الاستغلال .... كيف تتعاملين معه

هلا وغلا بالغالية

طبعا ان استغربت كثير ان اكو ناس مثل جيرانكم ... انه اعرف ان الأستغلال موجود بس مش بطريقة الأفلام العربية عاوزا حبتين توم وحبة بطاطس ومن الكلام دا....

انا اتفق معك انه مش بخل من ناحيتك انما انتي معترضة من ناحية المبدأ

والمبدأ عندي مهم حتى لو كان على فلس واحد ...

راح اعطيك امثلة تعرضت لها ... ومثلك عارف اختك عذب عينها قوية وماترضه بالإستغلال ابدا الا برضاي وبكيفي...

وحدة من اهلنا الله ناعم عليها بالخير وزوجها منصب كبير لكن لما تجيني تدخل غرفتي وتتمكيج وتتعطر بشكل انتقامي كأنها اول مرة تشوف عطر او ماكياج

سكت عنها مرة ومرتين لكن يوم انفجرت قتلها يافلانه انتي تطلعين بهالشطنة فاضية عنبو دارك انتي بنت حطيلك عطر ومكياج بسيط ..وقمت وخبيت اغراضي عنها...

والثانية لما باروح مشوار ....يطلبون منك انك تمرين عليهم بيوتهم وتاخذينهم براس الخدمة وكل هذا عشان البنزين وعشان يريحون سياراتهم من المشاوير.

هم اعترض واقول تبين خلي سيارتك في موقف قريب مني او نتلاقه في نفس المكان وكل وحدة بسيارتها او اقول لها مرة عليك ومرة علي....

لما اروح مطعم ما احب الجرسون يستغلني عشان البغشيش انما احب اعطي بكيفي

وهكذا المواقف

انما سالفة الأكل لا عاد قوية ولو انه مكانت اقولها بطريقة المزاح فيه طعن رماح

السلام عليكم ..

أي والله يا ااختي الاستغلال يبط الجبد.. خصوصاً لمن حد يستغل أقرب الناس لك .. أمك..

الله يعينكم أختي..

بس انتي حاولي مع امك .. شوي شوي تقطع عنهم المعونات..

يعني مرة تعبانه ومرة عندي ضيوف ومرة مشغوله ومرة راح أطلع من البيت وهكذا..

وشوي شوي..

راح يقطعون الأمل والرجا منكم..

وبالنسبة لأسئلتك..

هل تعرضتي للاستغلال من جارة او صديقة او قريبة في فترة من حياتك ؟ وما نوع هذا الاستغلال ؟
بالطبع .. ويا كثرها مواقف الاستغلال اللي تعرضت لها..

مثال لمن رحت تدريب بعد الدراسة .. كنت في أزمة مالية في ديك الفترة ,, عاد كنت أسوي لي ريوق في البيت واخدا معاي للوزارة ..

بس أشوف وحدة كل يوم تجي وتاكل ريوقي عني وأتم طول اليوم بدون ريوق..

تفتح شنطتي بدون إذن .. و تأكل اللي موجود فيها..

لا وهي تضحك.. بكل وقاحة وقلت حياء..

في البداية قلت يمكن ما عندها.. بس مرة من المرات فتحت هي محفظتها جان أشوف الفلوس ماليه المحفظة .. بصراحة انبطت جبدي..

وموقفي أبدا.. ما حركت ساكن..

هذا موقف واحد,,

أما الموقف الثالث اللي تعرضنا له كلنا ( أقصد بيتنا)

كان عندنا عمال يبنون الطابق الثاني.. وأمي كل يوم تطبخ لهم..

يجون الصبح الساعة 6 وبعدها يطقطقون شوي .. عشان تعرف أمي انهم وصلوا..

وتبدأ في إعداد الريوق ( الافطار) .. وياكلونه..

وبعد الريوق يجي وقت الغداء ونفس الطريقة يتغدون ..

بس أبوي لاحظ إن ما في تغيير يجون كل يوم بس البنيان ما يتغيير..

وقام يراقبهم..

واهني كانت الصاعقة عليننا.. بعد الريوق يجي .. واحد من أهلنا اللي ساكن بنفس المنطقة .. وياخدهم بيته يشتغلون .. وبعد آذان الظهر يردهم البيت للغداء .. يدخل من الباب الخلفي للبيت ..

ولمن كلمهم ابوي.. جان يقولون ( هذا نفر يجيب خشب يضرب)..

