بنت خالتي تحب خطيبي

السلام عليكم ورحمة الله وبركاته
انا راي انج تنصحينه اول شي لانه مراهقه
اذا ما فادتها النصيحه عاد خبري خالتج عسب تمسكها
بس اول شي فهميها ان هذا شي غلط
بصراح هذا راي
والله يساعدج

اختي انتي قلتيها بنفسك انها مراهقة ... هالشي مشكلتها هي مو مشكلتك ومدام خطيبيك يحبك ما عليك منها

بس لو زودتها تقدري تكلمي احد تثقين فيه عشان يفهمها بهدوء ان هالانسان خلاص مرتبط وعيب تطالع فيه
بس انتي شلون عرفتي انها تحبه ؟
يعني هل تصرفاتها او تسوي شي يخليك تعتقدين انها تحبه ؟

[grade="00008B FF6347 008000 4B0082"]هلاا والله سندس .. وحيااااااااااااااج بين خواتج وربيعاتج ...

شوفي حبيبي ما عليج منها .. خلها تولي دام انها مراهقـــه ...

بس تدرين والله المراهقات هالايام يسوون اللي ما تتخيلينه !!!

شوفي انا بخبرج شو تسوين ؟؟؟

اول شي اسمحيلي اقولج هالكلمه ...

حبيبتي ريلج غلطان .... اهو عاطنها مجال ...

اشحقه ضايفنها عنده فالماسنجر ؟؟؟

واشحقه لما ترمسه يقعد ياخذ ويعطي وياها فالرمسه ....

ولو تمادت وايد رمسي اي احد من اهلها ويكون فاهم عسب يفهمها انه هالشي غلط ...

وقولي لريلج يسويلها بلوك من الماسنجر كبدايه عسب تفهم ...

وما بينهم الاا السلاام يعني ما يقعد يرمسها وايد ...

عسب اهي تفهمها وتبعد عنه وتتركه بحاله ....

بقولج كلمه من اخت ...

مستحيل انتي تقدرين تبعدينها عنه دام اهو عاطنها مجال ...

وووبس هذا كل اللي عندي ....

واسمحيلي بس هذا رايي ووووووبس ....[/grade]

خليها تحبه

تموت فيه

تحاول تكلمه

تسوي اي شي


المهم حبيبتي رد فعل خطيبج..مدام ما
يعطيها ويه خلاص....مب مهم تصرفها
وبعد قولي حق خطيبج لا يضيفها على
المسنجر ,,,و يحطها بلوك,,,, ايغير ايميله
ولا يعطيها المجال تكلمه في البيت
او عن طريق الموبايل
هي يوم بتشوف انه لابسنها ولا بعاطنها
اي مجال بتتعب وبتتراجع...

اما بالنسبه لج انتي لا تخلين هالسالفه
سبب لأي خلاف او ضيج بينج وبينه ولا
تحاولين انج دوم تطرينها جدامه عشان
هالاسلوب يخلي الريال يفكر في وحده
ثانيه....

الله يهديها ويوفقج ويا خطيبج

حاولي تفهمينها براحة هذا غلط و لا يرضى بها الله سبحانه و تعالى
و خلي عينك عليها و اهتمي بخطيبك كمان بدون اهمال و لو حتى بسيط
و لو حصل حاجة منها معه لا تقطعيه و خليه يتكلم بكل صراحة
و اصبري و ان شاء الله تدعي هذه المشكلة على خير
و مبروووووووووووووووووووووك مقدما على الزواج

والله يالغاليه ( كثر الدق يفك اللحام))
لاتكلمين مع خطيبك عنها شوي شوي بيهتم فيها وبيرق قلبه عليها وبعدين ليش يضيفها ع المسنجر!!!!!!
لازم تكونين حازمه معاه وقولي له يحذفها
وحاولوا تشوفون لها حد يتزوجها مادامت تبي اتعرس
والله يوفقك ويكافيك شرها

صح كلامج اختي الجوهره انه اوافقج الراي

وايد في قصص جذي اول شي مايعطون ويهه بس مع الايام و كثره الحركات يصير العكس

حتى لو كان يقول انه مايبيها

بسم الله "..

