ياخبيرات المكياج سااااااااااااااعدوني !! بلييييييييز

وينكم ياخبيرات التجميل !!
:eek2:
ابي أعرف ايش مكياج العيون اللي يناسبني !! لأني ماأقدر أحط كريم اساس على وجهي لاني قاعدة أعالجة !!
فأبي أركز على مكياج العيون !!
أنا انتظر نصائحكم و خبرتكم بفااااااااارغ الصبر !!!
فأفيدوني !!
بس بلييز يسرعه !!
:sad:

هلا بج أختي


خبرتينا إن عينج بارزة طيب شنو شكلها ؟ طويلة ؟ لوزية ؟ دائرية ؟

وبعدين لون الظل تختارينه على حسب مساحة جفنك مب كبر أو صغر العين نفسها



فلو كان جفنك صغير ابتعدي تماما عن الالوان الغامقه و خذي الالوان الفاتحه
الوان الطيف
الترابيه
الذهبيه
مع مراعاة يكون الكحل مب عريض

و
العكس للجفن الواسع يحتاج لظل غامق عشان تقل مساحته



طيب خبرينا
شو الماكياج اللي تستخدميه ؟

مشكوووووووووووووووووووووووره يا الغالية
على الرد و النصيحة
:smile:
أما بالنسبة لعيوني
فهي شوي لوزية و مساحة الجفن كبيرة
و سؤالك عن نوع المكياج اللي استخدمة اذا تقصدين الماركة !!
فأنا أستخدم ماركات كثيرة !!
منها make up for ever
nevia
bourjois
loreal
Remel
و.........و ......

لكن هل أحط أكثر من اللون الاسود أسفل العين و على الجفن المتحرك و لا لأ؟؟؟
و اذا أقدر!!!! فإيش هو أكثر أقلام الكحل سواد و لونه فحمي و لا يسيل !!!!

و مرة ثانية أشكرك !!! فمجرد ردك و مرورك على الموضوع يعني لي كثير (f)!!
و هذا يدل على ذوقك :)!!
و بانتظار ردك و راي الباقين !!
thanks

وين العالم!!!!!!!!
:qaq:

هلا اختي

السموحه منج لتأخري


اللون الأسود لما ينرسم على خط الرموش السفلى بشكل مضبوط يعطي انطباع بأن العين وسيعه و جذابه


بس لو كان ماكياجج للأيام العادية العمل / الدراسة يعني مب مناسبات حاولي ماتثقلين في الماكياج و الكحل في الجفن الأسفل

يعني يكفي كحل و لون أو لونين بالكثير للجفن العلوي


طبعا بيكون كويس إذا قدرتي تعرفي لي عينج مايله على فوق أو تحت ؟ عشان اخبرج شو رسمة الكحل اللي تناسب لج بالضبط؟
و هل فيه مساحه بين عينج الثنتين و كيف شكل الأنف؟


فلو قلتي لي إن عيونج قراب و الفرق في المساحه بينهن صغير..
راح اقول لج تبدأي وضع الماكياج من الزاوية الخارجية حتى نصف الجفن المتحرك - لوزة العين - و كذلك الكحل و الماسكارا، يعني نص عين بس اللي نمكيجها!

طبعا اختيارج للماسكارا مهم لأنها لازم تبرز و طولها راح يغطي من كبر مساحة الجفن ..



و طبعا مثل ماقلتي لسموكي آيز يناسب لج لأن جفنج واسع، خاصه إنه سهل ومابتحتاجين لفن في وصع الكحل السائل



عندج كحل برجوا حلو و فيه منه ألوان الصيف الرمادي و الكحلي و الماروني
عندج بعد كحل بودي شوب و محمود سعيد يجي غطا العلبه اخضر

و اللي استخدمه حاليا ريشه و مريح جدا و سعره حلو بعد تقريبا 91 ريال..
- الرد الجاي بكتب اسمه لاني ملااانه افتج صندوق الماكياج - :)



و إذا ماعندج خبره برسم الكحل السائل او العين عليج بالآي لاينر كيك من بن ناي يستخدم بالفرشاة رووووعه جدا

اتمنى انج تفهمين كلامي ولو فيه أي نقطه مب مفهومه لايردج إلا لسانج

راح نواصل معاج بعد ماتردين


و ياهلا فيج حبووبه

ما شاء الله اختي انت انا ماقصرت معاج حتى انا استفدت من بعض الاشياء اللي قالتهاااا

