بنات قطر ..ابي وحده تجيني البيت وتكون فنانه في هالسوالف :)..بليز قولوا لي

قص الشعر اتوقع الماجده اوكيه بس اناا سمعت ان يجون مادري عاد اتصلي فيهم وجربي
وان شاء الله بيساعدونج البنات

يمدحون وحده باكستانيه اسمها سميره

بنت قطر..مالين الصوالين غالبا مشغولين وبالتفق تحصلينهم وبيضربون ضربتهم بالسعر اللي بمية بيصير بميتين بالبيت !

سحباة قطر..فديتج سميرة خاصة بخلطات الجسم للعرايس اكثر شىء واسعارها نار..الجلسه ب 380 تقريبا !

انا اللي اقصده وحده تسوي هالشغلات بالبيوت..اجيبها البيت بشكل ثابت يعني بدال ماروح الصالون تجيني بالبيت على طول

انا حصلت رقم وحده مادحينها ناس لي ومجربينها بس قلت يمكن بنات قطر بالمنتدى عندهم مرشحات اكثر ومجربينهم !

اذا جربتها بقول لكم:)

وياليت اللي تعرف حد ومجربه...تقول لي :)

جزاكم الله خير يا بنات

الحلم الهادي في وحده كنا نجيبها البيت للحف بس الحين اشتغلت في صالون وصارت بزي بالغصب تلقينها .. من جي صرت اروح الصالون :s

وياريت في وحده تسوي حمامات كريم بالبيت لو عرفتو احد قولو لي ..

سمعت انه سميرة تسوي حمام الكريم أو الزيت (مو متأكده شنو الي تسويه) بـ 100 ريال واذا بتاخذين كورس 8 جلسات يصير بـ600 .. بس مو متأكده وماعرف مستواها بالشعر لاني ماجربتها ..

بعد انا ابي اي حد يعرف يدز لي الارقام على الخااااص والله لا يهينكم ..

الحلم الهادئ يالغاليه ابعثي لي رقم اللي عندج على الخاااص ...

وThanks

ايه والله يا روح قطر...خاصة حمام الكريم لانه مفيييييد وايد للشعر وابي اسوية بالاسبوع مره

تدرين؟ لو حد مجرب سميرة في سوالف الشعر ترى بيطلع سعرها زين يعني 8 جلسات ب 600 اشوفه زين بس مايندرى اهي زينه بهالسوالف والا لا

ابرار..انشاء الله..بطرش لج الرقم بس ترى مادري عن شغلها يعني ماجربتها بنفسي بس فيه وحده معطتني الرقم وتقول انها تعرف وحده تتعامل وياها

هلووو

بخصوص سميرة .. اممممم يمدحونها وايد .. و 380 اوكي على شغلها و تفركها .. مب شرط للعرايس ترى أي وحدة تقدر تسوي

عندها ..

و أذكر كلاسيك جربتها للشعر تقول وايد زينة .. حتى خف التساقط عندها وايد ..

و شسمها اللي عندج رقمها ؟ يمكن أعرفها ..

انا سويت حمام مغربي + الكركم الهندي عند سيلا .. و كان أوكي بس أنا ما استمريت عشان ظروفي.. حتى تعرف للشعر .. و كل

شي يخص الجسم : حف ما حف وهالسوالف .. تقدرين تعتمدينها للجسم / و المانيكير و الباديكير / الحف ..

اممممم بالنسبة للشعر في وحدة اسمها إبتهال .. شفت قصاتها على خالتي و بنتها .. قصها حلو حتى الصبغات اوكي عندها .. بس

شخصياً ما جربتها ..

عندج أم مروان " آمال " كانت تشتغل في صالون دايموند .. أنا أتعامل معاها دايماً تستشور شعري .. سشوارها ماشي حاله و

ينفع .. و تسوي حمام مغربي و تعرف بعد للشعر كريمات ... الخ .. إذا تبين رقمها باجيبه لج ..