حبيبتي ..

اسمعيها مني ..

لا تفتحين عين زوجك على اشياء غافل عنها..

والمراهقة هذي تركيها عنك.. ولا تحسسي خطيبيك غيرتك من هذه المراهقة..

بعدين يحس انك فيك نقص من كدا تهتمين لهذي البنت..

مشي الأمور هذي البنت مردها بتعرف ان اللي تسوي غلط وراح تهدأ..

وخطيبك تقدري تنسيه الدنيا وما فيها بنظرة حلوة منك وبوسة..

والله يوفقك. . بس ها طاري البنت هذي لا تفتحينه ويا خطيبك..

الله يسلمكم يا الغاليات

والله ردودكم كلها تبرد الخاطر واحس انه في احد يهتم باحد هالايام

مثل ماقلت لكم مش خطيبي يلي يضيفها عالمسنجر هي تدخل بايملات اخوانها وتسوي ليها حركات يعني الواحد اليوم مايسلم لو وين راح

بس ان شاء الله مثل مانصحوني خواتي اترك السالفه على جنب واهتم فيه احسن من اني اراقبها واعطيها اكبر من حجمها

بس لاني توني يديده على هالحياه احس السالفه مأثره في نفسيتي شوي
ومنكم نستفيد

اتمنى لكم التوفيق في حياتكم

انا من راي البنات دام ان خطيبج ما معطها ويه ماعليج منها خلها تموت قهر..ولاتيبين الموضوع وايد جدام خطيبج..ومثل ما قالو الاخوات بس خل خطيبيج يسويها يلوك...

هلا فيك أختي , أنا من رأي أنك تكلمين أحد من أهلها أختها أمها أي احد كبير يوقفها عند حدها قبل ماتكبر السالفه وينقلب كل شي عليك لاقدر الله .
لك تحياتي .

انا انصحك تسفهينها وبتموت حره ويكفي خطيبك قال لك هذي مراهقه ماعليك منها

يعني حطي يدينك بمويه بارده واذا تزوجتوا اكيد انها بتترك تفكيرها هذا لأنه خلاص الرجال وتزوج

يمكن هي تحاول تلفت انتباهه عندها امل انه يعطيها وجه بس بعد الزواج خلاص بيروح املها

وبعدين نصيحه لاتصجين خطيبك فيها صدقيني بينهبل واخرتها يمكن يصير شي انتي ماتتمنينه

مشكورات ماقصرتوا

والله يهدي الجميع مثل ماتدرون اليوم المراهقات مش مسوين سوايه

ويلي سألتني شلون عرفت انها تحبه كانت مطرشه ليه ايميل رساله حب وفيه شعورها وهالخرابيط الظاهر انه خطيبي راح يكلم اخونها حتى يحطو ليها حد

ادعولي بالتوفيق

طنشيها....

عزيزتي انا بنت عمي خربت علي خطوبتي كان عمرها 15 سنه وانا عشرين بس اللي خلاني اسيبه انه بدال ما ينصها لا استلذ الكلام معاها
حاولي تعقليها او خلي احد يكلمها

ارحيها و وقفيعا عند حدها

حبيبتي لو انا منك اوواجهاا وقولها

قولي حق امها او اختها الكبيره

عشان ينصحونهاا

مشكورات خواتي على نصحكم

زي ماقلت لكم انه خطيبي كلم احد اخوانها والظاهر طخت عقب ماكلموها

بس خايفه ترد الى حركاتها عقب فتره

خايفه وايد لانه توني يديده على هالحياه

ادعوا ليي حبايبي

الله يوفقك ويستر عليك