هلا فيج حبووبه
qshark


أتمنى فعلاً إني افيدكن

و أي شي تحبون تستفسرون عنه تراني بخدمتكن لاتترددون
وخلونا نفيد و نستفيد


وياهلا بج

أنت أنا
تسلميييييييييييييييييييييييين
يا لغالية على دك و نصيحتك
:up:
و اعذريني ان كنت تعبتك معاي :o!!!
و بالنسبة لأسلتك :
فعيوني المساحة بين العينين عادية لا كبيرة و لا صغيرة و خشمي بعد
مثل هذي اللي بالصورة و عيني بعد تقريبا زي عينها بارزين بس هذي عيونها شوي ناعسة

و أنا فعلا ما عندي خبرة في رسم الايلاينر و ما أدري وش بالضبط اللي يناسبني !!
لان بما أن عيني واسعة و شوي بارزة
فأبي اعطي لعيوني بواسطة المكياج عمق زيادة
و الله يعينك على أمواج الاسئلة اللي بتجيك مني الحين !!
:bigsmile:
فأنا فعلا أمووووووووووووووووت و أعرف ايش أفضل مكياج هادي بالكلية و بعد في المناسبات !!
و نبدأ بالسئلة - الله يعينك علي :D- :
ايش الافضل لعيوني الظل الاسود السائل أو البودرة !!
و ارسمة فوق العين و لا من أسفل العين !!
و هل أضع الوان غامقة و لا فاتحة على الجفن المتحرك !! من عند الزاوية الداخلية و لا الخارجية !!
و هذي الاسئلة للحالتين : المكياج البسيط للكلية و المكياج الثقيل حق المناسبات..
بس حطي ببالك ان حتى بالمكياج البسيط كل تركيزي على العين و بس لاني ما أقدر احط كريم أساس و لا بلشر !!
فأبية يكون مكياج عيون مسكت !! و يعطي منظر و تميز لوجهي ...
و بالنسبة للمسكرة فهل اخذ المسكرة اللي تزيد من طول الرموش و لا الي تزيد من كثا فتها !! و ايش أحسن ماركة !!!


و سوووووووووووري على الاطالة !!!
:)
و يا عمري مشكوووووووووووووووووورة
مرة ثانية على ردك و تحملك لأسئلتي اللي ماتنتهي :D!!

هلا أختي

اخبارج..؟

شوفي الآي لاينر كيك نستخدمه لتحديد زوايا رسمة الكحل وهو مثل ماخبرتج للمبتدئات ولحصول على نتائج دقيقة جداً
يعني الكحل السائل لابد منه

ولو نشتغل شغل بدمج الألوان و نتجاهل الكحل السائل ماتبرز العين

بما إن المساحه ماتعتبر صغيره بين العينين فبيكون شغلنا على الجفن المتحرك كامل

و مثل ماقلت لج
الأسود و الألوان الغامقة تناسب لج و تخفف الجحوظ
طبعا مااقصد الالوان الغامقة الاسود او البني وبس .. لا
يعني على الجفن المتحرك ممكن تستخدمين اللون المشمي / البيج / الذهبي و الزهري بشرط يكون أغمق من الفانديشن اللي تحطينه

في المناسبات بيكون الخيار لج في الألوان لكن بالكلية حلو يكون الماكياج هادئ و غير متكلف يعني طبيعي


و طبعا لازم يكون رسم الكحل في الجفن العلوي عريض و السفلي دقيق
و تحتاجين لـ آي لاينر بنسل و لمعة إضاءة لاسفل الحاجب و عظمة الجفن

و لابد من الكحل داخل العين.. و حلو تغيرين بألوان الكحل اللي لداخل العين

فلوكانت عينج بنية أو سودا..تقدرين تستخدمين الأزرق الغامق/ الأخضر الغامق و الرمادي
وما انصحج بالألوان الذهبية اللي مثل الأصفر و درجاته ..

ولو كانت عينج ملونه يناسب لج البني و الأسود..

يعني نستخدم التضاد لإبراز عدسة العين..

تبين نصيحتي بالأيام العادية ابتعدي تماما عن الالوان الغامقة و حاولي يكون مكياجك هادئ بالمره ..
لو حطيتي اضاءة اسفل الحاجب
كحل داخل العين
كحل حول العين و ماسكرا بيكون كافي لأن لرموش راح تغطي المساحه


وطبعاً شوفي الحواجب لازم نعطيها لوك و نغطي الفراقات و ممكن تكون محتاجه تطويل أو شيء ثاني يعني نبحث عن عيوبها و نصلحها..