تتوقعون في أكثر من هذا الاستغلال.. والا أردى..align]

انا اعاني من هالمشكله احس اللي يصادقووني يبون يستغلووني واعرف وافهم لهم ويتم قهري في جبدي

طبعا من اللي شفته اللي يحاول يستغلني اقول له كلمة لا

لا


لا


لا





اسمحيلي او اسمحوولي مقدر


الحل بسيط ونحن نكبر الموضوع


الاستغلال ينحل بكلمة لا والشطاره يوم تقولين كلمة لا بس ماتخلين اللي طلب منج يزعل او يشل في خاطره عليج

عذب القوافي
عندنا وعندكم خير

ياريت جت بس على الأكل ... انا مثلك المسألة مو مسألة فلوس بس مثل ما قلت البقالة قبل بيتنا بمسافة يعني اللي بترسله ياخذ الغرض من بيتنا ترسله للبقالة

والمشكلة الاكبر ان الله منعم عليهم .... هم يجمعون بهالفلوس وبريال خبز ما يشترون واحنا نصرف خيرنا على غيرنا !!!

امي ماترضى اتكلم اذا جوا عيالهم خاصة في رمضان ... بس احيانا اعطيهم في الوجه
مرة جو يبون خيار ( لاحظي هم عائلة كبيرة فوق العشرين ) يعني اكيد ما بتعطيهم امي حبتين ثلاث
انا اللي فتحت الباب
قلت للولد روح البقالة يبي لكم صندوق خيار

قال يالله رومي يمكن ما فيه ( طبعا عليهم لسان )
قلت له خلاص اذا مافيه مو لازم تسوون سلطة خيار !!!

والله حالة

وياريت جت على الأكل عذوب فيه اشياء ثانية

بس خليها على ربك

انا معاك احسن حل ان الواحد يواجههم مرة ومرتين يمكن يستحون رغم ان مثل هالاشكال وجهها مغسول بمرق مثل ما قالت صديقتي ولا يفيد فيها لا تلميح ولا حتى تعطينهم في الوجه

الله يعين

اسعدتني مشاركتك ونورتي موضوعي باطلالتك الاولى

واي يا RoOoOmy والله جيرانكم عينهم قوية،، عاد إستغلال لهذه الدرجة ماتصورت في ناس جذي... الله يكون بعونكم عليهم،، خلي الوالدة تعتذر وتتحج بظروف يمكن يخفون بطلباتهم،، الواحد بروحه صحته تعبانه هالأيام بعد قاصرته طلبات الناس..

صادتني مواقف كثيرة فيها إستغلال،، أولا عندنا جماعة من أهل أمي،، ما في مشوار الله قالوا مروا علينا بنروح معاكم سواء آنه أو أمي،، أنزين عيالكم كلهم يسوقون ليش ماياخذونكم....

الله يعينك اختي نور المدينة

شي يقهر ويبط الجبد بعد ...

اوكي صديقتي معليش بس مرة مرتين مو كل مرة
ذكرتيني بوحدة الله يذكرها بالخير

في الدوام دائما تقول نست فلوسها وقت الغدا واحنا طبعا نضرب على صدورنا
الغدا اليوم علي
وكل وحدة تعزمها يوم

بس السالفة طولت
كل مرة نست فلوسها !!
انا يوم اللي انتبه ان مافيه محفظتي ولا ريال والله اجلس ما اتكلم ... يااروح الصراف وهم مشوار او اسكت رغم ان صاحباتي معاي علاقتنا مرة قوية بس استحي

الحل الوحيد هو المواجهة
بس من وين نجيب قوة العين مثلهم م!!

رجعت لكم لأكمل موضوع الإستغلال،،، يعني بالمكتب يستغلونك آخر إستغلال ،، من يغيب حد تعالي يارانيا غطي مكانهم، طيب في بنات ثانيين ليش ماكو غير رانيا... وفي الأخير لا زيادة ولا شي...

اختي مياسه صحيح كلمة لأ هي الحل بس ترى الموضوع مو بسيط مثل ما تتصورين
يعني صعبة جيران من اكثر من عشرين سنة اقول لهم لأ
اكيد بيزعلون ومااحسها حلوة في حقي وفي حق جيرتنا اني اعطيهم في وجههم

صدقيني ناس ما ينفع معاهم
اقول لك ارجعهم احيانا وامي تهاوشني وحتى الام مثل اللي تلمح لامي في الديوانية اليوم رومي تقول لفلان هالكلام .. قالت لها امي تعرفينها رومي تحب المزح

والله ثاني يوم يجون يطلبون شي ثاني !!

