جهاز العروسة .. (مفيد وعن تجربة)

رورة

إحنا معاكي

روره موضوعك يجنن كنت عاوزه اطلب منك
طلب صغير لو ممكن تساليلنا فالبودي شوب هايفتح امتى فمصر وفين ان شاء الله وكمان يا قمر لو ممكن تعرفيلي احلى عطر مفارش انا اول مره اقراه كان هنا فالمنتدى بس كنت عاوزه اعرف منك التفاصيل بيتباع عندكم فين وبكام واايه رايك فيه عشان اقول لاختي تجيبلي انا تقلت عاليكي يا جميل بس انا قريت موضوع مصريه وعارفه انك جدعه

هلا تايتو .. خليكي معايا عشان تستفادي وانا كمان علا فكرة بستفاد والحمدلله لأني اول مرة أجمع كل المعلومات الي انا قرأتها ابل كدة :dd:


JEWAYRYA
حبيبتي .. انتي تأمري:shy:

هسألكم كلكم هيفتح إمتة ان شاء الله وفين بالظبط.. ولو لئيتهم مش هيفتحو هحاول اكلم المدير او المسئول يفتحلكو فرع فمصر .. إيه رأيك بأة :cool2:


حبيبتي انا اول مرة اسمع عن عطر المفارش .. :think:

انتي تقصدي يعني انه بيتباع في البادي شوب .. خلاص هحاول اسألك عليه ان شاء الله..

ولو محتاجة اي حاجة تانية اسألي . ولا يهمك ياجميل:shy:

واااااااااااااااااو

ايه الجمال ده يا روره



ربنا يتملك فرحك على خير



بس اوعى تنسينا بعد الجواز:up:

الاخت الحبيبة.. العيون الجارحة..

اتمنى ان اكون افدتك..

بارك الله فيكي على المرور

حبيبتي.. vetdody

الموضوع جميل بوجودكم ومروركم..

واستحالة انساكم بعد الجواز.. اوعو تنسوني انتو

ثالثا: كل ما يخص شعرك وصحته:

1- (عدد 4 شامبو + 4 بلسم مناسب للشعر) لا تنسي ياحبيبة ان الفترة الأولى من زواجك ستكون اكثر فترة تغسلين فيها شعرك.. وتقومي بالاستحمام كثيرا نظرا لكثرة الجماع في هذا الشهر. لذلك ضعي في بالك ان اكثر شيء ستحتاجينه بل وستستخدمينه كثيرا هو (الشامبو والبلسم، لذلك اختاري نوعا جيدا ومناسب لنوع شعرك ونوّعي في الماركات.. حتى لا يأخذ شعرك على نوع معين..
وانا انصحك بشامبو هيربل اسنسز.. لأنه بالأعشاب .. او شامبو يحتوي على العسل او شيئا من هذا القبيل.
أما البلسم فهناك أنواع كثيرة منها بانتين.. دوف .. وغيرها.

2- 4 أنواع جيدة من حمام الزيت والكريم.. أيضا نظرا لكثرة الاستحمام في هذه الفترة. حتى لا يصبح شعرك جافا مقصفا.. حمامات الكريم والزيوت هامة جدا للشعر.

4- زيت للشعر (زيت زيتون - زيت جوز هند) لا يجب ان يخلو بيتك من هذان النوعين من الزيوت.. وخاصة جوز الهند وهناك انواع عديدة منها براشوت وهو افضل الأنواع على الإطلاق.. يمكنك ان تشترينه من الجمعية أو الحواج (العطار).

5- كريم للشعر .. نوع جيد ويكون خفيف مثل بريل كريم .. فأحيانا تحسين بتجمع الأوساخ في شعرك وخاصة اذا كان دهنيا وفي فترة الصيف .. فلا انصحك باستعمال الزيت..وانصحك باستعمال كريم ملائم للشعر مثل بريل كريم.. او كريم بانتين رائع..

6- لوسيون للاستشوار .. وانصحك بــ (بانانا لايف) رائع وفوق الوصف قبل ان تستخدمين الاستشوار.. تجدينه في زجاجة بلاستيكية شفافة.. وينزل منها السائل بالضغط على فوهة الزجاجة.. وتجدين بداخل السحابة الصغيرة التي بداخل الزجاجة ويمر خلالها السائل عشب معين.. هذا اللوسيون يمنع التقصف وجفاف الشعر.. او استخدمي اي لوسيون تاني تعودتي عليه وجودته معروفة.

