بنات ولدي بيضيع مني اعطوني الحل

ترى امكن غار من اخته عشان كذا تغير

حاولي تستخدمين معه اسلوب الحرمان

يعني اذا ما سويت كذا بحرمك من الشي الفلاني الي هو يحبه

اذا غلط اضربيه واذا سمع كلامك كافئه وزي ماقلت لك اذا عاندك احرميه من الي يحبه

حاولي تتكلمي معاه على انه كبير ومفروض ما يسوي كذا وان العيال الي مو حلوين كذا يعاندون ويتعبون امهم

قوليله بعديم الكل بيكره ولا احد بيحبك قوليله اذا تبغى تدخل الجنه اسمع الكلام عشان الله يحبك

وان شاء الله يتغير ويرجع يسمع الكلام

انا صراحه ما اايد الدلع للعيال حتى لو كان اكبر واحد ولا اخر العنقود

الدلع يخرب العيال

والله يعينك ويتغير ولدك

تحياتي لك

حبيبتي انا والحمدلله عندي بنات وصارت عندي خبره لاني من زمان معرسه مو كبيره واايد بس يعني نقول افهم شوي بالحياه ماابي اتفلسف بسانا معلمه ف مدرسة اولاد واعرف كيف اتعامل معا هم ولله الحمد................حبيبتي اول غلطه انج كبرتي راس ولدج عليج انت لازم تكونين هيأتيه نفسيا قبل لا اتيي اخته مثل:
حبيبي انت الحين بتصير رااال ومسؤول عن اختك اللي بتيي وانا بصير تعبانه وانت بتطالع عليها.......وهكذا المسأله مب حسد ولا طب نفسي
انت الحين لازم تعطينه المسؤوليه الشوي بان تقوليله انا بروح المطبخ وانت شوف على اختك ومن تطلعين راقبيه وخلي عينج عليه..اذا صدر منه اي شي يضر البنت ادخلي عليه وسوي روحج ماشفتيه وكلميه وشجعيه وحاولي تحفزينه بانج تعطينه حلاوه وتقولين له شاطر انا كل يوم بخليك تطالع على اختك انت مثل ابوك ف البيت بيحس انج تهتمين فيه وف اخته بنفسالوقت لاتسوين مثل ماقلتي انج تسويله اللي يباه لان هذا اكبر خطأوهذا طريج الضياع الله يحفظه لج ما بطول علج بس الموضوع مهم ولدج يبي يلفت انتباه الكل لان بنظره اخته خذت الاضواء عنه فحببيه باخته وحسسيه باميته عندج بدون لا تنفذين كل اوامره................والله يعينج

السلام عليكم...

اختي لا تخافين... ترا الأطفال يتغيرون دائماً... و بعدين معروف انه الغيره من الشقيق الأصغر تأثر وايد في نفسية الطفل.... يمكن يقل أكله و يضعف. بس انتي تقربي منه و ما فيها شي إذا استشرتي طبيبه.

الله يحفظلك اياهم و يحببهم في بعض.

بالتوفيق

اخواتي نسيم الشوق وام مرعي وlayla2005 الله يعطيكم العافيه لمشاركتكم وابغى اقولكم كل اللي قلتوا عنه سويته ضرب حرمان حملته مسؤؤلية اخته هو يحبها وهي متعلقه فيه بس احيانا يطفش منها اذا كان هو طفشان ويخاف عليها لدرجه انه اذا اخذت ابره او دواء يخاف ويتضايق بس فيه شئ مخليه سئ الطبع وعنيد والله جنني وندمت على اني دخلته الروضه معلماته يحبونه بس عيوبه كثيرة يعني مايبي احد يظبطه في الفصل لدرجه انه اذا ما عجبه الدرس ممكن يخرج من الفصل ويروح الألعاب بدون ما يستأذن وبعدين يرجع ويجي البيت ويقولي ماما انا ماأعرف ادرس ما ابغى احفظ .......... كل شئ مايبغاه طيب انا وش اسوي

ابوه لا يمكن يتعامل معه على انه طفل ودائما مكبر راسه بانه راح يدرسه انجليزي ويصير عبقري حاولت افهمه ان اسلوبه غلط بس لا حياه لمن تنادي والولد راح يضيع ...............................؟؟

حاولي كم مره معاه حتى لو ماجابت نتيجه ازعلي منه لا تكلمينه

قوليله اذا ماسمعت كلامي ماراح احبك

والعجوز الحرميه بتاخذك مني لازم فيه ثغره تتعاملين معاه فيها

الله يعينك اختي ويهديلك ولدك

حبيبتي عاملية بلطف وفهمية ان هذه هي اختة مثل ما انت عندج اخوان واولاد عمة عندهم اخوات بس كلمية وخلي الاطفال الي معاكم يكلموا وحسسية ان كل الي يريدة راح تسوية وخلي ابوه يكلمة يكون افضل
والله يوفقج ويخليهم لج

نسيم الشوق وام حور تصدقون حتى الزعل جربيته عادي ما يهتم وهو عادي متقبل وجود اخته بس فيه شئ ماني عارفته اللي مخليه يسوي زي كذا يعني معقوله وجود طفل آخر في حياته يخليه يتصر بعناد وعدوانيه وعلى فكرة انا الآن حامل ويقولي ماما جيبي ولد احسن انا ما ابغى بنتك ............. !!

