استفسار ومساعده...وين ممكن احصل فساتين سهره في الإمارات ؟

سيري دونا ممودا في بوظبي عندهم هالقياسات بس لا زم اذا تلبسين فستان سهره يكون يكرمج نعالج كعب عالي .. وسموحة

في دبي وايد محلات
في مركز البستان عندج في غواني .... في قصر الشرق و كمن محل بعد عندهم فساتين روعه و مقاسات حلوه و يضبون الفستان لو تبين

و في مركز الهنا بعد شي محلات

و عندج طبعا ليلي فالي اللي عند سيتي سنتر ديره
و في السيتي سنتر عندهم دبنهامز عنده اشيا سواريه راقيه و في مون سون و بعد كوكون



لو تذكرت غيرهم بخبرج

السلام عليكم
كيفكم صبايا؟ والله انا متلك دموع حائره محتاجه اعرف وين محلات فساتين السهرة في ابوظبي بس عايزة الاسعار تكون معقوله
لاني عندي مناسبه الشهر الجاي
ومشكورين

مرحبا اختيه

حبيبتي عندج وايد شي محلات في دبي
بوتيك فساتين بس اسعارهم غاليه اتصلي البداله وهم بياطونج الرقم..

مركز البستان شي وايد محلات بصراحه لفساتين العرس

مركز صحارى اللي في الشارقـه عندهم كمن محل للأعراس

كوكون متوزع في مول الإمارات ..وشي في الستـي سنتر ..إلخ..

عندج الميغا مول اللي في الشارقـه عندهم بصراحه محلات لفساتين الاعراس روعـه وبالاشكـال اللي انتي تحبينها ....

بوتيك الإسطوره لتصاميم إنسام خلف اللي في شارع النصر في بوظبي

وإذا تذكرت غيرهم إن شاءالله ماببخـل عليج

عندج محل قصر الملكه وايد حلو وفظييع وما بتبينيين انج متينه ابداا لانهم يحطولج كورسيه يخليج مخصره والسموحه

http://www.3roos.com/forums/showthread.php?t=172442