7- جيل + مثبت للشعر (وانصحك بنوع جيد من إيفون لا اتذكر اسمه جيدا ولكن اعتقد اول جزء من اسمه (كيرلي)

8- بنس - توك - اكسسوارات .. للشعر.. واشتريها على حسب ألوان ملابسك بالمنزل او الخروج.

9- سشوار للشعر (أعتقد براون افضل ماركة) ولا تنسين ان تشتري معه ملحقاته.. فإذا تعذر معكي ذلك فاشتري فقط فرشة السشوار الدائرية.

10-مشط خشبي للشعر.. وتذكري ايضا المشط ذات اليد الرفيعة لتجزّئي به شعرك عند التسريح او الاستشوار ..

11- ماسكرا الملونة للشعر (مع اني لا أرجحها ولا احبها لأنها تقصف الشعر)

12- اذا كنتي من محبي الصبغات فتذكري شراء صبغة الشعر النوع الذي تفضلينه وما تستعملينه دائما.


وأخيرا حبيباتي هذا ما وفقني الله لتذكره وكتابته.. فمن أرادت المشاركة والزيادة على ماكتبت فأهلا بها في موضوعي مفيدة ومستفيدة

تاسعا: أطقم الحمام

هل تتعجبين ؟؟!! إذا تابعي معي لتعرفي ما الذي يجب عليكي ان تجهزي حمامك به

روره حبيبتي اعذريني اصل اختك غبيه شويه انا مستانياكي تردي فموضوع مصريه لا وزعلانه منك انك اتاخرتي:shy:يا ستي انا كمان معرفتش عطر الفراش الا من المنتدى بصراحه هوه مش فالبودي شوب ده فمحلات البخور زي اجمل وقصر العطور وعبد الصمد القرشي عرفتيهم؟ وهوه عباره عن اسبراي بيترش على السرير عشان يعطره متهيالي انا مش عارفه بيستعمل ازاي لغاية دلوقت ومفيد للاثاره بس انواع معينه يعني زي زيت الباتشولي كده عموما انا هاوريكي صورته بالنسبه للبودي شوب انا عاوزاكي تكلمي المدير والمدير العام ولو موافقش اضربيه هههههه لالالا احنا عايزينك المهم يعني انو يفتح فمصر يعني يفتح فمصر

يا رب يطلع لاني بواجه مشكله في تنزيل الصور ده نوع لاقيت واحده من العرايس منزلاه

بما اني ممله هسالك سؤال كمان بس يا رب ما تزهقيش :shy: بالنسبه للوشن الملمع البلتوابل كنت عاوزه اعرف سعره وكمان عندي ملحوظتين صغننين لموضوع العنايه بالجسم اولا بلاش بلاش بلاش الصابون بتاع ازالة الرؤس السوداء او اي صابون تحطيه على وشك او على جسمك اسالوا مجرب لان الدكتوره بتاعتي قالتلي ان اي صابونه فالدنيا حتى دوف بتكون ماسكه نفسها لان لازم يتضافلها بطاس تخيلي بقه بطاس على وشك وانا اصلا مكنتش بستعمل غير دوف او كاميه او ديتول صدقوني ده كا من اهم الاسباب اللخلت وشي يتمللي حبوب بس الحمد لله بطلت استعمل الصابون ودلوقتي بستعمل يا اما غسول جونسون المقشر او نيتروجينا ديب كلين ده تحفه لازالة الرؤس السوداء وبعد لما بيخلص بيكون وشي بقه مجهد بستعمل غسول جونسون اللطيف او الروز الفالبخاخه ده تحفه هوه رغوه كده بس ناسيه اسمه بصراحه وفي ملحوظه كمان بالنسبه للسيلكابيل انا كنت بتعذب من السويت لغاية لما جبت البراون اللفيها مخفف الالم تحفه وسريعه جدا اللهيه لونها لبني ومعاها كمان جل بعد الاستعمال يلطف الالم بجد جميله انا بستخسر استعملها خايفه لاتبوظ واحتاس بعد الجواز

شكراااااااااا على الموضوع الرائع بس الله يخليكى قولى لنا جهاز المطبخ احسن محتاسه

حبيبتي جويرية..

بصي .. انا كتبتلك ردي في موضوع مصراوية.. الموضوع التاني الي بنتكلم عليه.. عشان بس مش عيزاهم ينقلو الموضوع دة لركن استفسارات العروس.. راجعي الموضوع حبيبتي

جيجي يا البي بارك الله فيكي على مرورك .. وخليكي معانا هتكلم بإذن الله عن جهاز المطبخ قريب...

جويرية...