لاحياة لمن تنادي

رانيا

هذا غيض من فيض ترى ... والمشكلة مو بس بيت واحد الا عندنا كم وحدة الله يهديهم طلباتهم ما تخلص
امي وابوي ما يقولون شي بس لو تشوفيني انا واختي اللي اصغر مني

نحترق

لان الواحد اذا مقصر على بيته وهو بخير حرام الواحد يعطيه يمتع عياله من جيبه وهو يجمع في هالفلوس
اكل ولبس واغراض للبيت ومشاوير واتكالية واستغلال ما بعده استغلال

ومثل ما قلتي حتى في العمل نلاقي استغلال بشكل مو طبيعي
انا لو وحدة تكح قالوا جيبوا رومي بدلها .... احيانا انبسط لاني اغطي عن ناس مهمة وهالشي في صالحي
بس ان فلانة تغيب وهي مافيها شي وانا اكرف وبعدين ارجع مكتبي والاقي اكوام الشغل على راسي

!!!!!!!

هنا الاستغلال

تبين الصج قهررررر وانا وحده انقهر اذا يتم استغلال الشخص الكريم لمصلحه او حاجه والشي ان زاد عن حده انقلب ضده

بس تبين الصج انتوا بعد لازم تمسكون شوي والمال السايب يعلم السرقه على قولتهم وانتوا اللي طمعتوها فيكم من كرمكم الزائد

وحبكم لمعاونتكم الناس وانا دايما وبسبه طيبتي الزايده اتعرض لهمواقف بكثره واتعامل معاهم بطيبتي وبكل كرم لكن اذا حسيت ان

الموظوع اصبح استغلال احط حد او احاول ان ابتعد عن هالشخص لان الواحد مايرضى انه يكون مستغل وان هالنوعيه من الناس

مايكلمونه الا لغرض او مصلحه وللاسف الشخص الطيب في الهزمن صار ساذج

معاك حق اختي قطرية

مو كل طيبي ساذج ولا كل كريم طيب

انتبهي لهالنقطة
ناس تعطي لانها تحب تعطي
وناس تعطي عشان الناس تقول عنها انها تحب تعطي

الانسان صعب يغير شي من طباعه خاصة لو كان صفة حلوة مثل الكرم ... وهذي برايي مو سذاجة

صباح الخير


موضوع جدا مهم ... الله يعينها أمج وإن شاء الله مأجوره على كل شي تسويه لهم ...

والله يخفف طلباتهم عليكم إن شاء الله :bigsmile:

شوفي أنا ماأقدر أتكلم بهالموضع لأنه الكل بهالدنيا مستغلني من الصغير للكبير يعني لو أذكر مواقف ماراح أخلص

انا مع البنات إني الإنسان لازم مايسكت يتكلم ويخليهم يحسون على دمهم ... لأنهم مايجون إلا بهالإسلوب

بس القهر لما يصير الإستغلال من ناس قريبه منج شبتسوين

عندي إنسانه قريبه حيــل (بنت خالتي) بس إلي يقهرني أحسه أحيانا تستغلني ... يعني لما تحتاج تروح مكان تدز لي مسج تعالي نطلع وغيره من هالكلام ...عندها سياره بس ماتحب تطلع روحها تكون متضايقه ... سوري بس يعني ماتعرفيني إلا لما تتضايقين ولما تطلع يا تقعد ساكته طول الوقت أو يدقون عليها صديقاتها وتسولف معاهم يعني أحس جني دريول (سواق) لها نتمشى ونروح مطعم وإلا كافيه على حسابي وبعدين ترد البيت

صح هي من النوع الكتوم بس مو لهالدرجه

دايم لما أتصل ماترد ولما ترد أقول لها يعني لو أنا أموت وأدق أبي أودعج ماراح ألقاج تقعد تتعذر وتقول ظروف وانتي تعرفين وغيره من هالكلام ماأقتنع لكن أسكت مع إنه ماعندها شي مخلصه الكليه وقاعده بالبيت

مره صادف إني قاعده أدق عليها من يوم السبت وماترد يوم الثلاثاء بالليل دازه مسج تبيني أطلع من الدوام بالبريك أمرها وأعدلها عندها حفلة التخرج العصر تخيلوا أنا مارديت عليها