الماسكرا فيه 3 في 1 ، تكثيف تطويل و إلتواء - رفعهم على فوق - هذه احسن شيء و ابتعدي عن ماسكارا ماكس فاكتور

الكحل السائل اللي استخدمه هو Stendhal صناعة فرنسيه
والماسكارا من جيرلان
انصحج بالزرقا مرره جميله


بالأخير نصيحتي خليك سمبل.. يعني اللي يشوفك بدون ماكياج مايتخرع...


و بما إن الربيع وصل حبيت اخبرج
ألوان هالصيف راح تكون البرتقالي و الأخضر بدرجاتهم



بعد ماتخلصين قراءة الرد روحي للمرآة و طالعي عينج مايله على فوق لو تحت؟؟ ركزي مضبوط
عشان أخبرج يناسب لج كحل مفتوح من داخل أو لخارج أو يناسب لج لمسكر؟



يلا كملي الاسئلة ماكو تعب و لاشيء



انتظرج

نسيت اسألج

احيانا نحط الكحل داخل العين و خارجها و نلاحظ وجود فراغات على خط الرموش صح ؟

جاوبيني و بخبرج شي:)

أنت أنا:
نسيت اسألج

احيانا نحط الكحل داخل العين و خارجها و نلاحظ وجود فراغات على خط الرموش صح ؟

جاوبيني و بخبرج شي:)

ايه حبيبتي !! هذا دائما يحصل معاي !!!
بس دائما أقول ان المشكلة في الكحل انه يسيل و يحوس الدنيا !!

بس عيوني مثل هاذي اللي يالصورة


و أحس اذا عرضت الكحل فوق العين بيبرز عيني أكثر !! وش رايك !!
و عند نهاية الجفن المتحرك و بداية عظمت الجفن تنصحني أحط الوان غامقة عشان أعطي عمق لعيني و لا لا!! لاني ماأقدر احط فاونديشن بالجامعه !!!
و هل يكون الكحل بأسفل العين أعرض من اللي في أعلى العين !!!
و الكل اللي قلتي عنه وش هي ماركته !! و بلقاه في faces بالسعودية و لا مو موجود !!

و بالنسبة للشفايف المنفخة يصلح لها الارواج المطفيية الجافة !! و لا الغلوسات بلمعة !!

و مشكوووووووووووووووووووره يا عمري على تحملك لأسئلتي اللي ما تنتهي
:smile:

و عيني فتحتها على فوق !!
فإيش رايك !!

هلا بج اختي


الصورة توها طلعت لي :)


يناسب لج كحل مفتوح من تحت..

و الشدو يفضل يكون فاتح في الزاوية الداخلية للجفن المتحرك لأن نوعا عظمة الخشم مش بارزة كثير..


ايووه ممكن تحطين لون غامق تحت العظمة و على والعظمة نحتاج لإضاءة..

ومثل ماقلت لج كحل عريض من فوق و دقيق من أسفل يعني فوق أعرض من تحت..

و الشدو إذا ماتستخدمين فاندينشن فيكون اللون أغمق من بشرتج..



بس ليه دون فانديشن؟

ماادري الكحل موجود بوجوه أو لا، لأني اخذته من مارينا مول الطابق الثاني ..


و طبعاً احمر الشفاه يفضل تكون جافة كأنها طبيعيه .. بدون جلوس..


و بالناسبه للفراغ بين الكحل داخل العين و خط الرموش، لأنك تحتاجي لآي لاينر بنسل أسود فحمي..


ننتظرج

هلا فيج عزيزتي

السموحه على مروري المتاخر

وان شاء الله برد عليك بس عقب شوي

وموضوعك اساساً مفروض ينحط في قسم المكياج والعطور

وانا نقلته لك علشان تلاقين ردود أكثر



سفيرة فوق العاده

وعليكم السلام ,,

يا هلا أختي ,

بما إن عيونج جاحظة شوي , وكبيرة وفيه مساحة بين العين والحاجب ,

وبما إنج تحبين الشادو الدخاني ,

أحلى طريقة تناسبج هي كالتالي ويا رب أعرف أشرحها وأوصلها بطريقة حلوة ,

بعد ما تحضرين منطقة العين وذلك بوضع الكونسيلر , تحطين على على العين لون رمادي متوسط , وبعدين

تاخذين شادو أسود أو رمادي غامج , وتحطينه على الجفن المتحرك ,

وبعدين بواسطة صبعج أو فرشاة الدمج تصعدينه لفوق الحاجب لكن ما تلصقينه بالحاجب ,

وبعدين تحطين إضاءة تحت الحاجب ,

أتوقع هذه أفضل طريقة للعيون الجاحظة ,

أتمنى إني وصلت الطريقة بطريقة حلوة ومفهومة

وإذا لقيت صور إن شاء الله ما راح أقصر ,

أنت أنا:
هلا بج اختي


الصورة توها طلعت لي :)


يناسب لج كحل مفتوح من تحت..