جزاكي الله خيرا ياستي على الملحوظتين دول.. ايوة كدة اعملو للموضوع روح

بالنسبة لكلين آند كلير انا كان بآلي كتير بستخدمه والحمدلله معملش فوشي اي حاجة.. بالعكس دة خلاه رايق اوي..

وكمان جونسون ودوف .. يمكن علا حسب انواع البشرة يا جويرية.. وعلا فكرة صابونة نيفيا ودوف وجونسون ربعها كريم مرطب..

بالنسبة للملحوظة التانية..

انا كمان جبت براون وهي تحففففففة لإزالة الشعر.. وعلافكرة انا دلوقت بطلت استعملها بآلي يمكن 3 شهور.. لحد متجوز.. ولما اجي اتجوز هعمل بحلاوة.. لأن البراون مش بتنظف.. غير الحلاوة بتشيل الجلد الميت وبتنظف جامد... انصحك بكدة.. وقفيها شوية لحد متتجوزي وحوشي الشعر عشان كتر الاستعمال اليومين دول سواء حلاوة او ماكينة بيسمر الجسم..

:cry::cry::cry::cry::cry: يا ستي بالنسبه لازالة الشعر انا بستعمل كل حاجه لاني بعيد عنكم مشعره جدااااااااا بحس هتحول لديب لما القمر يبقى بدر زي فيلم وولف يعني هههههههههههههههه فابستعمل السويت ومبكملش اسبوع واكمل بالبراون كل ما الشعر يزيزد وبعدين معاكي حق انا مبطله خالص سويت لغاية الصيف علشان نقطة السمار دي وبالنسبه لكلين ااند كلير انا عجبني فيه الكريم المرطب منعش جدا خصوصا فالصيف مايحسسش بالحر نهائي ومش مدهنن خالص ومعاكي حق يا روره على موضوع اختلاف نوع البشره ده بس على الاقل حاولوا تخففوا استخدام الصابون خصوصا ان بقى فيه بدايل لان خبراء تجميل كتير عندنا فمصر امينه شلبايه مثلا اتكلموا فالموضوع ده عشان كده لو تلاحظوا ان معظم الشركات بقت تنزل انواع غسول كتيره جدا ويلا يا ست الكل بقى الموضوع بقى هايل عاوزه اعرف هجهز حمامي بقيه

يا جماعه انا رايي اننا لازم نخفف من استخدمنا للصابون شوية و ممكن نستخدم اى مقشر و لا حاجة على الاقل في الفترة الصغيرة اوى اللي باقيلنا دى يمكن بشرتنا ترتاح اكتر من كدة انا الحمد لله بشرتي عادية و مش تعبانى اوى بس ساعات بحس انها مشدودة اوى اوىاوى
:shy: كمان فيه التونيك بتاع كلين اند كلير دة تحفه و ياسلام لو مثلا غسلتى وشك و بعدين مسحتيه بيه بحس فعلا ان وشي نضيف جدا بيشيل كل حاجة و يخلي وشي نضيف:yes:

اة صحيح يا رورة قوليلنا بقي تجهيز الحمام اصلي جبت شوية حاجات كدة بس عايزة اعرف ان كان ناقصنى حاجة اصل الصراحه الموضوع بدء يحلو اوى :up:

jewayrya حبيبتى متزعلش و قلبي معاكى و هو صحيح حركة وحشة اوى بس متزعليش و انشالله ربنا حيعوضك و يطول بسرعه بس خلي بالك انا سمعت انك لو قصيتي شعرك و زعلتى عليه هو كمان يزعل و مش يطول بسهوله فخلاص بقي قدر الله و ماشاء فعل
و بعدين انتى فكرتيني بشعرى :cry: اصلي انا شعري خفيف اوى و جاف و مش عارفة اعمل اية و فرحى كمان اربع شهور و مش متخيله انى ممكن احط توم و بصل عل ى دماغي :pain: لا مش ممكن ابدا :no: محدش يقولي اعمل اية في الوقت القصير دة و خصوصا انى بشتغل و برجع البيت تقريبا على الساعه 6 ممكن تساعدونى من فضلكم؟

رورة حبيبتي

ليا تعليق في الجزء بتاع حمالات الصدر

1- بالنسبة لحمالة الصدر الخاصة بالرضاعة أعتقد لسه بدري عليها

علشان بفرض أن واحدة مننا بقت حامل من أول يوم هيكون قدامها لسه 9 شهور علشان تجبها
وأكيد المقاس هيكون مختلف تماما

2- أعتقد هنحتاج حمالة صدر بحمالة شفافة أو بدون حمالة
علشان لو هنلبس حاجة بكتف ساقط أو بدون كتف