي ماعاش!!!!!!!!!!

والله حبيبتي ذكرتي بوحده مثل حالتك هوس صرف الفلوس حتى لو في بوكها دينار لازم تصرفه !!! لي هالدرجه تصدقين

بـــــــس لقتها حل وايــــــد فادها

تدرين شنو !!!!


شرتلها حصالت فلوس الفخار الي ما تقدرين تبطلينها لازم تكسرينها

وكل ما نزل معاشها قطت فيها مبلغ معين

ليما انملت هالحصاله وكسرتها وطلع المبلغ الي فيها جداا محترم

نفعتها وايد هالطريقه وعرف بنات جربوها

اتمنى اني قدرت افيدج ولو بالقليل من هالقصه

باي

نفس المشكله عندي او بالاحرى عند زوجي بس انحلت اتعرفين اشسويت سويت حساب توفير طبعا انا ما اشتغل بس فتحته باسمي وزوجي يحول فيه الف درهم شهريا والحمدلله مانحس بهالالف الي تنخصم كان زوجي مب عاجبته الفكره لكن بعد فتره تفاجأ بمئة الف درهم فالحساب واقتنع وراح زاد الالف خلاها الفين وصدقيني ابد ابد ماحسين فيها ونسيناهاوبعد اتعرفين الغاليه اذا تبين تزيدين بركة لفلوس اكفلي يتيم بخمسين درهم او عايله ب200 درهم صدقيني ربي بيبارك فالفلوووووووس وما اظن هالمبلغ الي بيتحول للكفاله شهريا بينقص شي
وبتكونين كسبتي من حديث الرسول صلى الله عليه وسلم انا وكافل اليتيم فالجنه

شرااااااااااااااااااااااايج

على فكره الدينار لكويتي يساوي 10 دراهم اماراتي

حلوه فكرة ام فطامي جربيها

هلا حبيبتي ...

يستوي انح تحطين مثلا 1000 درهم في حسابج بحيث انج ما تقدرين تسحبينه يعني ال 1000 هاي تنزل في حساب غير حسابج بس باسمج .. واختي مسويه هالشي

[grade="00008B FF6347 008000 4B0082"]وانا ويا فكره ام فطامي ... فكرتها حلوة وتنفع جربيها وماراح تندمين ... [/grade]

السلام عليكم ورحمة الله وبركاته

كانت عندي نفس المشكلة والحل اللي سويته استفدت منه الحمدلله....
انا عندي حساب جاري وراتبي ينزل فيه.. وعقب مالاحظت اني اصرف تقريبا كل الراتب قمت وفتحتلي حساب ثاني بس توفير وقلتلم شهريا يستقطعون مبلغ معين من الجاري ويحطونه فالتوفير واللي يتبقى فالجاري آخذ راحتي معاه..هههههههههه

جربي هالطريقة اختي وصدقيني بتنفعج ان شاءالله...

تحياتي... ولاتنسوني من دعاءكم

فعلا ها المعاش ما يلاحق ويكمل الله يساعدالجميع

والله انا عندي هوس صرف الفلوس
لو حتى شيء ما أبقي ومب محتايه له
أشتريه على طول حتى لو شيء خاص
بالاطفال ههههههههههههههههه :dd:

فتحتلي حساب وقسمت راتبي نصين
واحد أصرفه على كيفي والثاني احطه
كتوفير والحمد الله الحين ما اعاني ولا
احاتي هالشيء نهائي ...