اليوم الثاني الساعه 10:30 دقت علي خالتي تسألني إذا بمر وإلا لا (وخالتي هذي أموووووووت عليها وماأقدر أرد لها طلب) المهم قلت لها هي بمر إن شاء الله (طعا هي مابتدق مستحيه تعرف إنها غلطانه)

تخيلوا كانوا البنات متجمعين حق الغدا يعني وناسه وغيره وأنا قلت ما عليه ..خلني أروح لها لما رحت كنت قاعده أعدلها وأنا ساكته تقول شفيج قلت لها مافيني شي خلصت كل شي ومشيت

وبعدها بكم يوم أشوف الصور لقيت 3 من خالاتي رايحين الحفل ومتصورين معاها الصراحه من حرقة قلبي قلت وينها هذي إلي ماتستحي بس تعرفني لما تبيني أعدلها وماقدرت تقول تعالي الحفل (بس والله قلتها وأنا أبتسم علشان ماتتضايق)

متخيلين القهر

حتى خالاتي تخيلوا كل وحده تسافر تييب صوغه شكبرها وإلي خلق هالكون ماينسون أحد إلا أنا بس لما يبون السوق يبون أحد يودي عيالهم العياده أو المكتبه مايدقون على أي رقم غير رقمي

(إلا وحده منهم بس إلي دايم تتذكرني)

تصوروا كل وحده خلصت الثانويه جابوا لها هدايا إلا أنا إلي جبت أعلى نسبه بالعايله كلها (موقهر) وألحين لما عندهم عزيمه وإلا جمعة سهوره طبخي لنا .. روحي الجمعيه ... ييبي هالشغلات ...

والله هالدنيا فيها ناس ماتتخيلونهم ... كانت معاي موظفه دايم تسبب لي مشاكل وأنا أسكت ولا أقول شي وأحتسب عند ربي ... ولما طلعت من الدوام من 3 شهور إستغلت طيبتي وتربصت لي وآخر شي تتهمني بشي ماتتصورونه بس الحمدلله الله معاي وكل الموظفين وقفوا بصفي ضدها لأنهم عارفيني وعارفيني تربيتي عدل

أحس إني طلعت عن الموضوع بس والله من كثر ماصادفت ناس إستغلوني ... وهذا كله قطره من بحر الإستغلال

والله قمة الإستغلال

بس شأقول أنا بهالقلب الطيب إلي بالينا بكل شي .. بس أرد وأقول الحمدلله


أختكم :)

السهر

يابعد قلبي سهورة

احسك تكتبين وانتي محترقة ... بس صحيح شي يقهر
تصدقين انتي مو بس مسألة يستغلونك .... الا مايقدرون

بس شنسوي هذي الدنيا

ناس تحب تاخذ تاخذ بدون ما تعطي

بس تدرين شنو المهم ؟ ان صورتك قدام نفسك ان عمرك ما احد طلبك ورديتيه ... احساس حلو حتى لو تضايقنا او زعلنا في النهاية نحس بالراحة

لكن لو زودوها اكيد لا تسكتين عنهم ومرة عن مرة بيعرفون غلطهم

:) إذا طلبوني وتعذرت مايهني لي دقايق أرد أدق عليهم وأقول لهم خلاص بسوي الشغله

مبدأي في هالحياة إني ماأظلم أحد مهما صار .. أكون مظلومه ولا أكون ظالمه

السلام عليكم ورحمة الله وبركاته

لا حول و لا قوة إلا بالله...هذا الإستغلال صاير سمة العصر الحديث الظاهر...

و أنا أمقته و بشدة...و أكره الناس اللي فيهم هذا الطبع...و ما شاء الله المواقف كثيرة...

يعني مثلا واحدة من صديقاتي...كل شوية...بمر عليكي...راح آجي أباركلك على كذا...راح أجي أشوف عندك كذا...

و آجي أقول لها بمر عليكي أو آجي أزورك...أو على الأقل أبارك لك على البيت الجديد...ما ترضى و تتحجج بألف عذر...

يعني من يوم ما إنخطبت...جات لي في الخطوبة و في الفرح...و لما هي إنخطبت...قالت لي عملناها ضيقة و ما عزمنا أحد...و لما تزوجت...عملت فرحها بره الإمارات...

طيب يا بنت الناس أباركلك...مش عايزة تخلي حد يزورها...

قمت فورا أعطيتها الكلمتين المحترمين ...و قطعت علاقتي معاها بالتدريج...