و الشدو يفضل يكون فاتح في الزاوية الداخلية للجفن المتحرك لأن نوعا عظمة الخشم مش بارزة كثير..


ايووه ممكن تحطين لون غامق تحت العظمة و على والعظمة نحتاج لإضاءة..

ومثل ماقلت لج كحل عريض من فوق و دقيق من أسفل يعني فوق أعرض من تحت..

و الشدو إذا ماتستخدمين فاندينشن فيكون اللون أغمق من بشرتج..



بس ليه دون فانديشن؟

ماادري الكحل موجود بوجوه أو لا، لأني اخذته من مارينا مول الطابق الثاني ..


و طبعاً احمر الشفاه يفضل تكون جافة كأنها طبيعيه .. بدون جلوس..


و بالناسبه للفراغ بين الكحل داخل العين و خط الرموش، لأنك تحتاجي لآي لاينر بنسل أسود فحمي..


ننتظرج

طيب ايش هو أفضل آي لاينر بنسل أسود فحمي؟ ماك !!!
و هم بعد ايش هو أفضل الظل الاسود الفحمي البودرة!!!
و كيف ممكن نسوي الكحل المفتوح من تحت !! لاني ما أعرف ؟


و مشكوووووووووووووووووووووووووره
يا الغالية
:flower::flower::flower:
على تحملك لأسئلتي الكثيرة :)

مجـد:


وعليكم السلام ,,

يا هلا أختي ,

بما إن عيونج جاحظة شوي , وكبيرة وفيه مساحة بين العين والحاجب ,

وبما إنج تحبين الشادو الدخاني ,

أحلى طريقة تناسبج هي كالتالي ويا رب أعرف أشرحها وأوصلها بطريقة حلوة ,

بعد ما تحضرين منطقة العين وذلك بوضع الكونسيلر , تحطين على على العين لون رمادي متوسط , وبعدين

تاخذين شادو أسود أو رمادي غامج , وتحطينه على الجفن المتحرك ,

وبعدين بواسطة صبعج أو فرشاة الدمج تصعدينه لفوق الحاجب لكن ما تلصقينه بالحاجب ,

وبعدين تحطين إضاءة تحت الحاجب ,

أتوقع هذه أفضل طريقة للعيون الجاحظة ,

أتمنى إني وصلت الطريقة بطريقة حلوة ومفهومة

وإذا لقيت صور إن شاء الله ما راح أقصر ,

تسلمين يا عمري على الرد و النصيحة ...
استفدت منها كثير ..
:flower:
و هاذي الطريقة تنفع أكثر في مكياج المناسبات !!
لكن ما قلتي لي اذا بعد أستخدم اي لاينر فوق و اسفل الحاجب !! و لا ما يحتاج !!
و اذا عند صور ... يمكن تساعدني على الفهم أكثر

و مشكورة مرة ثانية على ردك و مرورك:)

سفيرة فوق العاده:
هلا فيج عزيزتي

السموحه على مروري المتاخر

وان شاء الله برد عليك بس عقب شوي

وموضوعك اساساً مفروض ينحط في قسم المكياج والعطور

وانا نقلته لك علشان تلاقين ردود أكثر



سفيرة فوق العاده

مشكورة حبيبتي على ردك و مرورك
و ما قصرتي
:)

و بالنسبة للآي لاينر السائل اللي فوق العين :
هل يكون نحيف من عند زاوية العين الداخلية و كل كا اتجهنا الى الخارج باتجاه زاوة العين الخارجية يسمك أكثر !!! و بعدين أسحبة على تحت !!!!!
و ايش هي أحسن ماركة للكحل الملون الداخلي للعين !!!
لاني مجربة كحل Nouba بس ما أعجبني مرة !!!
ما احس اللون يطول علي و يثبت !!!!