الناس بدأت تتكلم عن فلانة

السلام عليكم ورحمة الله وبركاته

دار نقاش بيني وبين رفيجتي عن موضوع

فحبيت اني اشوف آرائكم فيه

لو وحدة خطبوها كثييييير

ومن ضمن اللي خطبوها شباب خلوقين وملتزمين ومعروفين بإلتزامهم

لكن هي دايما ترفض

كل مرة يخطبها شخص تسأل عنه واهلها يسألون عنه وتدخل معاه مقابلة "الشوفة الشرعية"

وما ترتاح له وترفضه

او ان يكون في اسباب ثانية عندها للرفض

شنو بتقولون عن هالبنت ؟

رأي صديقتي هو ان الناس بيقولون انها تترفس على النعمة

وانها شايفة روحها على الناس

وما تبغي اي واحد

ويمكن على تحب شخص ثاني

ويمكن ان فيها عيب ما تبي احد يكشفه !!!

وتقول بعد ان الناس اذا سمعوا عن وحدة انها دايما ترفض

بيحطوها في البلاك ليست

وما بيفكر احد انه يخطبها

لأنهم بيكونون واثقين من الرفض

ورأيي كان هو ان المسألة عادية جدا

كل وحدة يخطبونها شباب وممكن ما ترتاح لهم

او ما يعجبونها

او ما فيهم المواصفات اللي تدور عنها

وممكن ان الشخص ملتزم وخلوق لكن سبحان الله ما يرتاحون لبعض

فمو معقولة انها توافق على واحد مو مرتاحة له عشان ترضي الناس

وعشان ما يقولون عنها انها تترفس على النعمة

او ان يطلعون عليها كلام

خاصة اذا كانت البنت فيها المواصفات المطلوبة من الشباب

اخلاق والتزام وجمال وعلم وحسب ونسب

فليش توافق على شخص عشان ترضي الناس بس

بعدين اذا ما توفقت معاه او ما ارتاحت

ما بيفيدونها الناس

وبتظل تعاني بروحهااااا


فشراااايكم في الموضوع ؟
لو سمعتون عن وحدة دايما ترفض شنو بتقولون عنها ؟
ولو كنتون ما تعرفون اسباب رفضها شنو بتتخيلون سبب الرفض ؟