جات حملت و رجعت تكلمني عن الحمل...و ولدت...و قلت لها اباركلك...تقول لي مشغولة و إبني مطلع عيني...و لما أنا ولدت...إلا عايزة تيجي ثاني...و أنا أصلا ما شفت عتبة باب بيتهم !!!!!

صارت تقول لي عايزة أزورك...من زمان ما شفتك...قلت و الله ما بسكت...قمت رديت عليها و قلت لها واجب الزيادرة علينا...جيتي باركتي لي أكثر من مرة و مش راضية تخليني أشوفك أو اشوف إبنك لحد الحين...

على فكرة إبنها صار عنده سنة و نصف...و حامل على الآخر هي الحين...و أنا من يوم زواجي ( من سنتين و نصف ) ما شفتها..علشان هي ما بتحب أحد يزورها...هي بس تزور الناس و تتضايف عندهم...

قال لي زوجي ما تحرقي دمك...مش مستاهلة...أتركيها و عوضك على الله...و هذا اللي صار...أهم شيء إني تمسكت بمبدأي...و رفضت أي زيارة منها بعد ذلك...

كفاية غستغلال من الناس.,..هذا بس على صعيد الصديقات...

تعالوا شوفوا على صعيد العمل...

كانوا يعملوا جرد كل سنة...و اشيله كله لوحدي...بعدين يبعثوا يشكروا مديري !!!!

لكن مرموم ما سكتت...هذه السنة طلعت مديري نهائي من اللعبة...و مسكت الجرد و ما أعطيته أي تفصيل عنه...و دخلت للمدير العام و قلت له بس أعلمك إني المسؤولة الأولى و الأخيرة عن هذا الجرد...و مش راح أسمح لأحد أبدا ياخذ مجهودي...



خلاص...لازم وقفة حاسمة مثل ما قالت عذب القوافي...كفاية إستغلال...

السهر

وهالشي هو اللي مضيعنا والله ياختي
بس المفروض كل شي بحدود ... الله يعين

RoOoOmy_M:
معاك حق اختي قطرية

مو كل طيبي ساذج ولا كل كريم طيب

انتبهي لهالنقطة
ناس تعطي لانها تحب تعطي
وناس تعطي عشان الناس تقول عنها انها تحب تعطي

الانسان صعب يغير شي من طباعه خاصة لو كان صفة حلوة مثل الكرم ... وهذي برايي مو سذاجة

شاكره ردج

بس حبيت اوضح نقطه ان الناس هم اللي يشوفون الطيب واللي يده سخيه انه ساذج ومغفل مو انا

وانا من بعد التجارب اللي مريت فيها قررت اني اعامل الناس مثل مايعاملوني يعني ببساطه ( قدر اللي يقدرك )

الواحد يتعلم من تجاربه مع الناس ويحاول يقدر اللي يستاهل ويقدره

انا بقولكم موقف صار لي مع زميله لي كنت اعرفها من ايام الجامعه انتبهوا لكلمه زميله مو صديقه

تتصل لي من فتره لفتره وعلاقتي معاها سطحيه نوعا ما

مره اتصلت لي واطلبت مني فلوس وقالت لي انا مستحيه منج بس انتي قريبه مني وهالكلام اللي

يحط الواحد في الشيمه

قلت لها كم تبين قالت لي 1500 ريال قلت لها انشالله ابشري ورحت لها لبيتها ونزلت سلمت عليها

وعطيتها الفلوس وقلت لها لاتنحرجين مني ولا شي واعتبريني اختج

وحياتكم من بعدها ماكملتني ولا دزت لي مسج قلت في نفسي يمكن مشغوله او عندها ظروف

وماصارت ادز مسجات الا في المناسبات فقط

مرت الايام ولاسابيع والشهور واحتجت هذي حال الدنيا وخاصه اني مو من طبعي اخذ من احد بس

تذكرتها لاني مسلفتها ودزيت لها مسج ابي الفلوس اللي سلفتج اياهم لاني محتاجتها

دزت لي مسج انشالله بعد يومين اللحين ماعندي وللعلم عرفت ان البنت توظفت ماصار لها شهر


ونطرت لنهايه الشهر ودزيت لها مسج مره ثانيه بس هالمره بحرقه وقهر منها لاني حسيت انها

استغلاليه ويوم احتجتها عطتني ظهرها ولا حتى كلفت خاطرها وكلمتني

اتوقعون شنو كان ردها :eek2: قالت لي شوفي لادزين لي مسجات وانا ماعندي وبعدين انا قلت

