أبا طاولات لملجتي (( بنات الإمارات ساعدوني))

هلا حبيبتي

اول شي مبروكين و ان شالله الله يتممها عليكم بخير يا رب :)

بالنسبة للطاولات.. جيكي و يا المطعم اللي بتتعاملون معاه لأنهم بيوفرون الطاولات معاهم.. حق خطوبتي تعاملنا مع مطعم التنور و هم وفرولنا كل شي.. حتى الانتركونتتنينتال.. المهم المطعم اللي بتتعاملون وياه هو بيوفرلج كل شي :)

و اذا بغيتي اي شي تراني حاظرة :)

ابصراحه انا ما اعرف من وين بالضبط

بس سيري محلات الخيم يمكن ترومين تستاجرين الطاولات والكراسي منهم


بالتوفيق حبوبه

ممكن تتعاملون مع المطاعم اللي توفر خدمات البوفيه والافراح

وهي منتشره طبعن

واكيد فكرتج حلوه واحسن عن الخساير في القاعات
والحمدلله حويكم واسع

هلا الغالية

بالنسبة لفكرة الحفلة في الساحة الخارجية تراها حلوة ومريحة
اولا لانه الحين الجو اروع ما يكون لا هو بارد الناس بتتجمد من البرد ولا حار ورطوبة
وبعدين ابغي اقولج نحن مرتين مسوين الملجة في البيت بصراحة كان المكان وايد حلو
وبالنسبة للكراسي والطاولات ممكن تتعاملين مع ( ابيلا - او صدف ) يزينولج الطاولات بعد كانها في قاعة
وسيري اختاريلج كوشة بس وايد بسيطة ( علشان تفرق من كوشة العرس) والاحسن تكون شيفونات وورود ناعمة

اتمنى اني افاديتك وحياج في اي سؤال

حبيبتي شوشيت بغيت اتخبرج تقصدين صدف اللي في الشارجه اذا هيه بيي بوظبي؟؟؟؟

هلا أختي ..

أنا يوم خطوبتي طلبت حق الرياييل من المركز التجاري في دبي .. فضيع لدرجة إنه ثاني يوم

أمه سوتلي تيلفون تسألني وين مسوين الأكل و الخدمة .. كلمة راقي شويه على اللي كان مسولي إياه الريال اللي في المركز التجاري .. و بصراحة غطى على الجميع .. حتى دلال القهوة يايبنهم ..

و على فكرة بعد .. كأنهم كانوا في مطعم بالضبط .. يعني حتى لو حد من الحاضرين بيطلب كوفي بيسووله إياه عادي ..

و الأفران يابوها وياهم و حتى البرادات .. و على فكرة إنتوا اللي تطلبون شو بالضبط تبون .. يعني هل تبون بوفيه و إلا التقديم على الطاولات أو حتى على الأض .. بينسقولج أحلى تنسيق ..

يعني بكل بساطة .. يبيضون الويه ..

الف مبروك الغالية

شكلج نسيتينا