حبيبتي مشكوره على هالنصيحه والله يباركلكم

انا كنت مثلج بس اشسويت انا وزوجي نحط كل شهر مبلغ معين في شهادات الرابح ما ادري عندكم بالكويت هالحركة وهي كل خمسين دينار تحطينها بالبنك ويعطونج عليها شهادة مثل الشيك وتدشين سحب كل شهر ويصير تسحبينها بأي وقت ما عدا اسبوع قبل السحب والحمد لله ما شين على هالحال

تمام كلام اختي مسك بالفعل ما نفعتني غير هالطريقة

الحال من بعضه والله
احس هالصفة مستحيل تتغير فيني وحتى لو حاولت دائما عندي اصرف مافيه الجيب

الله يهدينا ابس

مبلغ 1000 ريال مثلا من الراتب ما يسوي شي اصلا ولا راح استفيد لو شلته يعني نهاية كل سنة يطلع لي 12 الف بس !!
شسوي فيها

والله معاي بنات رواتبهم 3000 ريال بس ويمكن يصرفون منها 700 والباقي كلها موفر
هذي الناس العاقلة

أنا كل شهر أشيل من راتبي مبلغ معين وأحطه في حساب توفير وكل ما صار المبلغ زين أحطه إستثمار...

وبكذا أدخر لمستقبلي إللي ما أدري عنه شيء...

أفكاركم وايد حلوه

الحال من بعضه
الصراحة انصدمت لما حسبت كم اجمالي راتبي السنوي
وكم انا اوفر منه كل سنة

فشو سويت؟؟
فتحت لي حساب توفير وسويت له تحويل شهري
وحاولت اني ادخل جمعيات
والمبالغ اللي احصلها من الجمعيات اضيفها لحساب التوفير

وفعلا الحمدلله صار عندي مبلغ حلو
ودخلت في مشروع استثماري صغير:clap::clap::clap:

وناوية استمر انشالله


نسيت اخبركم

لا واستويت اسلف الناس بعد:cool2::cool2::cool2:

والله نفس معاناتي....حطيتي إيدك ع الجرح...أصرف راتبي كله، وياليت أصرفه وبس!!! فوق هذا أتسلف من اخواني وخواتي...ولا بعد طلعت لي بطاقة فيزا، عشان إذا كان حسابي مصفر أشتري منها...ما ينزل الراتب إلا الفيزا تخصم،،وأسدد ديوني..ويخلص،، وشهريا على ها الحال :(...قلت بستوي شاطرة وبسوي حساب توفير مثل غيري، وفعلا فتحت حساب توفير،،،،،بس شو؟؟ نص الشهر رايحة ع البنك أسحب اللي فيه،، مسكين حساب التوفير، كمل سنه والرصيد اللي فيه صفر :( :( :(
مادري شسوي......انصحوني

وانا....انا وريلي على قولتهم التم المتعوس على خايب الرجا...هاهاها
اثنينا مسرفين عاد ياهي رواتب...من اول يوم ينزل النعاش يطير ثلات ارباعه حق الديون هذا واحنا تونا متزوجين لابيت ولاسيارة عدلة لا واالباقي اللي يظل لو احنا اوادم جان قدرنا نجمع منه لكن يطير بعد بيومه من الاسراف واتسلف بعد وبالفيزا وكل الطرق

هذي مشكلة الاغلبيه

شوفي انتي فتحي لج حسابين
وفي بنوك مختلفه ( بنوك اسلاميه عشان الله يبارك لج )

اذا معاشج الف دينار

خلي 500 في بنك
وال 500 الثانيه فبنك ثاني

بس لاتطلعين بطاقة السحب الآلي للحسابين

انتي اختاري حساب واحد بس وطلعي له بطاقه
وبهالطريقه بتسحبين من حسابج وبتنسين الحساب الثاني

اصلا حتى لو مانسيتيه
اكيد يتستثقلين روحة البنك عشان تسحبين من الحساب


او انج تخلين الراتب ينزل في حسابج

وفي بداية الشهر تسحبين نص الراتب او ربعه

وبطاقة السحب تخلينها فالتجوري ( الخزنه ) لين الشهر اللي بعده وهكذا


او

انج ماتطلعين بطاقة سحب
وبداية كل شهر تاخذين مبلغ من الراتب والباقي تخلينه فالبنك

اما بالنسبه للمشتريات
حطي اولويات

يعني مب مهم تشترين كل شي هالشهر

جزئي

شوي هالشهر
وبعدين الشهر اللي بعده