لج بغيت منج فلوس ماقلت لج سلف وماظربتج على يدج وقلت لج عطيني

انصدمت من رده فعلها ومن هالناس اللي مايبين فيهم رديت عليها برد احكم من ردها وقلت لها انتي

يوم ظاقت فيج الدنيا ماقصرت فيج وقدرتج وجيت لباب بيتكم وخليتج سنه ولا طالبتج فيها

واللحين يوم احتجت عطيتيني ظهرج ؟؟!! هذا من طيب اصلج والفلوس اللي عطيتج اياها الله

يسامحج فيهم وعليج بالعافيه

وردت علي برد اقبح منها وقالت لي الله يحفظج ويكثر من امثالج

بس الواحد شيسوي غير انه يتعلم من الدنيا ومن هالناس اللي مادري مخلوقه من شنو وهذا مثال

بسيط من امثله وتجارب كثيره مريت فيها لاحول ولاقوه الا بالله

رومي عزيزتي
امج ذكرتني بالوالده الله يحفظهم ويخليهم لنا
انشالله

الصراحة وايد اتهاوش مع امي على السبب هذا
الناس وايد وايد مستغلينها على طيبتها
تعصب علي وتقولي انتي قلبج اسود
وانا اقولها وانتي قلبج وايد وزيادة عن اللزوم ابيض

في ناس والله العظيم مايستاهلون ولا كفو الواحد حتى يقدرهم
اسلوبهم ابدا مافيها رقي وبعدين حق مصلحتهم يطلبون منها شغلات وتصير مثل المجنونه بس علشان تلبي لهم طلباتهم
تقول ميخالف المسامح كريم
والانسان لاخوه الانسان
بس مو جذي

في ناس مثلا ماتقدرها في موجب مثلا
خل اقولج مثال
يعني عرسي ماجوني العرس وبعدين بالاستقبال ماحضروا وعلى ولادتي ما حضروا ولا تحمدوا لي بالسلامة
ولا في زواج اخوي
بس احد فيهم يتزوج تروح تشتري الهدية وتزورهم وتبارك لهم وتهنيهم
يعني انا اقول لها عاملي الناس بمثل مايعاملونج
تقول لا انا اصير احسن منهم

انا بالطريقة هذي احس انهم يستغلونها
باشياء كثيره
مثل الجيران

لايسألون ولا يسلمون اذا شفناهم بره عند البيت واحنا داخلين واحنا طالعين
بس حق طلباتهم
يطرشون الخادمه حتى التلفون مايتصلون
نبي جذي ونبي جذي ونبي هالشي ناقصنا

اقول حق امي قولي ماعندنا تعصب علي وتقول انتي بخيله
اقولها مو بخل بس ناس ماتستاهل الجمعية التعاونيه وراء بيتنا
ليش تدق الباب وتطرش الخادمة
واحنا اذا شفناها بالشارع تصد وكأنها لا ترانا

الله يكون بالعون مع امهاتنا

انا الصراحة عن نفسي اعامل الناس مثل مايعاملوني

الانسان اللي مايستاهل مايستاهل

والانسان اللي يستاهل على راسي اشيله واعامله بالمثل وباكثر من طيبه

هذه الدنيا بالزمن هذا

وهذا هو رأئي وسامحيني على الاطالة


دمتم سالمين
اختكم شريفة

يوووووووووووووه يارومي ذكرتيني

من زمان يوم كنت بمرحلة المتوسط اذكر كان عندنا جيران ماشاء الله كل وحده اذا جت عندها عزيمه لازم تدق على امي تقول سوي لنا جريش :)

لا واذا جا عندهم فطور برمضان اتصلوا على امي تلف لهم السنبوسه :)

واشياااااااء طويله عريضة غير الفطاير وا وا وا

واما بالنسبه لي المكياااااااااااج المكيااااااااج انواااااااااااع الاستغلال وحلال مب حلالك جره عالشوك شوفوا شلون يستخدمونه بالشكل المفرط انا والله ماااااااااااستخدمه مثلهم

بس الحين والله حامض على بوزهم اللي يستغلوني قسم لاعطيهم الكلام كاش وماعلي من احد خلاص مبدئي بالحياة الحين عقب مانصدمت من ناس كثير لاااااااا للمجااااااااااامله نعم للكاااااااااااش :) واللي بيزعل اقرب جدار الله لايهينهم

والله ماعاد الا هالناس نداريهم غاية الناس لاتدرك خليهم يولون مب نافعينا اهم شي سعداتنا وبس