عروس مطلقه

مش مفهومة المشكلة تقصدين مرض جنسي؟؟؟

مش مفهومة المشكلة

الاخت تقول لنها مطلقه و بترجع تتزوج من يديد و هذا اللي مخوفنها

والله يا حبيبتي يحق لج تخافين لان اللي مر بتجربه مب حلوه يفكر مليون مره قبل ما يعرض نفسه لتجربه ثانيه
و هاي الفرصه تعتبر الاخيره يعني مب كل يوم الوحده تتطلق و تتزوج

عشان جذيه لازم تتأكدين من الريال و تستخيرين كم مره و اذا حسيتي قلبج مرتاح خلاص توكلي على الله..و لا تخلين خوفج من التجربه السابقه يخرب عليج زواجج الثاني

لا تتكلمين عن زوجك الاول جدام زوجك الحالي و تعلمي من اخظائك في الزواج الاول..و كوني اكثر تمسكا بالحياه الزوجيه

و ربي يوفقج

عزيزتي متخوفه من شنو بالظبط؟؟

الله يساعدج

حبيبتي انتي ماوضحتي متخوفه من وشووو

واللله المشكله ماوضحتي لنا المشكله هل هي نفسيه او مرضيه او ماذا
على العموم يا ريت توضحين لنا يمكن نقدر نساعدج

الزواج قسمه ونصيب
اختى توكلي على الله
واستمري في قراءه الاذكار في الحافظ بعد الله سبحانه وتعالى
واقري القران الكريم دائماا
ومهما يحصل مكتوب ولا تخافي
فبي كثير ماا توافقو في الاول
مع الزواج الثاني
ماا شاء حياه دائمه
شكراا
الله يو فقك

[grade="00008B FF6347 008000 4B0082"]هلاا والله اختيـــــه ....

حبيبتي مثل ما قالت الاخت دبي بيبي ...

حاولي تتمسكين بزواجج الثاني قد ما تقدرين ....

وانسي انه في حياتج كان فيه زوج ثاني ....

عيشي يومج وتمسكي بريلج الثاني وونسيه قد ما تقدرين ...

وربي يوفقج يا رب ...[/grade]

اختي انا مافهمت سبب خوفك بالضبط هل هو بسبب مرض معين او خوف من تجربه جديده

اذا كان كذلك فالخوف شي عادي خاصه انك خرجتي من تجربه زواج تقريبا فاشله

بس مو معناه انك تضيعين حياتك بخوف وقلق

بالعكس انسي الموضوع وعيشي حياتك كأنه اول زواج لكي والله يوفقك ويسخر لك زوجك مثل ماتبين


كل الود

حبيبتي لا تخافين انا اعرف صديقتي ....ما شااللة تبارك الرحمن اخسن من الزواج الاول مبسوطة وسعيدة ....

تقول الحمدللة انها تطلقت ....تقول كنت اظن حياتي انتهت بس طلع العكس عندها 5 اطفال وتقول ايامنا مثل ايام الخطوبة

عسى الله يطول بعمركم ياخواتي مشكوره على كلامكم الطيب
المشكله الي اصابتني في زواجي الاول
نوع من انواع السحر بقصد التفريق بيني وبين زوجي الاول وبالفعل تعبت كثير حتى اهلي تعبو من الي حصلي .بعد ماتم الطلاق خفيت شوي لاكن فيه شوي تعب يعني يغمى علي فجأه بدون سبب وهذ الي مخوفني من انه يحصل في زواجي الثاني انا فعلا محتاره والله اني ابكي وانا اكتب لكم الرد هذا الحقوني الله يعافيكم

الله يكون بعونج .... خل عنج التفكير وتوكلي على الله وخلج مع الاذكار والمعوذات والرقيه الشرعيه يوميا وان شاء الله ما يصيبج الا الخير ... ومبروك ان شاء الله

استخيري و توكلي على الله بعد ذلك

و استمري في تحصين نفسك بنفسك

و داومي على الاذكار و سيجعل الله لك من كل ضيق مخرجا و من كل هم فرجا باذنه تعالى

فديت قلبج ماتستاهلين لكن هذا قضاء وقدر ماوصيج بتحصين عمرج كل يوم بعد كل صلاة وان شاء الله يكون ريل صالح يعينج عذكر الله والعمل الصالح وخليج قريبه من ربي بالدعاء وكثرة الأستغفار والصلاة
الــــــــــلـــــــــــه يسعدج

اختي لا تخافين عادي وهالشعور طبيعي خوفا من فشل التجربة الثانية

اذكري الله وروقي ... ان شاء الله هالمرة ابرك من اللي فاتت
انتي حاولي تتجنبي المشاكل اللي كانت في حياتك مع زوجك السابق ... وان شاء الله تتهنين يارب

السلام عليكم

الله يعين كل بنت اللي مرت نفس هالحاله والله حرام عليهم هالبشر يضرون غيرهم وايد تستوي بالذات اذا البنت عرست عافانا الله الله لابيليتنا فيما بليتهم واتمنى انه مايمر على اي بنت او بشر بالهدنيا اللي مافيها خير حتى الناس ماتعطي خير لاهلها والواحد لازم يذكر الانسان بالخير وين مايكون لانه العين حق حتى العين نفس السحر وكل الانسان المفروض يذكر ربه وين مايكون سوا يالس ولا واقف ولا راقد في الصباح والليل خواتي عزيزات عليكن بذكر الله كثيرا وين ماتكونن

واختي بوك تو

اذا كنتي خايفه من زواج الثاني عليج تستخيرين ربج اكثر من مره واذكري ربج دايم على اللسانج نهارج وليلج تراه ماشئ احسن من ذكر ربنا عز وجل ولاتخافين دام تذكرين ربج على اللسانج وانسي الماضي لانه مابينفعج اللي صار راح اذا بتمين على هالحاله انتي بتعبين نفسج وريلج يمكن يأثر عليج ولا العكس ماعليج انج اشوفين حياتج الثاني وانج تنسين الريال الاولي لانه ماله وجود عندج الحين دام انه الحين بتعرسين المره الثانية وبشوفين حياه ثانية ويا ريلج اليديد واتمنى تفكرين بكل شئ قبل لا تقولينه لريلج ولا تذكرين ريلج اولي لريلج الثاني ترا الريال مايحب هالشئ ولاتنسين تراه ريلج هو حياتج وبو عيالج في مستقبل ولاتنسين الكلام اللي بين زوجين واهتمامج له وماذكرينه الا بالخير وكلام الحلو واتمنى لج الحياة المستقرة وذرية الصالحة وربي يوفقج ان شاء الله دنيا واخرة

أختج
روح المها

سبحان الله،،،،والله ناس ما يخافون الله،، كيف الواحد تغمض عينه وهو يضر إنسان ثاني..اللهم عافنا،، والله يوفقج ويفك الضيق اللي فيج، عليج بالقرآن والدعاء