بصراحه عجزت وخايفه بالمرة عليه لا يصير مكروه من الناس لانه اي احد ما يعطيه على كيفه على طول مشاكل وصياح الكبير والصغير على حد سواء ..

اختي ليل طيب ليه ما تسألينه اش فيك ليه سرت كذا انت اول

كنت تسمع الكلام ليش تغيرت امكن في داخله شيء كلميه

انتي قلتي ماشاء الله عليه يفهم ويتكلم زي الكبار

قوليله اذا رجعت تسمع الكلام ولا تعاند بجيبلك اخو يلعب معك

ادعيله دايم الله يهديه

الله يعينك عليه اختي بس يمكن تكون نكسة غيرة وان شاء بتزول بمرور الأيام وبيتقبل الوضع الجديد

طبيعي عزيزتي فتره وتعدي مررت علي انا كمان ولدي لما جات اخته عمل عميال بس فيني مو في اخته لدرجة يحط السكر بشعره ويقول شوفي شوفي يعني الا اعصب واهاوشه يستفزتني وكانه يقولي انتبهيلي مع اني في تعاملي ولله الحمد بين اطفالي اضبط الامور لدرجة بنتي الكبيره وولدي هذا مسوين حزب علي من حبهم لبعض عزيزتي في اشياء اتبعتها تعبت مرره بس الحين ارتحت

اعطي شعور لولدك انو اهتمامك مازال له وان البنت مالها اي اهتمام كنت اقول لبنتي على اخوها
اوووف مزعج تقولي حرام عليك تقولين على اخوي كذا ...


اقولها تعالي ابوسك اشتقتلك مرره تقولي والبيبي اقولها انتي احبك اكثر هي من نفسها تقولي حرام والبيبي
صحيح قلبي يتقطع بس محرومه اني ابوس البيبي الجديد امام الكبير ولا ارضعه الا من وراهم المهم انه قدامهم اني ابد مو مهتمه الا فيهم وبالاخص عند رجوعي من المستشفى قلت لاهلي بنتي متعوده لا دخلت تهلون وترحبون فيها اكبر غلط لما ادخل بالبيبي تطيرون تبوسونه وتحضنونه ويصير صدمه امام بنتي لانها متعوده هي الي تنباس ويسلمو عليها . تعرفين بيبي جديد الكل بيسلم عليه اول مع انو كانو مع القديم دائما طايرين...

وطبعا من حملت وانا اقول اسمعي حبيبتي اخوك يناديك من بطني يقولك احبك

واجيب هديه وااقول منه
واقولها يقولك لما اجي من بطن ماما اجيبلك حلاوه وهديه ولما ولدت وجات تزورني حطيت الهديه بدولاب السرير وقلت جابلك انتي ونسيني يحبك اكثر مني ودوم اقولها انتي يحبك كثير اكثر مني انا وبابا

الحين وربي دفاعها عنه لدرجة كبرو وماتبيني اربيه او اعاقبه تحس انها مسؤوله عليه هههههههههههههههه

واللهي حبيبتي اتبعت طرق كمان بس مو حابه اطول عليك

اهم شي تشعرينه ان مافي شي تغير والغلط الكبير من خوفكم عليه تدلعونه زياده اكبر غلط تخربين كل الي بنيتيه لا خليكي زي ماانتي قبل الولاده ارجو اني اكون افدتك ...


واسفه على الاطاله للعلم الي اتكلم عنها بنتي الكبيره بثاني والولد بروضه والمولوده سمالله عليها 5 شهور:)

[align=justify]السلام عليكم يا بنات
انا عضوه جديده في المنتدى وهذي اول مشاركه لي

وارجوا انكم تقبلوني في منتداكم

حبيت اعلق على موضوعك لان تعايشت مع طفل بهالشكل

اول شي يا بنات احنا دايم لما نزعل مع اطفالنا نقولهم علىطول انا ما احبك

انتم تدرون ان هذي الكلمه اكبر مدمر لنفسية الطفل حتى لو قلتي له من بعدها لا انا احبك ما يصدقك
ويصبح طفل مهتز الشخصيه

متردد و عنيد وغير كذا من الصفات السيئه صدقوني

يا بنات احنا لازم نتقبل اطفالنا مثل ما هم بكل غلط و صح يسوونه

بس لما ننتقد الطفل لاتوجهين الانتقاد له هو ابدا

قوليله بالحرف الواحد (انا احبك لاكن ما يعجبني اللي سويت )

دائما وجهي الذم على الفعل مو على الولد حتى هذي الطريقه مفيده مع الناس الثانيين في حياتك

وخاااااااصه الزوج حلو ان احنا نتقبل الناس كما هم بس ننتقد الفعل مو الشخص

ثاني شي حبيبتي انتي دلعتي ولدك و انتي اللي لازم تعدليه على فكره يا بنات

الطفل المدلع بالذات شخصيه غير مرتاحه لانه لا يعيي ما يريد ويحب يكون الانسان اللي قدامه