أي وحدة منهم تبين رقمها .. قولي لي أو طرشي لي رسالة يمكن أنسى أمر على الموضوع .. لكن أسعارهم ما أعرفها ..

دوحانية..مشكوره فديتج...انا مابي خلطات للجسم...ابي ابس الخدمات العادية الثابته..منيكير وبديكير وقص شعر وحف وحمامات كريم

عشان جذيه اشوف سميرة ماتناسبني..اولا لان خلطات الجسم مابيها وسعرها غالي للاستخدام العادي.........يعني انشاء الله اذا تحدد العرس باجيبها حق هالسوالف بس الحين مب محتاجتها

اللي عندي اسمها "رودينه" بس ماجربتها ولا ادري عن شغلها...بس وحده جابت لي رقمها

ايه سيلا اشوف مجربتها خطبخطب وام شيوخ ويمدحونها...طرشي لي رقمها ولا عليج امر...ورقم ام مروان بعد ..مشكوره حبيبتي صراحه بتخدميني بهالموضوع لاني فعلا محتاجته لوحده تجيني حق هالسوالف :) واذا تذكرين اسعارهم يكون احسن عشان بس مايقصون علي خخخخخ :)

جزاج الله الف خير

الحلم الهادئ
انا بعد جربت سيلا اللي هي نور
بس في شغله
ترى قصت علي بالسعر
سويت عندها حمام مغربي عادي قالت لي ب250 والسبشل 350
قلت لها رفيجتي تقول ب 150 قالت لا
الظاهر لما شافت البيت زادت السعر وغلطتي اني ماتفقت معاها عالسعر بالتلفون فلا تغلطين غلطتي

انا اليوم ياتني نوور سشورت لي شعري
كان زيييين

الحين سيلا هي نفسها نور ؟؟

طيب ممكن رقمها ماعليكم امر .. =)

اي نفسها

انا جربت ابتهاااال لقص الشعر وكان قصها حلووو ومرتب ...


وعن الحف انا اتعااامل مع صالون ريما اللى بالخريطيااات ودايم اخذ الفلبينية لان يدها خفيفة ....

انا جربت ابتهاااال لقص الشعر وكان قصها حلووو ومرتب ...


وعن الحف انا اتعااامل مع صالون ريما اللى بالخريطيااات ودايم اخذ الفلبينية لان يدها خفيفة وتجينى البيت ....

بعد انا ابي اي حد يعرف يدز لي الارقام على الخااااص والله لا يهينكم ..

الحلم الهادئ يالغاليه ابعثي لي رقم اللي عندج على الخاااص ...

سيلا هي نور انا تحنيت عندها ولسااانها طووويل وتهذر واايد ويوم عرفت اني عروس قعدت على رااسي ب3الاف ريال اسويلج كل شي وحنه والخ لعووزتني وحناها يطير بسرعه ماادري بس تحنيت بالعيد 3 ايام واتصل لها مابغت تجي واخرتها حنتني ورابع يوم صار اصفر يلوووع الجبد

وليش تقول اسمها نور موفاهمه ؟

يمكن اسمها موعاجبها

اقوولج سوت معاي تحقيق اني اعرف ان اسمها سيلا
لووول

أختي الحلم الهادئ ماقصرتي على طرح السؤال لأنه بيفيدنا كلنا ..
..
وخاصة انا أبغي وحده تسوي لي حمام كريم وحمام زيت في البيت بدل روحة الصالون ..
ياليت اللي تعرف رقم وحده موثوق فيها وفي نظافة شغلها اتطرش لي رقمها ع الخاص ..
ولها مني الف شكر..
..

عروس اغطسطس انا حجزت سميره
البنات وااااايد يمدحونها

سميرة أدري بها فديتج ..
وما قصرت معاي قبل ما أعرس جبتها ..

بس سميرة ما أنصحكم بها تسويلكم الشعر .. هي زينة حق التفرك والخلطات بس ..
أما الشعر ما أنصحكم .. الشعر يبيله وحده تعتني فيه أكثر .. وشغلها أنظف ..
..
وياليت اللي تعرف وحده اتدليني عليها ..