اكرهم من كل قلبي

السلام عليكم ورحمة الله وبركاته اولا انا مش صاحبة النك انا صديقتها متسلفته منه لين ما تتفعل عضويتي
انا اكره اهلي كلهم ما اواطنهم في عيشة الله امي تعاملني زفت وكل الوقت تفضل اختي علي في كل شي واللله انه كل ما تشوف اختي ترحب فيها وتهللي فيها من قلب وانا اذا جيت ولا شي ولا كانها شافتني هذا في العزايم يوم يكون في حريم وبناتهم وتقولي قولي امين انك تكونين جوتي حق اختق وتعيب علي وعلى شكلي اني مب حلوة وتلمس خصري وتقول لي مافي خصر موب مثل اختك اختي جسمها رهيب واهي حلوة وشعرها حلو اما انا مصلعة من كثر الهم والله اني اسكر علي الحجرة واقطع شعري واكل اضافري لين ما يطلع منهم دم حتى خالاتي ايقولون حق امي هاذي من وين جت ما تشبه احد فيكم انا دايما اذاجلسة في عزيمة ولاشي احاول اونسهم اسولف لهم هذا طبعي مب حقودة ولا حسودة ودايم انسى الي يذكرون بسوء امي دايم تقول لي بقرة وخواتي بعد وخبلة وان الله رحمني بالعلم حتى اذا في اعراس لاهلنا تقول قعدي انتي مافيك لا خير ولا خيرة والله لدرجة اني البس نقاب واقعد في طاولة ثانية والله يا بنات ماحس لهم باي عاطفة انشاء الله لو يموتون مابكيت عليهم واذا تحجبت يقولون لي يالعجوز حتى يوم مرت خالي جيتنا وهي من ناس غير استغربت منهم لدرجة اني ماداني اقعد معاهم ولا مع الناس كل الوقت تدعي لاختي انا مانكر اني اختي مثل ماتقول امي على القلب بس انا شاسوي انا طبعي كذا ختى انها في بعض الاحيان تكش علي اما اختي الكبيرة انا مادانيها ولا احبها دايم انا وياها هوشات واهي تضربني اهي متزوجة وانا اكره زوجها بعد من كل قلبي حتى اذا بعض الاحيان اذا دخل زوجها غفلة وشافني تقول اهو ما شاف الا هالشينة ليتة شاف وحده غيرها وانا جدا غير مع ربعي اسولف واضحك واحبهم اكثر من اهلي انا دايم البس جلابية عشان ما يعيبون على جسمي وانا احس اني عاقة لامي والله انها بعض الاحيان تصوت وتنادي ولا ارد عليها واعيب عليها في قلبي
ما عاد اقدر اكمل من الكره الي في قلبي والله انا اكتب وادموعي على خدي