هو الموجه والمدبر ولكن بلطف وحكمه لان يا بنات احنا لما نعطي الطفل كل شي هو ما يعرف وش اللي بمصلحته والصح

لذلك اذا انتي تدخلتي بالوقت المحددفي اي موقف معاه راح يحترمك كثير و يهتم لكل كلمه انتي تقولينها ويفهمها وان كابر في البدايه

لما ترفضين له طلب قولي له بكل ادب وبصوت دافي وواطي انا رفضت طلبك بسبب كذا وكذا

وانزلي لمستواه وحطي عينك بعينه بحنيه واذا يحتاج حزم خليك حازمه بس لالالالالالالاتعصبين وتعلمينه انه استثار اعصابك

والضرب لالالالالا والف لا الا في الحالات القصوى ضربه وحده على اليد وغير مؤلمه ومو عند احد بينكم وبس

ممكن اتكلم اكثر بس اخاف اثقل عليكم وانا اسفه على الاطاله ..........................والله يوفقك اختي ويحفظ لك ابنك ويصلحه ...:shy:

الي باين أن كل الي صاب ولدك من أخته،، لأنه عاش فترة طويلة لوحده بالبيت ويحصل كل الي يبيه والحين يشوف أن إهتمامك تحول لشخص آخر،، كل هذه العوامل أدت إلى هذه النتيجة..

جلسي معاه وشوفي شنو فيه وشنو طلباته يمكن يتكلم الطفل ويعبر عن الي بنفسه.. ومافيها شي لو خذيتيه لطبيبة نفسية ممكن تقدر تساعدك بحل هالمشكلة...

هلا وغلا

حبيبتي ليل المجاريح

الله يكون في العون

الظاهر لما خليتي فارق في السن بينه وبين أخته هو الي عمل كعامل محفز لولدك بأن يقوم بهذه التصرفات لأنه كبر وفهم ... مثل ما الحين أنا أعاني الأمرين مع ولدي حيث أنه من الحين وأن أقول له أن لك أخو جاي في الطريق ... تدرين من عرف أن في شي في بطني وهو دايم يضربني على بطني ... وهو صاير واااايد عنيد وعصبي ... ودايم بيصيح ويبكي .... وما أعرف له حل ... وما أدري شنو رايح يكون الوضع إذا ولدت ... بيتقبل البيبي أو لا .....

أني قد الأمكان حاولي أنك تكونين معه أكثر من أخته ... وحاولي أنك تسمعين شنو يبي ... والله يهديه لك ويصلح حاله وحال ولدي معه ....

بصراحه يابنات خجلتوني حسيت فعلا انه فيه ناس تشارك ناس همومها ..

كوكيز : يشرفني ان اول مشاركه لك تكون بموضوعي ياهلا فيك وكلامك من جد مفيد ..

رانيا وحلوووة واكبر قلب وبدر البدور اشكركم وابغى اقولكم انه كل شئ تتخيلونه سويته اي شئ اجيبه اقول من اختك بس يفرح شوي واحيانا ما يهتم وفعلا انا دائما اعصب ولا امسك نفسي قدامه واحيانا الاحظ انه ينبسط لمن ازعل ويحس انه قدر يسوي فيني شئ ..

يالله بحاول فتره واذا ما نفع بروح للدكتورة يمكن لوراح يتغير ويصير احسن قبل لا يكبر فيه الشئ هاذا وبصراحه انا خوفي كله يدخل الإبتدائي وهو كذا عاد المدرسين رجال وما يرحمون ...

تصرفات طبيعية لطفل في سنة ... اختي الغيرة من المولود الجديد شي طبيعي جدا
اختي كان عمرها 7 سنوات ونص لمن جابت امي اختي الصغيرة آخر العنقود
لو تشوفي التصرفات شلون

انتي خليك صبورة ... وتصرفي معاه بحكمة لانه ما شاء الله خلاص كبير يفهم عليك ومبدأ العقاب والثواب هو الحل

ماعليه الا العافية ولا تصدقين اي احد يقول لك عين ومن هالكلام ... صحيح الحسد والعين حق وذكرت في القرآن بس لا نخليهم شماعة نعلق عليها مخاوفنا
اختي

دخول الطفل للروضة يزيد العصبية وحالة النشاط لانه يتعلم حركات جديدة ويقلد الاطفال اللي معاه ... يمكن انتي غلطك الوحيد انك للحين مدلعته بزيادة ...
بدل ما تعطيه لعبة على تصرف خطأ .. احرميه وبيني له انك زعلانة بس مثل ما قالت الاخت مو بكلام يمكن يضره اكثر مما يفيده
خصصي بعض الوقت له وخلي زوجك مع البنوتة عشان ما يحس انها اخذتك منها
اعتقد ان المشكلة كلها انه متعلق فيك

لا اكثر ولا اقل
واستشارة طبيب نفسي راح تكون في صالحه